Archivio digitale veneto

La Tubbia de Durello

 

 
 La tubia.
 Al so caro paron el smagnifico signor Zuane Malipiero.
 
 
 Smagnifico segnor, a’ m’he imbatù
 de fuora l’altro dì
 quando Zanela all’ordene ha metù
 de far la tubia lì
5da vu. Alla fe’       vuò ch’ascoltè
 comuò el fasea,       e sì disea
 una maitina,       que alla schina
 el se sentia gran duogie da christian.
 
 Arvì le regie, tonca, e ascoltè ben,
10que a’ sentirì chialò
 a que muò che questù s’ha portà ben
 da ’n homo sprementò.
 Mo in bona fe’       ve sè dir que
 el sa ordenare,       e sì sa an fare.
15Mo tegnì mente       se rancurente
 ’l è stò in sto fatto. El scomenzà così:
 
 “Friegi, se far se diè la tubia grande,
 besogna saltar su,
 perqué chialò de fuora el sol se spande
20e si tramonta in su.
 El va de sora,       e si è grand’hora
 que el va faganto       e recercanto
 el sentinello.       Mo ’l è pur bello
 a veerlo sora Venda incapelò!
 
25Mo el va passando pian pian la colina.
 Vîlo zo in quel valon,
 e si se volze a nare a damaitina
 e monta a Revolon.
 Che stèo a fare?       S’a’ volì nare
30a der na óse       a barba Crose
 e an ste putte       que viegne tutte
 chialò al cortivo, che ’l cavallaro ven.
 
 Sentìlo addesso, que ’l ha dà de fiò
 in lo cuorno molto ben.
35’L è qua da drio. Za un pezo el ten sonò,
 el vien aliegramen.
 Via ti, Guola,       salta mo, svola
 fuora del letto.       Tuo’ su el cassetto
 e va’ da tutte       quante ste putte
40e dighe que le vegne addesso qua.
 
 Chiama le Giuriate e la Tolina,
 la Zota del Brion,
 e chiama le Liviere e la Fiorina,
 azò que a’ scomenzon;
45e va’ dall’Ana,       la Cortegiana,
 di’ che le porta       rostiegi e forca
 e che ste altre       ven tute quante.
 Véle al canton que le xe accompagnè!
 
 Gastaldo, salta an ti mo chì in t’on trato
50e va’ chiama anca ti
 Francesco e Perduocimo Ongarato
 e di’ que i vegne chì,
 perqué l’è hora       da meter fuora
 la pagia tutta       e l’ara è sutta.
55Chiama Perin       e ’l Polierin
 adesso chì, che l’ara i spacerà.
 
 Mattio, ósa anca ti un può’ de qua attorno
 e chiama tutti qua,
 e da’ un puoco de fiò entro in lo corno
60e fa’ que i salte qua,
 azò que a hora       i sea a bon’hora
 chialò al cortivo,       que gi habbi rivo
 inanzo que       el sole se
 vaghe a dar volta in te ’l biel miezodì.
 
65Simon, vien mo qua un puoco, s’te vuò fare
 presto. Alto, ièto chi?
 Scomenza un puo’ lì a lò a desbrattare,
 fa’ quel che a’ digo mi.
 Rìvela a ’n tratto       presto co un gatto.
70Fa’ un puo’ a me muò,       pota, s’te vuò!
 T’iè pure astoso       e grizoloso!
 Tuo’ quel scalon in spalla e portal lì.
 
 Va’ mo in t’on tratto, curri un puo’ a chiamare
 Rebeccà inchina lì
75e di’ que ’l vegne, perqué a scomenzare
 no besogna star pi,
 che ’l gh’è Sgaregio       con el so famegio,
 e Rovegiò       con so cugnò,
 el Biertevello,       Begio e so frello,
80Lenzo, Bertuosso e Strapegò hom da ben.
 
 Con ti he chiamò, va’ un puo’ d’attorno via,
 chiama Tuogno Sandron,
 e chiama el Sartorato e Zan Maria,
 i Panegi e Simon,
85Pier Albertin       con so cusin,
 el Mandruzato,       el Sturarato.
 Chiamè Bedon,       Tuogno Brion
 e Siguoloto col Batibecco a pe.
 
 Riva un puo’ lì da Regio e dal Carraro,
90dal Magaroto po,
 e da Checo Peton, dal Pegoraro,
 e ch’i viegne chialò.
 Zane Zanin,       Zan Polerin,
 Santo Mainiero,       pò far san Piero?,
95Piero Lovato,       Cecco Buffato
 e barba Dario e an barba Zambon.
 
 Vegi que i vien, no ghe star a dir altro.
 Bondì, a’ sì pur vegnù!
 Volente mo rivarla? Anè su, alto,
100cinque o siè de vu.
 Poza el scalon       lì al cavagion.
 Via, rivè       e desbratè,
 trè zo a fatto       presto in t’un tratto.
 E vu concèla in pe spazanamen.
 
105Aldito, cao d’ara? A’ no te vego.
 Commandaghe anca ti,
 e se pregar te posso mi te prego
 che te faghi che lì
 su quel canton       gh’è sier Simon:
110gi altri ghe daghe       in man le fagie,
 e co i cortiegi       i meneviegi
 andè tagiando. Concèla erto in pe.
 
 On ièto, Raminato? Intra mo entro,
 scomenza sul canton,
115sbatighe un puoco fuora ben el formento.
 Cancaro mo ai poltron,
 cria a quel poliero!       Pò far san Piero?
 Tocca la Storta,       quell’altra smorta,
 e la Zaneta,       quella bagieta,
120e dài a quel morello e anche al pomolà.
 
 Asegia la moscà e quella rossa
 e l’altra sberollà.
 Punzi quella stellà, quel altra grossa
 e quella repezà,
125e di’: - Va’ fuora,       in to bon’hora! -
 On ièto, Zoto?       Va’ via de troto.
 E ti, Bianca,       que ièto stanca?
 Zira de qua, cancaro in t’i galon!
 
 Para pur via de schina, caro frello,
130un pezo aliegramen.
 Va’ spiganto la pagia pur de bello
 mo via spazanamen.
 Ti, cao d’ara,       chiama in su l’ara
 e fa’ che tutti,       huomeni e putti,
135si viegne fuora       in la bon’hora
 aliegramen, que la pagia è spigà.
 
 Camina, Guolo, e ti, Marco Mainiero,
 e vu, sier Zagolin.
 Crose, tìrate in qua sul bon sentiero,
140e vu, barba Zanin.
 E ti, Mattio,       no star de drio.
 O là, Buffatto,       curri in t’on tratto.
 On sìo, Panela?       Olto, rivèla.
 Rompì un puo’ gi uri, que la pagia è spigà.
 
145Tìrate in su ’n canton con le cavale
 tanto que i rompa lì.
 Via, menè le man, barba Pasquale.
 Rebeccà, s’a’ poì,
 rompì via a fatto,       olto, in t’on tratto.
150Va’ su quel óro       ti, Pulidoro.
 Perqué agn’hon       colation
 si faghe, el cavalaro darà su.
 
 Torna, vòlzite in qua con le cavale,
 va’ su gaiardamen,
155e daghe in le culate. Olto mo fale
 anar spazanamen.
 Presto mo via       in legresia,
 para de schina       quella moschina,
 vaghe daganto       e va’ crianto,
160que in sto fratanto chiamarè a colation.
 
 Caminè tutti, olto mo, rivèlla,
 perqué ’l è menestrò
 agn’hom lì da so posta in la scuela.
 Vegnì via, che ’l è arsiò,
165Zane Bedon,       Tuogno Guagnon.
 O là, Gobato,       curri in t’on trato,
 e ti, Mazucco,       cancaro cucco,
 e vu, Galetto, Quagiato e Negro a pe.
 
 Menega, tuo’ de l’aqua in te ’l cain
170zò que i se lave un puo’.
 Porta qua do o tre peze de lin
 zo que i la rive ancuò.
 Anè sentè,       mo via rivè.
 Tirève in su       qua, tuti vu,
175su sto banchetto       perqué ’l è netto.
 E an vu, putte, concève prestamen.
 
 Portè qua di pezuoli, olto, rivèla!,
 e ’l fromagio salò.
 Tuo’ via sta piena, empi chì sta scuela,
180dàghegi senza bruò.
 Tuo’ quel persuto,       tagialo tutto.
 Va’ tra’ del vin,       del pechenin.
 O là ti, Guola,       salta mo svola
 e tra’ del negro a zò que i beve ben.
 
185Trane un puoco de quel del cao sea,
 che ’l renfrescherà un puo’.
 Dane un megiuolo pin anc’a to mea,
 e ti bevi s’te vuò,
 perqué l’è hora       de anar fuora.
190Da’ chì el boccale       a barba Nale.
 Bevì na botta,       e po che in frotta
 anaghè in l’ara, que ’l cavalar va zo.
 
 Mena qua le cavale a sto canaro,
 qua sotto in sto canton.
195Va’ pigia quelle tre lì dal pagiaro,
 tuo’ de quel fen ch’è bon.
 Le xe suè       e scalmanè,
 ménale entro       per amor del vento.
 Tuo’ d’i vezon,       que i ghe fa bon,
200e dàghene a magnar quanto l’in vuò.
 
 Va’ cata gi uovi. Guarda in te ’l ponaro.
 Portagi un puoco qua.
 Cuòsine du de frischi al cavalaro,
 e fa’ delle frità.
205Tuo’ qua quel cesto,       che gh’è ’1 pan fresco.
 Quel salcizon,       que xe sì bon,
 tàgialo in fete       menù e strete,
 e conzalo in l’aseo e dàghel po.
 
 Tuo’ el persuto, el formagio pegorin,
210e vegnìve a sentè.
 Porta de qua el bocale pin de vin.
 Sìo straco? Via, magnè!
 A’ vuogio anare       a farghe fare
 a sta canagia       romper la pagia.
215On sìo, o là?       Tirève in qua,
 rompìla mo, que ’l cavalaro magna.
 
 Metìla, olto via, in cavalette
 tutte de man in man,
 concèle ben polie, que le sia derte.
220Olto, que a’ scomenzan.
 El cavalaro       si è anò al canaro
 a fregolare       e desligare
 le suò cavale,       che qualche male
 no ghe viegne col tiro e i strangogion.
 
225Camina mo, s’t’he rivò de frustare,
 que a fatto gi è anè zo.
 Va’ drio de schina e no star a guardare,
 rìvela se te può,
 ch’a’ tragan fuora       in la bon’hora
230tutto el peon.       Olto via, agn’hon
 para pur via.       Sinti que i cria.
 Rompila a fatto e tìrate da ’n lò.
 
 Aldito, o là? Desbrata là a la teza
 e tira sotto lì.
235Para via quella botte e quella veza,
 fa’ quel ch’a’ digo mi.
 E vu, Carraro,       frello me caro,
 tolì un rostello,       pinzì de bello.
 Andrea Gobato,       que ièto straco?
240Tuo’ un puo’ la forca, para la pagia in là.
 
 E vu, barba Galeto d’Albertin,
 col Petenaro a pe
 tirève in stregia con vostro cosin.
 Ti, Lenzo, laorè.
245Tolì i restiegi,       cari fradiegi,
 penzì via a fatto,       olto int’on tratto.
 O là vu, putte,       fève in qua tutte,
 tolì le pale, penzì de schina an vu.
 
 Vu, que da l’altro lò a’ stè guardare,
250tornè la pagia in qua.
 Olto de gratia, no ve fè pregare!
 Mo via, mo de brigà
 concèla ben,       perqué ’l sconven
 descatigiarla       e po inararla
255aliegramen,       spazanamen,
 que ’l cavalaro scomenzerà anar su.
 
 Olto, bevì na botta tutti a drio,
 que a disnare anarì.
 Zoto Mainiero, ti, que ti è da drio,
260camina, no star pi.
 Ti, cavalaro,       frello me caro,
 va’ via cantando.       M’areccomando,
 resta in bon’hora.       Me par que hora
 sipie d’anare a tuor quatto bocon.
 
265Lavemose le man, sentemo al desco,
 que a’ vuò magnare an mi.
 Tirève a pe de mi, barba Francesco.
 Portè la carne chì.
 Fè che ghe ’n sia       lessa e rostia,
270veelo e castron       si magne agn’hon.
 Dème del bruò,       perqué mi a’ in vuò,
 e della torta, se cota la xe ben.
 
 Aliegramen, fradiegi, dèghe drio.
 Tuolì un puo’ sto bocon,
275bevì na bota, barba Salamio,
 que a’ se levamo agn’hon.
 Sentì que dixe       barba Loixe:
 ’l è Raminatto       que va zo a fatto.
 La pagia è fatta,       tutti desbratta.
280Bon pro ve faghe, fradiegi, a un per un.
 
 Sentì que ’1 ha criò tre bote an pi
 che la se volte ben.
 Descatigèla ben, friegi. Oh così,
 olto spazanamen.
285Éla voltà?       Vuòlzite in qua.
 O là, Sandron,       e ti, Guagnon,
 tirève in su       vu tutti du,
 que ’l scomenzerà intrarghe e darghe su.
 
 Para! Pinzi de china! Asegia lì!
290Tuo’ quel cavestro in man.
 Vìto quella poliera che va lì?
 Tru, sta’, que ’l mal drean!
 Tirale in stregia       Rivela! Asegia!
 Va’ fuora, sta’.       Zira, va’ là.
295Vu refreschève       e po slarghève.
 Porta i bocale na bota, i beverà.
 
 Daghe quella scuela e quel megiuolo,
 tuolì i bocale in man.
 Bevì vu, barba Santo, e ti, Griguolo,
300e vu, sier Bastian.
 Luca Panela       tuolì sta scuela.
 Celio Beccaro,       frello me caro.
 Aldìo vu, Conte?       Volìo, de Monte?
 Dène al Noale, que i beva de brigà.
 
305Ti, cao d’ara, da’ largo al pagiaro.
 Ti, Negro, salta lì.
 Diese de vu si vaghe a passo paro
 e scomencè così:
 drio le cavale       (ne farì male)
310andè sunando       e po sbatando
 la pagia muorta       (vî, se l’importa!)
 e baterìla a pagiaro molto ben.
 
 Dèghe pur drio, fradiegi, de possanza,
 olto de man in man.
315El sole è alto, vî que ’l strabalanza
 e si piega a doman.
 Laorè via       in legrisia.
 O là, Liviere,       presto leziere!
 Vu, Mandruzate,       no stè sì quate
320e vu, Toline, mettì le forche in qua.
 
 Chi sarà mo de vu, friegi me cari,
 che ’l pagiaro farà?
 A’ parlo a tutti vu, arsent’e boari:
 tirève un puoco in qua.
325Otto de vu       si salte su
 e me responda,       e no se sconda.
 Voltèla ancora       in la bon’hora,
 che ’l cavalaro va su dall’altro lò.
 
 Avierzi ben gi uocchi, Candiotto,
330que la sea fatta ben.
 Te g’he sentio que n’è chiamà otto,
 gi è vegnù aliegramen.
 Andè un puo’ tutti,       putte e vu, putti,
 e parè via       a torno via,
335fèla su ben       spazanamen
 la pagia muorta gli altri la sunerà.
 
 Sunèla un puo’ su ben, cari fradiegi,
 que adesso el vegnirà
 quattro piane de suppa e du tortiegi
340con spicie informagià.
 O Raminato,       dài a quel matto,
 zegia el morello       que ’l fa el bordello.
 Ve’ che ’l va fuora,       in to bon’hora!
 M’orsù va’ lì, que ’l portego i farà.
 
345Intrè mo entro e alzè ben a capello
 o magnè inprimamen.
 Simon, porta le suppe col tortello,
 sì sì, que ’l starà ben.
 Aldìo? Tolì,       magnè, bevì.
350La fa pur vuogia       sta suppa, e muogia!
 Tolì el cortello,       tagiè el tortello,
 che ’l portego farì con haì bevù.
 
 Tuòte mo via de chì con ste bagagie,
 va’ via, que i n’in vuol pi.
355Alzèla ben in su, fé que ’l ghe vagie
 fuora el fromento lì.
 Trèla a capello,       criè de bello:
 Alzèla in su!       Agn’hon de vu
 ragie de óse.       On sìo, an, tose?
360Tegnì ben stretto, scorlèmo de brigà.
 
 Fè ’l portego al pagiaro e tuolì su,
 que a marenda anaghè,
 che ’l cancaro ve magne, turlurù!
 Presto via desbratè.
365Via, que se cata       una salata.
 Presto lavèla,       e po concèla
 ben delizente       con gi uovi arente
 e co ’l fromagio e ceolette a pe.
 
 Bivì, magnè, ridì e sganassève
370ch’a’ no v’imbriaghè.
 Putte, tirève in su. An vu sentève.
 Vu, Dario, scomenzè.
 Aldìo, Zambon?       e ti, Bedon?
 Ti, Albertin?       O Zagolin,
375o Pettenaro,       e ti, Carraro?
 Ti, Pulidoro, magna quanto te vuò.
 
 Mazucco, ti, Quagiato e Cornegian,
 Buffato Negro a pe;
 e vu Gobati, Tuogno e Saccoman,
380Mainiero, no stè in pe.
 Lenzo Durello,       caro fradello,
 ósa a Sgaregio       e chiama Begio,
 dìlo a Bregatto,       Rovigiò a fatto
 e al Sandron con gi Ongarati a pe.
 
385Ve vuò contar, fradiegi miè, na bagia
 in tanto a’ magnarì.
 Anié l’altro diazo a messa a Pragia
 (so que ve la rirì):
 qu’è che no è       a’ sento que
390in t’on casson       gh’è di pivon
 gruossi e sottile,       que, a’ ve vuò dire,
 i sonagiava forte e dolcemen.
 
 A’ me despuosi de tirarme in drio
 un passo e guardar su.
395A’ no vego negun. - O Gieson Dio, -
 a’ digo, - a’ son perdù! -
 A’ vego un frare.       Mi a domandare:
 - Padre, chi sona?       - Frelo, l’è nona.
 Qu’è che no è       a’ sento que
400el passa l’usso, e si ha un baston in man.
 
 A’ penso che ’l me vuogie dare a mi,
 a’ corro prestamen
 su per na scala que, al santi de mi,
 a’giera stracco ben.
405Quando a’ fo in cima,       el gh’è na roina,
 tambaramento,       sbusenamento,
 que ben sbuffava       e supiava,
 e si era un frare que haea i fuoli in man,
 
 e si tegnia alzò mo un mo l’altro.
410Pensè s’a’ m’in ridié.
 Arvo quel usso e s’intro in t’on altro:
 sioluti a’ gh’in cattié
 mille megiara       de centenara,
 tutti d’ariento       smissiò per entro.
415Quigi sonava,       e si cantava
 sì dolcemen que a’ restié inspiritò.
 
 Bon pro ve faghe a tutti. Anè un puo’ in l’ara
 e concève de lì,
 che se daghe la pagia. O cao d’ara,
420olto via, fè così.
 O pagiaruoli,       cari figiuoli,
 va gran al pagiaro.       Ti, frello caro,
 tuo’ el to capello,       sbati de bello
 in su quel asse; a’ vego el no gh’in ven.
 
425Valent’huomeni, via, laorè de cuore
 che ’l pagiaro a’ fagan.
 L’è sonò addesso ben vintidò hore,
 a’ vuogio que a’ balan.
 Concève quattro       live de fatto
430sui canton.       Ve daghe agn’hon
 tutta la paga       que no se faga
 qualche vergogna, che l’agio sea mandò.
 
 Portè i rostiegi, pale, forche tutti,
 che a mucchio el penzerì.
435Tamentre ’l è abonhora, cari putti,
 zapèlo, s’a’ vuolì.
 Sto letto è fatto.       Tutti in t’on tratto,
 azò que ben       e prestamen,
 friegi miè cari,       i crivellari
440tanto pi presto an igi el darà zo.
 
 Pinzì in là el fromento da quel lò
 appresso lì al peon.
 Tuoli quel sacco in man, o Gnicolò.
 Aldito, o là, Petton?
445E desbratà       portelo in là.
 Tuo’ l’altro sacco,       caro Saracco,
 impilo ben       spazanamen.
 Fè netta l’ara, que a cena po anerì.
 
 Tuolì qua quigi albuoli coi corbon,
450gastaldo, presto lì.
 Porta qua quelle pale, aldi, Simon,
 olto via, no star pi,
 va’ arsia la cena.       Via presto mena
 le man a ’n tratto,       volta de fatto
455quelle lasagne,       che le se magne.
 Fa’ fuogo chiaro que ’l fummo a’ no magnan.
 
 Stiza ben sotto, e dìlo alla Gastalda
 che la carne sia arsià,
 que la la cave fuora e tegne calda,
460che presto i vegnirà.
 Volemo anare       tutti a cenare,
 e desbrattò       vegnì chialò.
 Spazè ben su       quattro de vu.
 Olto via, putte, ch’a’ vuogio que a’ balan.
 
465Andon a cena, que sia laldò Dio.
 Ancuò se hon portà ben.
 Pregherò sant’Antuogno e san Thomio
 que sto lugio che ven
 ancuò in tal dì       fagan così
470con sto bon sole,       que fa spianzore,
 e si è stò saldo,       temperò e caldo,
 e nu po tutti de vuogia a’ g’hen laorò.
 
 Tiremose mo al portego e cenon,
 que a’ vuogio che a’ s’impian.
475A’ vuogio tuore an mi quattro bocon,
 alla fe’ da christian!
 O là, o là,       portè pur qua
 quelle lasagne,       che le se magne!
 Da’ qua quel veello,       caro fradello,
480e quî capon co i polastriegi a pe.
 
 Tuolì vu st’ala in man, vu sta cossetta
 e sto puo’ de figò.
 Porta via sto cain, e di’ alla Betta
 ch’a’ m’ho desmentegò.
485La vaghe adesso       a tuor quel lesso,
 que xe lì caldo,       m’areccomando:
 l’hassan magnò,       gh’in foesse stò.
 Tuo’ qua el persuto, ch’è stò cotto in lo vin.
 
 Vîo, magnè de questo, che ’l incita
490el bevere gh’è bon.
 A’ m’hi sentio comuò el me da la vita.
 Tuolì mo sto bocon,
 scavezè st’osso       coi dente addosso.
 Agn’hon si magne       delle lasagne.
495Tuo’, sonaore,       el pi megiore
 boccon, que me t’habi magnò ai tuò dì.
 
 Vu que haì magnò de cao tuolìve fuora,
 portè i banchiti lì.
 Bon pro ve faghe, ’l è ancora abonhora,
500el sol ven zo lì.
 ’L è in cima al carro,       el va a ponaro,
 el para via.       L’ave maria
 no starà troppo       a dare el botto.
 Via con la lira, manezate un puo’ ben.
 
505Tocchè vu el sciolotto per i busi
 e smisciè con i dî.
 Anè mo tuolì su, tose, quî tusi
 e balè s’a’ volì.
 Fa’ un saltarello,       que supie bello,
510cantaghe entro,       que a’ son contento:
 O prò fiorio       viso polio,
 morosa bella mo faghe de penin.
 
 Faghe mo quel bel balo, che va in canto:
 La bella ha ’l pe levò,
515la no sa que per ella a’ son sì franto
 que a’ paro un desperò.
 Taritandella,       morosa bella,
 tararirà,       vuolziti in qua.
 Sea benedetto       quel bel visetto
520e quî biegi uocchi, que m’ha fatto preson.
 
 Volta, para mo a monte e fa’ così:
 Amor xe per poltron.
 Toccalo pur sul canto e tenlo lì.
 Torella ritondon.
525Vuolzite in qua,       tirate in là
 salta gagiarda,       ferma e pur salda
 Doh, caro amore,       o fin amore,
 no tiento el mondo tutto innamorò?
 
 No sonar pi, que ’l è hora d’anare
530a cattar mo doman.
 Bevì na bota e nève arponsare
 via de man in man.
 M’areccomando,       anè sonando.
 Anè con Dio,       que priego Dio
535sempre a’ ridamo       e que a’ stagamo
 aliegri e sani,       buoni christiani.
 La bona sera, anè tutti dromì,
 farì bon sono, que dure inchina ’l dì”.
 
 El fin della tubia de Lenzo Durello.