Archivio digitale veneto

Claudio Forzatè, Rime de Sgareggio

 

 
 Al so caro Paron el Carissimo Signor Catarin Zen Seanto vegnù l’altro diazzo da cavar un pezzo de fossà stanco e suò, e vogianto muarme, a’ no catié la femena a ca’, tanto que a’ scugnî fregolarme da me posta, e anare a la cassa per tuor de man una camisa. In lo cavarla fuora, a’ sparpagnié no so que scartabieggi per tera, e togantoggi in man per vêr zò que i disea, a’ catié sonagieti e canzon, e altre tatare, que a’ fié a la V.S. de vu quando a’ ieri a Chioza mierito Poestò; e così dito e fato me vene tanto piteto de far che tuti cognoscesse quanto a’ ve son serviore ubrigò, che senza pensarghe su a’ g’ho vogiù penzergi fuora. A’ so mo que no ghe mancherà zente che dirà che queste no xe fiabe da mandar a un vostro pare, e que ’l è pi i falon que ghe xe entro che le bone parole, e che no g’ho tegnù regola (co dixe sti pulitan) de grafia o siintia. Mi mo a’ ghe responderè a sti rabiusi che vu farì co fé quel Imperaore che ghe vene donò un ravo, che no ’l guardè al presente, ma a la bona volontè de quel puovero vilan. Che ’l sea mo pi i falon che le bone parole, cognossanto tuti chi è Sgareggio, ghe serà purassè que me scuserà ch’a’ g’habia falò la pata in lo scrivere; a’ ghe responderè que no se caté mè negun da le vile, che guardasse a ste cagarì fiorentinesche, e scrivanto fesse “frelo” con du “l”, “mato” con du “t” e “tera” con du “r”, perqué a’ no saon ste recete. Mi mo con tute ste conse ho vogiù tocar de quiggi che, co i g’ha na bona corazzina indosso, i se mete pi ontiera a prigolo de le spontonè. A’ g’ho tolto la V.S. de vu per ruela, e sì me tegnirè defendù soto ’l vostro lome, tetame po chi vuole. Se sto me arcolto mo, Paron caro, foesse stò tardivo, dè la colpa al seco de le mie torbolation, che ’l ha tegnù tirò in drio. E se ben da quel tempo in qua xe intravegnù conse stragne, e a la roesse da quel che a’ ve scrivea alhora, fè conto de haerle habie zà assè, che così no ve parerà stragno. In sta me salat mo, Segnore, per farve pi peteto a’ g’ho metù entro an de l’erba somenà per far piatanza a la me cara morosa la Dina Soleta, e altre smissianze, perqué ’l radichio solo ve harae stufò. Cetè tonca sto puovero presente, e metìlo a pe de quel cuore che zà tanto a’ ve he donò. Stè san, ch’a’ priego Dio che ve daghe quel ben ch’a’ vorae haer mi. Da Calcinara, el mese de i aseni, del mile e la mità de mile e vintitrì pi de sessanta. De la V.S. carissima de vu serviore Sgareggio Tandarello
 
 1
 Vu ch’al cantar d’un puovero boaro
 le faighe, le strussie, i sbatiminti
 a’ sbrefelè le recchie e i sentiminti
 che ’l par que ’l me stentar ve supie caro,
5a’ ve slaino e pianzo a paro a paro
 pin de trista speranza e de piminti
 che, se ’l gh’è chi d’Amor no supia esinti,
 spiero catar piatè, no che reparo.
 A’ m’acorzo ben mi ch’in tra la zente
10a’ son smatò, ma no ghe posso fare
 altro lomè tegnir la testa bassa,
 e pentio de ste strussie e de ste stente
 dir che tempo passò no pò tornare,
 ch’ombria, fumo e beltè ven presto e passa.
 
 2
 Al so caro paron, el carissimo segnor Cattarin Zen, mierito poestò de Chioza
 Segnor, sìaì g’hesse assè megior luchela
 que n’have Dente o pur quel da i Maron,
 a’ no porae dir d’un milion
 d’i vuostri laldi gnan na partesela.
5Lengua gramega, pulitana e bela
 cante de vu, paron sora i paron,
 no mi gramo vilan senza scofon
 uso dir “giè”, “ptru bo”, drio na barela.
 Ma fato ardio da quela zentilia,
10ch’in lo vostro magon g’ha le raise,
 chiapo la piva in man per darghe fiò.
 Sea pur stropà, sea pur rota o sfredia,
 la scuserà per bona e, co se dise,
 chi n’ha pan bianco el magne mesturò.
15A’ vuò mo dir perzò
 che da un vilan nassù soto un fenile
 no aspitè viersi sdaldurè o zentile.
 Paron, el me baile
 no ha cavò tante zope d’un fossò
20né tanti pili ha incerca un porco o un bo,
 co è le lalde, que a’ so
 ch’a’ mieritè, co è le bontè, gi hanore,
 le cortesì, que bita entro quel cuore.
 O Zen, luse e spiandore
25de le Vegnisie e del roesso mondo,
 chin don que nasse el sole, onv’el va a fondo!
 O Zen, co disse Dondo,
 nassù per zoamento a sta citè,
 que ghe n’haea besogno purassè!
30Oh dì santi e beè,
 que andè passando, che mi no ve sento
 soto sto caro e santo ruzimento!
 O Catarin d’arzento,
 catò chialò da mi gramo boaro
35in ste torbolitè per bon reparo
 al me viver amaro,
 quando sarà quel dì, quela zornà
 che con sta puo’ de vita mal stampà
 a’ ve posse una fià
40mostrare quanto a’ ve son dibitore,
 ligò in caena, schiavo e serviore?
 Pota, perqué, segnore,
 quela natura d’agno conda mare
 n’hala fatto i boton da deslazare
45la panza, azzò mostrare
 poesse agnon polmon, bati e figò
 e in mezo al cuore zò que gh’è cazzò?
 Perqué in te ’l me mi a’ so
 che per agno canton ’l è tuto pien
50de quel bel lome de Cattarin Zen.
 O venturò teren,
 o etè pi assà d’agn’altra d’oro e bela,
 que vive soto a sì faoria stela,
 mo no sìto ti quela
55che soto guia de così bon segnore
 te mini i tuò biè dì, le tuò bel’hore?
 Paron, se sto tenore
 foesse na campana e na trombeta
 così co ’l è na zuca e na piveta,
60la sarae chiara e dreta,
 ch’al muò che m’alde adesso questo e quelo
 m’aldirae l’indio, el maoro, el mare e ’l cielo.
 ma ’l gramo Tandarelo
 ha ben gran cuore ma tristo lacheto
65co muò g’ha agno boaro poereto.
 Ste braghesse e ’l casseto
 ve fa certo, paron, sta capelina
 s’a’ ve digo bosia; ma se la spina,
 qur è zà invià, camina,
70a’ spiero de vegnir con sti miè piè
 a saluarve e dir serenitè,
 azzò que a’ me faghè
 trar via ste strazze e farme un bon gaban
 perqué m’alda dapò Pava el Pavan
75con pi chiaro soran
 cantare in megior oxe aliegramen
 “Viva el me bon paron Cattarin Zen!”
 
 3
 A la Segnora Paula Sburimea
 Quando l’Alba beneta
 inse fuora soleta
 del so dolce niaro,
 laganto el vecchio avaro,
5e co i suò biè caviggi
 la somena per tuto ruose e ziggi,
 in quela benet’hora
 la tera s’inamora
 de gi amore del cielo
10e cresce agn’erbosselo
 in te ’l arvir del Sole,
 el me fo dito in suoni ste parole.
 “Sgareggio belo e caro
 pi d’agn’altro boaro,
15a’ son la to morosa,
 che te dona sta ruosa;
 e sì te priego che
 t’avierzi gi uocchi e che te salti in pe.
 E co ti è in pe, moroso,
20vate miti in ascoso
 de cao da lo me bruolo,
 che ghe xe un rusignuolo
 che canta in cima un spin:
 pigialo, caro amore, in sto matin”.
25In te quel dir così
 la me dà un baso, e si
 scampé via a pi poere.
 A’ me slongo per vêre
 de poerla pigiare,
30el fuze el sono e resta el destirare.
 Co g’ho dò un destiron
 a i brazi e un fregolon
 a gi uocchi, a’ salto su
 e pi presto puuh
35che no xe un levorato
 a’ sbalzo fuora de lo me coato.
 Quando ch’a’ fu vestio
 e ch’havi l’usso avio,
 a’ tuogo le mie re’
40e ’l me vischio, che xe
 in te la so cassela,
 e vago a l’orto, on m’hea dito la bela.
 Man me meto a tirare
 le re’ e incatiggiare
45el vischio per lo spin;
 e in quel dolce matin
 no s’aldia lomè osieggi
 con dolce smergolar far viersi bieggi.
 Co a’ g’havi incatiggiò
50el vischio e po tirò
 le re’, salto in t’un fosso
 con de le fransche adosso,
 a’ condo el me carniero,
 zò que in falo no vaghe el me pensiero.
55E presto a’ m’arcoato
 e comenzo de fato
 a far zuogo e zimbelo
 a muò finco o gardel
 co na fogia de poro;
60così ipiminti, c’ho in lo cuore, a’ sboro.
 Co ho tanto sigolò
 ch’a’ son mezo stracò
 e ch’a’ no vedo gniente,
 a’ digo: “Oh grane stente!
65Oh strussiè faighe,
 sto mestiero e l’amor xe do gran brighe!”
 E così in quela ira
 a’ sento che ’l me tira
 la corda ch’a’ g’ho in man.
70A’ guardo. Oh mal drean,
 l’è na cornacchia, c’ha
 dò in te la re’, e sì xe incatiggià.
 Ah fortuna rebela,
 cancaro a ti e sta osela!
75Che vuòti mo ch’a’ faga
 de st’anemal, che caga?
 Vé za, che ’l m’ha insporcà.
 va’ via, ch’a’ no vuò gnan portarte a ca’.
 Torno soto e in te quelo
80sent’un, che dise: “O frelo!
 Sgareggio, vien chialò,
 ch’a’ son impetolò!”
 A’ ’l crea qualche tosato,
 e s’iera in cima el vischio un russigato.
85A’ me fié ben la crose
 co la lengua e la ose
 me restà in la luchela.
 Mo que, un’osel faela?
 E inanzo ch’a’ ’l tocasse,
90a’ ’l sconzurié ch’ancora el me parlasse.
 El disse el poereto:
 “O fre fre fre freleto,
 per chiè per chiè chiè mo
 m’heto m’hetp piggiò?
95Deh la lagame anare”.
 Mi dissi: “No, ch’a’ te vuogio donare”.
 El respose a la fe’:
 “Che chiè, che chiè, che chiè
 fé, chi fé fario chì
100e messe al cuore i dî
 no puol far piezo ca
 donar ’n oselo a chi g’ha el cuor robà.
 Vuòto, vuòto ch’a’ diga
 perqué ’l è bri, ’l è briga?
105Chè, s’te duni ’n oselo
 ingabiò, mo, frelo,
 segondo ch’elo xe
 ligò te duni an ti la libertè”.
 Mi ghe respusi: “Ma
110la me xe stà robà
 la libertè, menchion,
 da du lusente occhion!
 Fa’ conto a’ dono l’osso
 co ho magnò el bon, che venderlo a’ no posso”.
115El torna ancora a dire:
 “T’arecordito aldire
 cantar, quando el disea
 da la to Sburimea
 de nu quel Magagnò?
120Ch’a’ so que te l’he aldù, ch’a’ ’l so, ch’a’ ’l so.
 El maledia colù,
 c’harae dò impazzo a nu
 altri russignoliti.
 An, mo no gi heto scriti
125quî so viersi, zodio,
 sassin, s’te nome laghi anar con Dio?
 Aldi, mi t’imprometo,
 s’te me cavi de streto,
 d’andar ogni matina
130da la to morosina
 a cantar sta canzon:
 Piatè, piatè, piatè, compassion.
 E sì dire de pi:
 Mo cri crito mo ti
135co l’usar cru crueltè
 far gran la to beltè?
 Ti è, ti è, ti è, ti è ben bona!
 Gieson Dio vuol piatè, piatè, menchiona!”
 Quando ch’a’ ’l sentî a dire
140così, possa morire
 ch’a’ me missi a sgnicare
 diganto: “S’te vuò anare,
 va’ via, ch’a’ te destrigo,
 mo no manca de fe’, s’ti è vero amigo”.
145Canzon, s’te vuò catare
 chi ghe piasa el cantare
 d’un russignuol vilan,
 curi in te lo gaban
 de la me Sburimea,
150ch’ela te tegnirà revoltà in ghea.
 
 4
 Naregale de Beggio
 Zà mo ’l è passò du
 dì, e doman gi è tri, caro Sgareggio,
 che ’l n’ha magnò quel puovero de Beggio.
 Mè pi g’havi paura
5se lomè adesso, ch’a’ no posso arvire
 donde s’alturia un hom, co ’l vuol morire;
 la boca, a’ vuogio dire,
 c’he duogia da morire
 d’un dente e un masselon grande co è un pan.
10S’te mo me ’l cri, mo vienme a vêr doman.
 
 5
 Resposta de Sgareggio
 Beggio caro, a’ g’he bu
 l’altro diazzo crivelanto meggio
 nuova che t’hivi a un dente un stragno gerggio.
 Habi bona rancura
5al fato to, e tindi a ben guarire,
 che ’l è malan no poer ingiotire.
 A’ te vuogio mo dire,
 no te la tuor da rire:
 magna de bon, sta’ caldo e sta’ lontan
10da la to Lena inchin che ti è ben san.
 
 6
 Maitinà
 Arvi le recchie ben, morosa cara,
 e ascolta un pochetin,
 n’esser sì dura co xe la nogara
 o na pria da molin.
5Doh, per to fe’, habi piatè
 de mi poereto, ch’a’ son pi streto
 e pi ligò, che sì no fo
 toro tirò a becaro da i fachin.
 A’ son i martelò, cara morosa,
10que n’è un tosato che
 habia menò a la festa la so tosa
 e paghè i buzzolè,
 che un altro toso d’ela moroso
 la tuogie su un balo o du.
15’L ha duogia sì, e pur ’l è lì.
 Ma mi, c’ha no te vedo, ho piezo assè.
 A’ son pi tormentò che n’è un manzuolo
 da i tavani agrezò,
 o que per rire un puoco el boaruolo
20g’habie un gaban butò
 sul cao e na roa soto la coa,
 che ’l n’ha mè ben; mo pur el ven
 piatè al boaro, che ’l l’ha nache caro,
 che ’l lo destriga; e mi son pi intrigò.
25A’ son pi desperò che n’è quelù
 ch’al tempo de l’instè,
 co ’lè mauro el gran, che ’l ha crezù
 far de le bele sunè,
 ven la tempesta, che seca e pesta
30vua e fromento. Elo da drento
 a desperarse, ma pur refarse
 el spiera; e mi no me refazzo mè.
 A’ son pi desgratiò d’un pescaore,
 c’ha pescò tuto un dì
35con coguli, rizzagio, ami e tratore,
 e piggiò de le pri,
 e un cao de pesce poh ’l ghe recresce
 che ’l n’ha piggiò. El guarda in zo,
 ma un’altra sera piggiarne ’l spiera.
40E m’inso de speranza agn’hora pi.
 A’ g’ho pi duogia al cuor d’esser lontan
 d’una mare che g’ha
 un figiuolo amalò dal mal drean
 e un altro in su l’armà,
45che quel guarire, st’altro vegnire
 la spiera rico, o bravo o sbrico,
 e ’l so dolore si xe menore
 del me, ch’a’ g’ho in lo sen per ti ficà.
 Serore cara, a’ son senza de ti
50co è senza un fiore un prò
 e co xe na muragia senza pri,
 co è senza cuorni un bo,
 co è un tortolato seco e desfato,
 che no ha vezù zà un mese o du
55la so compagna e ’l pianze e lagna;
 così me lagno an mi per amor to.
 S’te vuosi vêre un bosco de pianton,
 ch’è de frezze apiggiè,
 seror, guardame un puoco in te ’l magon,
60che là le g’he petè.
 Petè sì forte, che lomè Morte
 le puol cavare, e ti, comare,
 ch’un giotoncelo, che xe to frelo,
 co un arco d’oro si ghe l’ha tirè.
65Seror, ’l è taridi, l’è levò la Chioca
 e le Falze e i Biron,
 la luna an ela gh’averze la boca
 e sì fa luxe a ognon,
 l’hora è d’anare a reponsare;
70se ben reposso haer no posso
 quando che a’ penso e che a’ repenso
 a quel to viso, a quî to bieggi occhion.
 Pure a’ farè du ben col me partire,
 e quest’uno in serà
75che, s’te ni druomi, te porè dromire;
 l’altro, mi anderò a ca’,
 e sì a’ verè s’a’ poerè
 an mi un poccheto anar in leto.
 Sta’ con Dio ti. Romante chì,
80canzon, zà che te m’he compagnò qua.
 
 7
 Sonagieto de Beggio
 A’ son sì brustolò, Sgareggio caro,
 e de muò cresce in su sto fogaron,
 ch’a tirar te verè presto i scofon
 Begio Ravan, quel puovero boaro.
5S’a’ muoro, Amore, fa’ ch’i buò col caro
 s’impiggie an iggi e impiggia anche el cason,
 de muò che faghe smaravegia a ognon,
 tanto me fuogo torbolente amaro.
 El me gaban sea in pe de corsaleto
10co i miè zapon tachè cima a un restelo
 col capel su, che scuse per elmeto,
 e scrito ghe sea su dal Tandarelo
 viersi, che dighe: “Vî, sto povereto
 per massa voler ben xe andò al bordelo”.
15Da mieza note, quand’iera pi scuro,
 al spiandor de du occhi a’ g’ho stampà
 al me caro Sgareggio sto versuro.
 
 8
 Resposta
 No te smaravegiar, Beggio me caro,
 s’in la panza te g’he quel fogaron
 che te brusa dal cao china i scofon,
 ché chi n’è inamorò, no è bon boaro.
5He sentio dir ch’Amor va sempre in caro
 zolando in questo e in quelaltro cason;
 là ’l ponze e scota, qua ’l miaga, onde agnon
 prova così de dolce qual de amaro.
 No ghe val corazzina o corsaleto,
10donde che ’l toca con quel so rostelo,
 né coverzerse ’l cao gnan co l’elmeto.
 Te dirè ti: chi ’l sa? Mo el Tandarelo,
 che n’ha mè ben, donde che ’l povereto
 è tanto tormentò, che ’l va al bordelo.
15Seanto sentò sul cul del me veturo
 e pensanto a la Dina, a’ g’ho piggià
 la pena in man per farte sto versuro.
 
 9
 Al muò de quelo de messier Dovigo Rostio, que dise: “O più che ’l giorno a me lucida e chiara”
 O d’agno dì pi chiara e pi lusente
 note santa e beneta
 e de tante miè stente
 riequie dolce e sprefeta,
5tanto pi dolce e cara el m’è doiso,
 quanto pi te vegnissi a l’improviso.
 Luna beneta, te fussi ti quela,
 che col to bel spiandore
 in quela note bela,
10ch’andî in brazzo al me amore,
 te me fessi ti luxe e ’l lucernaro
 fo ’l ciel de stele armò lusente e chiaro.
 Doh, pare Sono, ti che co i feltron
 gi vuocchi sì impetolè
15te g’hissi tanto a gnon
 che a’ no fu sentù mè,
 a’ te rengratio, fa’ de l’altre volte
 che tuti droma e che negun m’ascolte.
 Usso pin de piatè, usso me caro,
20sì pian te fussi arvio,
 che a pena el portenaro
 no t’have gnan sentio.
 O celibrio, che crea de insuniare
 quando in brazzo al me ben m’aldì basare.
25O man maneta, che a muò un poereto
 orbo me menà in casa.
 O peche de respeto,
 che ’l bogna che le tasa.
 Mo che vuòto ch’a’ dighe, o cambareta,
30del fato to? Lomè sìto beneta.
 O dolze abrazzaminti, che con tanti
 gruopi a’ strenzissi el pieto,
 le gambe, el colo infranti,
 che mè no fu sì streto.
35Boca de muschio, inzucarà lenguina,
 ch’a tanto me gran mal fussi mesina.
 O fiò, che olisse pi del zibeto.
 O testimuonio vero,
 megior de tuti, o leto,
40fin d’agno me pensiero,
 leto cason ch’a’ g’havi sta dolcezza,
 che ’l me caval magnà senza cavezza.
 Leto pi sdrumenò de tuti i lieti,
 pi sbatù e spolverò
45che no xe in t’i sacheti
 el pevere pestò.
 In colusion a’ ve rengratio tuti
 vu, ch’a’ m’aidiessi a sonar i fiauti.
 A’ no taserò zà de ti, luxeta,
50che con nu in compagnia
 te veggiassi, o careta,
 e sempre d’uolio impia
 per ti, serore, e perché a’ pussi vêre
 havi per la mitè dopio el piasere.
55Oh quanto el piase in sì dolce facenda
 de passir an la vista
 de du vuocchi, che sfenda
 quanto i pò vêr de vista;
 guardar un fronte, un pieto bianco e belo,
60questo ten saldo el remo in lo burchielo.
 Mo vêr le ceggie e g’indorè caviggi,
 mo vêr po quel ruose
 insparpagnè su quiggi
 lavri, che ’l cuor me cuose!
65Mo metterghe la boca e dal rosaro
 n’esser ponzisti, vale ogni dinaro.
 Guardar quî slimbri, che ’l ghe perderave
 de bianchezza la late!
 An, mo chi no rirave:
70ma qua ghe xe retrate
 quante beltè, che ’l ciel, la tera e ’l mare,
 no a na dona, m’a ’n agnolo pò dare?
 Quando a una volontè satiare e quando
 a un’altra, sì che tute
75si g’habbi al so comando
 le conse che ha le pute,
 e contentare i cinque sinsi tuti,
 benché ’l tocare è quel, che piase a i puti.
 Doh, ’l ven pur chiare volte ste venture,
80puoco dura el piasere,
 spesse xe le sagure.
 Perqué te fiesto vêre,
 Alba, sì presto, an? Perqué inviliosa
 apresso el to vecchion no stiestu ascosa?
85Poesse almanco farte una basseta,
 sassina traitora.
 Che no detu na stretta
 al vecchio e far che ’l muora?
 S’ti è stufa d’elo, catane un putato,
90e druomi e laga agn’hom sul so coato.
 
 10
 Alla carissima segnora Betta Zen poestaressa de Chioza
 A’ no crezo que mè Parasio o Pele
 penzesse in muro, in asse, in carta, in tela
 na fegura compia sì schieta e bela,
 co a’ sì, Parona hanor de l’altre bele.
5Tanto co luse el sol pi de le stele
 e un bel dopiero pi d’una candela,
 al muò que luse al scuro una fasela.
 così luse quel viso in queste e in quel.
 Tasa quel, che canté la so Loreta.
10Se ’l fosse vivo, el dirave spreciso
 la no fo degna trarve una scarpeta.
 Gi vuocchi, la boca, el sen, la gola, el viso
 mostra tanto spiandor, ch’una agnoleta
 a’ parì svolà zo dal Paraiso.
15Gratia, parole e riso,
 honestè, cortesia, famia d’hanore
 xe le vertù ch’a’ g’hi sarè in lo cuore.
 Parona, se le hore
 foesse agni e que sto me cotale
20d’archeto fosse impasturò d’azzale,
 se d’inghiostro un canale
 foesse pin e ch’hesse pi penieggi
 ch’in la vostr’ara è stè guano granieggi,
 e c’hesse pi cervieggi
25que no se vende un ano in becaria,
 a’ no porae cantar tal zentilia.
 De la vostra zenia
 n’in faelon, che de mario e de pare
 neguna certo no ve va del pare-
30La gran Snatura mare,
 che no vo che na schiata sì hanorà
 vaghe de male, v’ha conduta qua,
 onve che a’ g’hi muà
 ciera, legrezza, viso, panza e pelo,
35che a quel ch’a’ vego a’ g’hi impolò un putelo,
 no putelo, un pontelo,
 che farà hanor a i suò santi e da ben
 antessore, ch’è muorti da ca’ Zen.
 Parona, aliegramen
40tegnìve in bon, che a’ sì la prima stà
 de do cugnè, che g’hea besogno assà
 d’haer tusi per ca’.
 A comenzare insegnèghe mo a ela,
 a la vostra cugnà cara Gabriela.
45Pota, la sarà bela
 che così tute do, co è palaini,
 a’ farì Marchiorati e Cattarini,
 onve co bieggi inchini
 Vegniesia e Pava s’aldirà cantare
50“Viva Zini e Mechieggi in tera e in mare!”
 
 11
 Sonagieto de Beggio
 A’ g’he butò i penieggi in t’un cain,
 caro Sgareggio, e sì vuò lagar stare
 de fruarme i cervieggi a spegazzare
 tanto ch’a’ vegne a farte un bel inchin.
5Chialò no g’he boaro o cettain,
 puovera Pava, che s’alda cantare.
 Dasché ti no se t’alde a smergolare,
 i no priesia sto mondo un bagatin.
 Frelo, quando in la vila de chialò
10sti boari me disse: “Te no sè,
 Beggio? Mo ’l to Sgareggio xe amalò”,
 a’ dissi in zenocchion: “La gran bontè
 de Dio no vuogie tuorlo de chialò
 e ne scampe da tanta scuritè!”,
15e de cuore a’ preghié,
 e così tuti, messier Gieson Dio,
 che ’l ha vogiù que te supi guario.
 Fa’ mo che da qua in drio
 s’alda quî tuò sonagi e quî strambuoti,
20che dà ose a i nuostri sigoluoti.
 Quî tuò pegoraruoti
 sì gran boari e buoni cantarini,
 che sta là da Vicenza in t’i confini,
 te fa tri bieggi inchini,
25mi un, ch’è quatro. A’ te vogion pregare
 che tal fià te ne vuogi alturiare,
 perché, s’te aniessi a stare
 assè fuora de Pava, a’ provessan
 che marturio è la fame, è bramar pan,
30ché, col to bel soran
 s’alde longo la Brenta a sgrongolare,
 a’ seon bieggi e passù senza magnare.
 Quî monte, on ti è anò a stare
 per tuorte del piasere qualche dì,
35me par ch’a’ i vega zà tuti fiorì.
 O aventurè ch’a’ sì,
 monte beniti, dasché del Pavan
 g’harì tirò là su du gran sletran.
 Teto Luolio hortolan
40fo el primo; a desso a’ g’hi tirò là su
 el pi gran cantaor, ch’habian mè habù.
 Frelo, s’a’ son insù
 fuora del trozo, ’l è ch’a’ n’he mè ben
 lomè co te menzono veramen.
45Co t’he ingrassò ’l teren
 in quela bande, caro Tandarelo,
 màndame a mi qualche versuro belo.
 
 12
 Resposta
 Beggio, se ’l trar da banda el spegazzare
 e fare a questo e st’altro un bel inchin
 impisse de menestra el to cain,
 quî penieggi sarae da lagar stare.
5Frelo, ’l è andò in despersia el smergolare,
 le vertù no s’apriesia un bagatin,
 no gh’è re, duco, conte o cetain
 che done pi a negun per ben cantare.
 El fo zà tempo tanta gran bontè,
10che co un versuro assè mal sdaldurò
 s’haea da i grande in cambio una citè.
 Adesso quel bel tempo xe passò,
 sto mondo è pin de nibia e scuritè,
 pin d’ingani, traitore, orbo, amalò,
15onve tuti chialò
 dessan pregare messier Gieson Dio
 che ’l fesse doentar bon da qua in drio,
 azzò que agnon guario
 da tante infirmitè co i sigoluoti
20fesse aldir per lo mondo d’i strambuoti.
 Se quî pegoraruoti
 fosse a Pava anca iggi i bieggi inchini,
 ghe struferae se ben gi è cantarini;
 ma quî suò Vesentini,
25co i alde a dir Menon no pò cantare
 e Magagnò vér Pava vuol trucare,
 i gi va alturiare,
 i ghe manda le legne, el vin, el pan,
 zò que i no vegne a stare in sul Pavan,
30tanto che ’l so soran
 torna e maganza, Menon e Begoto
 tuti tri a un dà ose al sigoloto.
 Chi no g’ha mo biscoto,
 s’i no se ’l guagna e far co te fè ti,
35par ch’i viersi mo no sea così fiorì.
 Beggio, ’l è buoni dì
 che Pava no g’ha bio bon hortolan
 co ti sì ti, mo sì da cristian,
 snatural, no sletran.
40Mo tindi, co te n’vuoveri el penelo,
 a mandar d’i versiti al Tandarelo,
 al to Sgareggio frelo,
 che g’ha da caro assè verasiamen
 de sto to bon cantar, d’agno to ben,
45e fa’ che ’l to teren
 no reste vuodo. Tìndilo a ingrassare,
 dasché sì ben ’l ha scomenzò a frutare.
 
 13
 Al muò de quelo, che dise: “Dolc’ire, dolci sdegni e dolci paci”
 Dolce coruci, dolce paxe care,
 dolce star per ti, tosa, a pioza e vento,
 dolce bochin, che me pò far contento,
 dolce in lo to bel dolce sempre stare.
5Dolce a la to presincia el laorare,
 dolce quel dì, ch’a’ fu in batagia vento,
 dolce caena on ch’a’ fu tanto strento
 ch’a’ no crezo mè pi poer muzzare.
 Dolce quel portar cisti in bigolon,
10dolce co quî biegg’uocchi trarme ’l cuore
 e no me lagar gnan bati o polmon.
 Dolce è quel volto, on que ghe bita Amore,
 dolce l’arco, quel fuogo e quel bolzon
 e dolce ’l mal ch’a’ g’ho per ti, serore.
 
 14
 Al muò de quel, che dise: “Amor mi sprona in un tempo, et affrena”
 Amor me ponze e dapò stropa el buso,
 me menaza, me slenze, aghiazza e brusa,
 el ri con stizza, el me defende e cusa,
 el me chiama, el gioton, po torze el muso.
5El me mena per tuto in zo, in suso,
 el m’arve gi vuochi e cazo in t’agno busa,
 el me tromenta, sbate e po me scusa,
 el me scota e po miega on ch’a’ me bruso.
 Denanzo el fa belin, de drio el m’amazza,
10el me mostra la via d’anar in l’horto,
 po cava un fosso e me stropa el sentiero.
 El dise ch’a’ son so, po me descazza,
 el dise: a’ te vuò vivo, e me ten morto.
 Queste xe le cason ch’a’ me despiero.
 
 15
 El no arde tanto una teza o un pagiaro,
 che gh’intre el fuogo e no se puol smorzare,
 co fa el me bati; e chi me ’l fa brusare
 asconde lìaqua e supia in lo bronzaro.
5No fa tanto romor favro o schiasaro,
 che co i martieggi tende a lavorare,
 co a’ g’he mi in lo mogon tal smartelare,
 che me se sentirae lunzi un megiaro.
 No fo tanto forò menù crivelo,
10né tanto pestagià co xe ’l me cuore,
 che da frezze e bolzon si xe ferio.
 N’ha tocò tanti grani el me rostelo
 co è i sospieri que a’ trago. Orsù, serore,
 c’harètu po guagnò co sea sbasio?
 
 16
 Al so caro paron el carissimo segnor cattarin Zen mierito poestò de Chioza
 O sea, caro paron, che ’l me pensiero
 xe sempre ficò in vu de dì e de note,
 o sea che per gi mati spesse bote
 se descoerze in assè conse el vero,
5o pur que del boacle el laoriero
 faghe insugnar un mondo de carote,
 o que ’l sol in la tubia me biscote
 e faghe anar la testa a spaliviero,
 tolìla co a’ volì, mi m’he insugnò
10che la parona hea fato el pi bel toso
 grande squasio co a’ sì,da crestian,
 e que de fato el s’heva in pe drezzò
 con viso brusco a muò squaso stizzoso,
 digando: “A’ no vuò tete, a’ vuò del pan”,
15e saltando pian pian
 el disea zà da mo no “Mama, tete”,
 ma: “Messier pare, a’ vuò de le magiete”,
 e co le suò manete
 chiapando de le arme del salon
20el corea d’agno lò, d’agno canton.
 Pota, mo ’l parea bon!
 Me vegna el calcinaro, che un Sgradasso
 n’harae bio quela ciera né quel passo!
 Che ’l no guardasse basso,
25elto co gi vuochi, rosseto de pelo,
 mè no fo visto el pi caro putelo.
 Paron, su sto zambelo,
 co a’ giera sdissiò, a’ ghe tornava
 e n’altra bota a’ me l’insuniava.
30A’ no ve vendo fava.
 Così priego el Segnore e la so Mare
 beneta e santa che ve ’l vuogie dare,
 con ve ’l sè mi agurare,
 maschio, grande, compio, belo e valente,
35sano, bon crestian co è i suò parente.
 No disì mo pi gniente
 ch’a’ no supie vegnù, caro paron,
 con vu quela maitina a colacion,
 ch’un insuonio sì bon
40m’haverave tegnù np do o tre hore,
 ma milant’agni in leto a quel saore.
 Caro dolce segnore,
 Bième tonca per scuso e preghè Dio
 que faghe che ’l me insuonio sea compio.
 
 17
 O dolce prò fiorio, herbe uliose,
 on suole la Soleta zapegare;
 riva, que scolta el so dolce cantare,
 onve quel pe ghe stampa ziggi e ruose;
5care piantè, che galde quela ose
 e don sta la me tosa a zugolare;
 ciese, ch’a’ ghe fè ombria, ciese me care,
 ch’a’ tegnì ’l sole al Sole che me cuose;
 viazzuola beneta, fossò chiaro.
10don la se lava la maitina el viso
 e don caze l’ariento e mè se parte,
 quanta invilia ve porta sto boaro,
 che sta pi ontiera là che in paraiso,
 se ben ’l ha chialò in vu sì puoca parte.
 
 18
 Sonagieto de Sgareggio a Beggio
 In s’un bel prò cargò d’herbe e de fiore
 cantava Beggio in mezo la rosà,
 che ’l bel occhio del ciel n’iera levà
 ancora a dare al mondo el so spiandore.
5A’ sentî che ’l laldava un certo Amore,
 puto orbo nù, co l’ale al cul tacà,
 co un arco in man, che sta sempre tirà,
 e cierti vereton de du colore.
 Mi, ch’iera soco e ch’a’ no m’heva adò
10de chi ’l cantasse, a’ me sgrignava d’elo
 che ’l stesse a sbreselarse sì lialò.
 Onve, quando ’l me vete: “O Tandarelo
 - el disse co un sospiero desperò -
 no rir, Sgareggio, oimè no smatar, frelo,
15que, se sto giotoncelo
 che m’ha forò el magon, te chiapa ti,
 in vita toa te no grignerè pi”.
 A’ ghe respusi mi:
 “Chi cancaro è questù, c’ha sì poere
20de far rire o sgnicare al so poere?
 An, se ’l no ghe pò vêre,
 co muò chiàpelo in coste a questo e quelo?
 Se ’l è un putin, que no ghe deto a elo?
 Se ’l svola, èlo un oselo?
25Te dì po que ’l è nù, mo n’ièto un sterno?
 No muorelo da ferdo co xe inverno?
 Te dì ’l è un fuogo aterno.
 Mo se ’l è fuogo e che ’l brusasse agn’hora,
 no seristo ti in cendere e in mal’hora?
30Te dì que ’l trà d’agn’hora.
 On catel tante frezze e tanti scati,
 se ’l no g’ha bece da comprargi fati?
 An mo chi xe quî mati,
 che co i lo vé con l’arco per tirare,
35che i no s’asconde o se mete a muzzare?”
 Elo co un sospirare
 disse: “Sgareggio, el g’ha na cendalina
 su gi vuocchi fata tuta de sea fina;
 ma, frelo, la stravina.
40Fa’ conto gi è i suò occhiale quî bindieggi.
 E po crito che ’l sea co xe i putieggi?
 ’L ola co fa gi osieggi,
 el brusa e quel so fuogo fa brusare
 figò, bati, polmon, né fuora ’l pare.
45Mo ’l ha po na so mare,
 que ghe dà de le frezze e d’i bolzon
 da forar questo e st’altro in lo magon.
 Che critu po, minchion,
 che, quando che ’l vuol trar qualche vereta,
50che ’l dighe a quel gramazzo: guarda o aspieta?
 El zula, sta frascheta,
 e po se cazza in sen de qualche tosa
 in foza de garofolo o de ruosa,
 e là crito che ’l cuosa
55la zente, che ghe guarda entro a quel sen,
 e che ’l gi tegna arsè contugnamen?
 Priegal, Sgareggio, ben
 che, se na bota el te fora el casseto,
 te proverè que consa è Amor maleto.
60Mi, ch’a’ g’he tegnù streto
 sto faelar de Beggio bon boaro,
 in lo magon adesso a’ ’l sento e imparo.
 Oh fuogo, fugo amaro!
 Oh, Beggio, hesse crezù senza provare
65a le parole, a quel to sospirare!
 Doh, vieme alturiare,
 Beggio me caro, e vieme da’ conseggio
 que dê far con st’Amore el to Sgareggio.
 
 19
 A la lustria cavaliera la segnora Gabriela Mechiele
 Parona, chi xe stò quel mariuolo,
 che ha dito a Pava e per tuto ’l Pavan
 que a’ ieri andà in te l’horto del piovan
 a ingrassar el fenocchio e ’l porezuolo?
5Morire? cancar’è, mo ’l è un canuolo!
 Laghèggi dire e far da gi hortolan
 piantar carote, e tendì a star luntan
 da Sant’Antuonio e da quel vostro bruolo.
 Trè pur da banda adesso l’asmarin,
10gi ambruotani, el cerpilio, l’erba stela,
 el spigo, la lavanda e ’l fior de spin.
 Laghè secar la rua, la mercorela,
 vegnì chialò dal vostro Cattarin,
 no v’incurè de salvia o pimpinela.
15Piantar, parona bella,
 sta ben e arlevar: chi n’arlevasse
 sarea forza che ’l mondo se rivasse.
 Mo se po ve g’andasse
 per strapiantar un puo’ de naranzata
20la pele, perdonème, sasséu mata?
 Cancaro a la salata
 se ’l nìè pecò, dasché vu fè fiorire
 l’herbe, e un toso a’ no ’l saì far nascire!
 Mo a’ me possé dire:
25“Oh te sì valent’homo an ti, Sgareggio!
 Mi a’ me faigo, a’ no posso far mieggio!”
 Tolì sto me consegio:
 no andè a Vegniesia, parona me cara,
 fin c’hi qua Chioza e là Campo Nogara.
 
 20
 El stronelo de Sgaregio
 Morosa, s’a’ crezesse che ’l cantare
 e ’l dir le tuò beltè
 te fesse un pochetin inamorare
 e haer de mi piatè,
5a’ canterave, e sì dirave
 tanto, che ti diessi: “No pi,
 no pi, Sgareggio!”, perqué ’l è mieggio
 un bel taser ch’un faelar assè.
 Seror, l’altra maitina a’ spassezava
10de drio dalto canò,
 a ponto in quel che l’Alba se levava
 da pe del so abirò,
 e a’ viti du volar in su
 bieggi oseliti pezzeniniti,
15che g’ha ’l niaro sul to solaro.
 A’ dissi: “O beè vu! Doh, tornè in zo!
 Perché, s’a’ savessé consa che sta
 soto d’i vuostri piè,
 a’ no ve pertissé mè via da ca’
20per fin ch’a’ vivessé”.
 Mo perqué mo no songi stò
 an mi in bonìhora in quela hora,
 che quela zente, se ben ho a mente,
 se fasea in quel che gi hea pi volontè?
25De fato a’ m’haerae fato in t’un oselo,
 e sì sarae vegnù
 a far el niaro in quel cestelo,
 ch’è apicò al leto in su,
 e sì harae visto in t’un sprovisto
30co te vè in leto. Oh que deleto!
 Harae cantò de fato po
 “cri cri ch’a’ l’ho vezua in nù per nù”.
 Quando che a’ t’hesse po sentia dromire,
 a’ serae svolò zo,
35e sì t’harae vogiesta descovrire
 per vêrte un puo’ pi in zo,
 e col becheto a’ g’harae streto
 quî tuò lavriti così dolciti,
 e ti in paura - oh que xagura! -
40dirissi: “Mare, un osel m’ha becò!”
 A’ scamperave, e sì te tornerave
 de bota salda in sen,
 e in quele tete, ch’a’ m’arniarave,
 che xe tuto el me ben;
45e ti de fato presta co è un gato
 piggia l’oselo: “An mo, ’l è quelo
 che m’ha becò! A’ l’ho piggiò!”,
 man a cazzarlo in gabia prestamen.
 Co fosse ingabiò, mo que dolzore,
50mo que felicitè,
 che sempre a’ te verae da tute l’hore
 e stagantote a pe!
 E ti agno dì con quî tuò dî
 te me darissi boconi spissi,
55dolce in afeto pi del confeto,
 con la to boca habiantogi sbiassè.
 El dirà ’n altro: “Doh, caro Sgareggio,
 te serissi impazzò!
 Mo in qual oselo serave mo mieggio
60che te t’hissi muò?”
 Po, ’l gh’è da fare, chi vuol catare
 el ben e ’l male d’agno anemale!
 Pur a pensarghe e repensarghe
 in t’un cuco a’ serae, cherzo, ben stò.
65Quel è ’n osel, che canta sempre un verso
 e canta fremamen,
 che tanto menuzzolarla per traverso
 no sta gnan massa ben;
 e sì el me piase ch’alhora el tase
70co ’l vé el pagiaro, con dir: ”’L è caro
 el gran, fradieggi! - a gi altri osieggi -
 cu cu, cupe fiorin, gh’è lomè ’l fen!”
 “Cu cu, cu cu, culiè si xe el me amore
 - a’ canterae de fiò -
75cuc cu, cu cu, culiè m’ha robò ’l cuore,
 e sì me ten strucò.
 Cu cu, culiè, standoghe a pe,
 me fa morire e sgagnolire;
 co son lontan, a’ son co è un can
80che via da ca’ vegne tegnù ligò”.
 Tamentre un cuco no magna bocon,
 ch’è quel ch’importa pi,
 che ’l magna lomé, mosche e formigon,
 che n’è pasto per mi.
85’L è ’n osel mato. Po, un tortolato
 te sarae caro; mo el calcinaro
 i fa morire - A’ vorae dire:
 “Cru cru, cruelazza, a’ muoro pur per ti”.
 Gnen quelo no me piase, no a la fe’.
90Un calandrato? Oh, bon!
 A’ falo, e sì no digo veritè:
 i canta per rason.
 El so cantare n’è da imparare
 così in t’un tanto. Gi ha ’l dolce canto,
95i dise: “Fri fior chir t’in cri
 cri ch’i tuò vuochi m’ha forò el magon”.
 No sarae miegio in t’una cisiola,
 che fa ’l niaro in ca’?
 No, ’ta de Cri, che sempre mè le ola
100mo chì, mo qua, mo là.
 Mo co vegnesse le pioze spesse
 da San Tomio. tute drio drio
 ghe bogna anare de là dal mare.
 ’L è un gran viazo, ’l è miegio star qua.
105Un russignuolo xe un zentile oselo.
 Po, el canta dolcemen.
 A’ dirae: “Chir chir chir chior ch’a son quelo,
 che te por porta in sen.
 E in te ’l me canto farae sto pianto:
110Cara morosa, n’esser retrosa,
 habi piatè, ’ta de chi te
 fé el mondo. No me vuòti gozzo ben?”
 Gi ha mo sta peca, che gi è tossegusi
 co è ’n marasso agrezò,
115ch’un dì porae becar na man a i tusi
 e esse strucolò,
 o pur un d’eggi con du granieggi
 de sale, o pure do tagiaure
 de bon persuto - a dio, bel puto! -
120me manderae a spasso in t’un fossò.
 Na capelua, un finco, un faganelo,
 un beto, un lugarin?
 No, no, che tuti vive de granelo.
 Na quagia, un gardiolin,
125una tordina, na boscarina,
 un celegato, un gazzolato,
 un ruzzoleto, un maseneto,
 un peto rosso, un tordo, un verzelin?
 Negun de quisti no me va per verso.
130S’a’ me fesse un traon?
 El canta puoco, e canta sempre un verso.
 An, serore, un frison,
 que ’l primo canta su qualche pianta
 “bi cri bi bi bi bi tra bi?”
135Na squassa coa, un bati roa,
 ’n aquaruolo, un roeto, un chirinchion?
 Un coarosso, una soaronzolina,
 un cao negro, an?
 Na redestola, no? Na boarina?
140’L è ’n osel da vilan.
 El dirà mo un altro: “Doh,
 puovero ti, zà que te dì
 che quel oselo, che xe pur belo,
 sea da boaro! Guarte an ti le man.
145Te dì esser cetain? Doh, poereto,
 ièto stravaliò?
 N’heto indosso anca ti, co ho mi, un casseto
 strazzoso e sbrendolò?”
 E mi dirè: “Mo sì ch’a’ l’he;
150ma se ben son puover strazzon,
 vilan si xe un che n’ha fe’,
 un c’ha pi caro quel d’altri ca ’l so”.
 Puovero mondo, zà che ti è così,
 ch’in ti no gh’è sì bon,
155che no sea la mitè cativo e pi,
 co disse Pertegon.
 Zà c’ho cercò e furegò
 tuti gi osieggi zentil e bieggi,
 e a’ n’he possù dir d’uno o du
160che sea compio in tute le rason.
 O desmalmuriò, n’heto lagà
 el paron d’i osiè?
 Te par che te te ’l he mo recordà
 quel osel, che xe ’l re?
165Qual è st’oselo? Mo ’l è ’l stornelo,
 ch’al me parere per el doere
 porta l’avanto de dolce canto,
 e sì sa faelar, ch’importa assè.
 Per comenza da cao le suò vertù,
170el fa i striolati in ca’.
 E perché ’l è paron, ’l alberga in su
 don che negun no sta,
 con dire: “A’ son pur mi paron,
 andè mo in cielo senza capelo,
175s’a’ no vegnì prima da mi
 su i cupi a dir: Freleto, resta qua!”
 Che ’l sea la veritè che ’l sea el primiero
 e de gi osiè paron,
 no val vestio de megro - ’l è pur vero -,
180co va agni gran Baron?
 Sangue de mi, che ’l è così!
 Mo n’èlo po tuto machiò
 de segne bianche, che par pur anche
 zuogie messe in recamo s’un rubon?
185N’halo becheto po, che no è né grande
 né massa pecenin?
 No ’l hal zalo e indorò? Miessì, el lo spande!
 Indorò d’oro fin.
 E sì nova né qua, né là
190che ’l sea elo solo, ma sempre a olo
 gi è purassè; segnal che gi è
 friegi de fe’ reale e d’amor fin.
 Mo gi ha n’altra vertù, che gi è indovini.
 E che ’l sea vero mo,
195l’altro dì el ghe n’iera su i camini
 del nostro giesiò;
 mo quel dì ponto, fè vostro conto,
 che sti segnore e quî traitore
 de i Turchi can mené le man,
200a’ in sentî un che cantaa inviò.
 El ne diseva a nu, ch’ierimo a messa:
 “Frigrì, frigrì, tulì”.
 El disea questo, e po in t’una gran pressa:
 “Frieggi, frieggi, tasì.
205Chir chier chior chiù, che a’ g’hon venzù
 cri chiur chi chian sti Turchi can”.
 Elo cantava e mi scoltava,
 e sì el diseva purpiamen così.
 Mo scolta st’altra, se te vuò saere
210che ’l sea indovin e bon.
 El ghe giera na ca’ d’un me messiere,
 c’haea lome Tognon,
 che g’heva cento stornieggi drento,
 e sì un dì tuti tosse i suò puti,
215ch’iera in niaro, e a pe paro
 gi andé albergare in t’un altro cason.
 El no passé du d’ che ’l gh’intré el fuogo
 e la ca’ se brusà;
 per questo i grami i se muò de luogo,
220perché i se la pensà.
 Sì che, serore, co te vì a tuore
 i figiuoliti a sti oseliti,
 ’l è mal segnale s’in fe’ reale
 scampa pur via e vien a la me ca’.
225Pota, seror, s’a’ foess’un stornelo,
 mi a’ canterae pur ben!
 Co te vedesse a’ me farae pur belo,
 sol per vegnirte in sen;
 a’ parlerave, e sì dirave:
230“O bela puta, porzila suta
 al to putin chin chi rinchin,
 e portame da bever perché ho sen”.
 Se ’l no ghe fosse aqua po ben neta,
 te dirissi: “Vine qua,
235Rizzato caro, vien da la Soleta,
 che te bevererà”;
 e mi de fato presto co è un gato
 col me becheto ben streto streto
 a’ ’l meterave e beverave
240in quel to bel bochin inzucarà.
 Co fosse ferdo po, cara serore,
 a’ starae retirò,
 e ti dirissi: “Oimè, Rizzeto muore!
 Ma n’èlo zà abirò?
245Doh, povereto, vié qua, Rizzeto,
 saltame in ghea”. ’Ta de me mea,
 s’a’ vegnirave! E sì dirave:
 “Vierzì sta ghea, che a’ vuò morir chialò”.
 Che te no fiessi an ti co fé quelù
250che naganto in t’un prò
 al tempo de la giazza, el fo imbatù
 in t’un bisson giazzò.
 El turlurù el tosse su,
 che ’l fo menchion, da compassion,
255che ’l hea paura - vé que xagura! -
 che ’l romagnisse lì morto e zelò.
 E co ’l fo a casa, el se lo messe in sen
 e al fuogo el lo scaldà,
 e scomenzanto a fregolarlo ben
260el lo ressuscità.
 Co ’l fo arvegnù, el salta su,
 e sì el becché s’un deo d’un pe,
 sì che quel mato morì de fato,
 e per far ben el romagnì apetà.
265Fa’ conto te sarissi ti el menchion
 che tosse el bisson in sen,
 e mi, seror, sarave quel bison
 che rendé mal per ben.
 Ma’almasco mi, serore, vì,
270se ben becasse che ’l s’infiasse,
 n’haer paura de sepoltura,
 che ’l me becheto beca dolcemen.
 Cancaro, a’ porae dir ben purassè
 de le suò gran vertù;
275ma s’a’ credesse deventarghe mè
 a’ serae turlurù.
 Mo tonca mo, se ’l me fiò
 puol ben cantare e an laldare
 sto bel oselo, c’ha lom stornelo,
280’l è purpio un meter cane in t’un palù,
 ’l è giusto un meter aqua in Bachiggion
 e dar de l’herba a i prè,
 co è meter na zenzala al me cason
 al tempo de la istè,
285far un sbregon a i miè scofon,
 trar un bacheto on t’un boscheto,
 zonzer un pelo al me porcelo,
 meter na pena a n’oca e forza a un bo.
 Tonca, seror, se mi no posso dire
290tanto, che ’l no sea pi,
 ’l è manco mal ch’a’ tasa, ch’al sentire
 te sì stufa anca ti.
 Te priego ben, vuògime ben,
 no voler mieggio ch’al to Sgareggio.
295Mo suso, a’ taso, e sì te baso
 quel viso, che m’ha dò tante ferì.
 
 21
 S’un schieto cuore, una fe’ salda e dura,
 un lagnar dolce, una falsa speranza;
 s’un cigar sempre e haer feria la panza
 e de chiaro vêr na note scura;
5s’un n’haer mè de luvi o can paura,
 e star d’inverno a far la fresca danza;
 se l’haer in lo sen sempre una lanza
 que me fore el polmon xe gran xagura;
 se ’l covrir altri e trarme a mi el casseto,
10e sgnicar e criar po co fa un mato,
 magnanto stizza, bever duogia e afano
 el brusarme da lunzi mi poereto,
 agiazzarme d’apresso èlo un bel pato?
 La colpa, tosa, è toa; ma me xe ’l dano.
 
 22
 Al muò de quelo che dise: “S’amor non è, ch’è donque quel, ch’io sento?”
 Que consa heggi al polmon, se ’l no xe Amore?
 E se ’l è elo, que cancaro xelo?
 Se ’l è bon, que vuol dir tanto martelo?
 Se rio, perqué me sa dolce ’l brusore?
5S’a’ me bruso vontiera, onv’è ’l dolore?
 Se per forza, el lagar no val un pelo.
 O morte viva, o mal me caro e belo,
 t’he un gran poer, ma no te ’l lago tuore.
 E s’a’ te ’l lago, he torto s’a’ me lagno:
10in sti vinti roiessi el me barcheto
 senza remo o timon xe restò in seca.
 Con puoco sale in zuca, e menor guagno,
 quel ch’a’ cuogio a’ no so mi poereto.
 L’istè m’agiazza, el ferdo m’arde e seca.
 
 23
 Al so caro paron el carissimo segnor Cattarin Zen mierito poestò de Chioza.
 Rane, griggi, moscon, brespe e zenzale,
 cuorbi, zoete, luvi, vache e can
 m’ha sì stufò, paron, ch’ancuò o doman
 a’ vuò tornare a i vuostri biè canale.
5A’ g’ho roto sì ’l cao da ste cigale,
 sì brustolè dal sol gi uocchi e le man,
 che s’a’ gh’inso sta bota sto Pavan
 no me farà st’instè né ben né male.
 No g’ha un inamorò tanto martelo
10quando che ’l è luntan dala so tosa,
 co muò g’ha del so Zen el Tandarelo.
 Mare no fo mè tanto desirosa
 de vêr un so perdù caro putelo,
 che quanto pi la sta pi l’è bramosa,
15con sta vuogia e golosa,
 sto cuor pin de desiero, sti miè piè
 no fa lomè trar schiuopi e passezè.
 Ste recchie xe insordè,
 sta bocca arsa, el gargantil pelò,
20e gi vuocchi ten d’agn’hora cimegò,
 perqué tanto a’ son stò
 senza vêrve, paron, che sti dies dì
 m’ha parso cento e milant’agni e pi.
 Ve vezo ontiera mi
25pi ch’un orbo no fa la luxe e ’l cielo,
 pi que no fa un pelò le cegie e ’l pelo,
 pi che no fa un veelo
 la cara mare persa in le boscagie,
 pi c’ha gi vuovi impolè pole o cornagie.
30Tant’ongie, dî, brancagie
 un zonfo no g’ha certo desirè,
 né tanto guera i puoveri soldè
 muorti de fame e se’,
 tanto recolto un contain falio
35no brama, né le osure un can zodi,
 no s’agura vestio
 tanto un che da zenaro sea in zupon
 co a’ fago mi de vêre el me paron.
 mandè tonca Tognon
40co ’l barcagno e l’alzana, s’a’ g’hi caro
 de vêre el vuostro puovero boaro.
 Al so caro paron Cattarin Zen
 scrive Sgareggio stufo del Pavan,
 zò che ’l lo mande a tuor spazzanamen.
 
 24
 In lo partire dela Soleta
 Se ’l sgnicolar d’un puovero boaro
 pò far compassion,
 pianza Pava e ’l Pavan a paro a paro
 le mie torbolacion,
5perqué no gh’è qua negun que
 del me brusore n’habie dolore,
 e la me duogia fa a tuti vuogia
 de pianto; e chi è cason me truogna e ri.
 Ma dasché ’l me pianoto ha scomenzò
10anar co ’l culo in su,
 a’ vuò sgnicar s’ ch’a’ farè pecò
 a gno cuore pi cru.
 A’ so che tuti, huomeni e puti,
 che m’aldirà sgnicar de fià
15dirà: “Boaro, Sgareggio caro,
 vuòto lagarne?”. A’ ghe dirè de sì.
 A’ no saea cantar lomè ala riva
 dela Brenta assentò,
 quando el me sole in l’alba si fioriva
20a’ ghe metea de fiò.
 A’ me reposso su qualche fosso
 adesso, e sì me fremo lì,
 passando el cuore de quel dolore
 d’esser restò chialò senza el me ben.
25Se la Brenta ha sentio me el me cantare
 e le mie slegracion,
 l’è per aldire adesso un bel sgnicare
 d’un che no g’ha polmon.
 Fè pur, boari, sieve e repari,
30s’a’ no volì che l’aqua, vî,
 v’anieghe in ca’, que l’ho ingrossà
 co gi vuocchi tanto, que la g’ha cimò.
 Chi ha mè vezù un cagnuolo zoeneto
 perdù dal so paron,
35che cerche de qua e là per storto e dreto,
 per buschi e per cison,
 e quando po ’l ha ben cercò
 che ’l no lo cata, el se spelata
 e sbragia e cria su per la via:
40così fago an mi gramo arbandonà.
 A’ son co xe un tosato fantolin,
 c’ha so mare perdù;
 el va ciganto “mama” el pecenin
 e core in zo e in su.
45El va diganto, pur sgnicolanto:
 “Puovero mi, comuò son chì!”.
 Così mi a’ son in arbandon
 senza culie, che g’ha ’l me cuore in sen.
 Dasché fo messa in pe Pava e ’l Pavan
50da quel bravo soldò
 ch’iera vanzò da quî grami Traian
 bandio e descazzò,
 la no xe stà sì arbandonà
 pina de ruxe e senza luxe,
55sì scura tanto, pina de pianto,
 co la xe adesso, che ’l me amor no gh’è.
 A’ g’he vezù d’instè sconderse ’l sole
 e restar scuro el dì,
 muarse in sparpanazzi le viuole,
60in altrighe le vi,
 i russignati in gazzolati,
 la grama Brenta sì mal contenta
 far d’aqua chiara torgola e amara,
 e far batagia ela co ’l Bachiggion.
65O fime del me ben sì invilioso
 d’agno me mal cason!
 Fime, che porta in te ’l so sen ascoso
 quanto el mondo ha de bon!
 Fime traitore, rebel d’Amore,
70che n’ieto su tanto cressù,
 che i buò, boaro, la carga, el caro
 
 fosse sforzè tornar donve i partì!
 Quigi vuocchi, ch’al Pavan dasea spiandore,
 luse in altro teren.
75Quî bieggi occhion cason del me brusore
 ha portò via el me ben.
 Quî bieggi occhiti belesoliti
 si g’ha portò in altro lò
 la me coragia, zò que ’l no vagia
80criar piatè, e zò que no sea aldù.
 Comuò g’heto sofrio, Soleta cara,
 d’haerme laò chì?
 Mo te g’he el cuor de rovere o nogara
 o de fero o de pri!
85Pur senza dire in lo partire:
 “A Dio, vilan, tindi a star san,
 perqué mi vago, e sì te lago
 senza cuor, senza bati e senza fiò”.
 Seror, a’ te sè dir que, se la duogia
90che me struca el polmon,
 si g’ha d’anar cresanto in tanta vuogia,
 a’ tirerè i scofon,
 perqué a’ me sento in lo cuor drento
 tanto martelo que gnan me frelo
95m’ossa chiamare, mo gnan me mare,
 e dir: “Sgareggio, va’ goerna i buò”.
 Quando a’ passo, seror, per quel sentiero
 don te stasivi ti,
 a’ tiro la cavezza al me poliero
100e sì me fremo lì,
 e là me meto na man al pieto
 diganto: “O Dina, cagna sassina,
 on sìto adesso? Te ni è qua apresso!”,
 e là fago de gi vuocchi du fossè.
105Co g’ho tanto sgnicò, che le scarpogie
 de gi vuocchi xe sechè
 e que da tanto pianto si me bogie
 le palpiere struchè,
 co a’ crepo squaso gramo mi a’ taso
110e vago a ca’, on stravacà
 co gi vuocchi al sole a’ digo sole
 ste do parole: “Oimè, donv’è ’l me ben?”.
 Lenzo, Bregato, Bertevelo e Beggio
 ven là co Roviggiò,
115e sì me dise: “Doh, gramo Sgareggio,
 mo ch’ieto desperò?
 Doh, Tandarelo, sta’ su in cervelo,
 fa’ bon pensiero”. Mi co un sospiero
 po de quî bieggi digo: “Fradieggi,
120tolìve via, ch’a’ vuò morir chialò”.
 A’ sento ch’intrà iggi i se consegia
 e dise: “Che ha questù?”
 Tuti del me sgnicar se smaravegia
 e resta turlurù.
125I dise po: “Dasché chialò
 el nostro stare no puol zoare
 a i tuò piminti, nu descontinti
 anaron via, e si te lagheron”.
 Con gi è partì, a’ salto in pe de fato,
130e sì vago in t’un prò
 que g’ha in lo mezo un chiaro e bel fossato
 d’erbore cercenò,
 e con la lira, que cria e sospira
 del to partire, me meto a dire
135le tuò beltè, sì che in quî prè
 ressona la Soleta solamen.
 A’ digo: “O sol beneto e grulioso,
 onv’heto portò el dì?
 Onv’heto el to lugor sì chiaro ascoso
140tanto luntan de chì?
 Onv’è ’l colore del to spiandore?
 Onv’è quel viso del paraiso?
 Rosso co è vin, tondo e devin,
 bianco co è bianca nieve nevegà!
145Onv’è quigi vuocchi, che tanti boari
 g’ha muorti e soterè?
 Onv’è quî biè caviggi d’oro e cari,
 c’ha tanti cuor ligè?
 Onv’è quel naso d’amore vaso,
150e quel bochin sì scaraltin?
 Quela lengueta, che fa vendeta
 de mile grami, oimè, la n’è chialò!
 Se ’l è la veritè, Pava poreta,
 zò ch’a’ dire ho sentù,
155ch’in te l’inferno in la zente maleta
 no gh’è sole puhù,
 ti è ti un inferno scuro in aterno.
 Dasché culiè, che ciama in pe
 el sole, è anà lunzi de qua,
160an, chi te darà mo luxe mè pi?
 Così comuò senz’alba no ven sole
 e no ven chiaro el dì,
 così senza la Dina haer no puole
 Pava luxe mè pi.
165Orsù boari, frieggi me cari,
 fè ration, canti e canzon
 zò que sta luxe che pi no luxe
 tra nu retorne ancora a star chialò.
 An, chi g’ha mè vezù da carlevare
170un che sea imascarò
 co na bacheta e ’n amo da pescare
 de confeto inescò?
 ’L ha cento a cerca tusi che cerca
 tuorghe ’l bocon. Elo gioton
175tira in zo in su. Miessì, quelù
 ch’arve la boca perde l’imbocà.
 Amor è stò quel gioto pescaore
 che m’ha così oselò,
 la Dina è stà ’l bocon pin de dolzore
180con que son stò inescò.
 Quela bacheta fo la vereta,
 la searina fo corda fina,
 l’amo fo ’l fuogo ch’in t’agno luogo
 sì me cosse e brusa, che a’ n’he mè ben.
185Quando ch’a’ sento la maitina el galo
 a dar le suò cantà
 diganto “cu cu curi, no far falo,
 el sole xe levà”,
 a’ salto in pe crezando che
190quel sole sea quelo ch’a’ crea.
 Co penso po ch’a’ m’he inganò,
 a’ me morsego un deo diganto oimè.
 A’ son senza de ti, Dima me cara,
 co è un hom senza polmon,
195co è un manego lagò senza manara,
 co è senz’arco un bolzon,
 co xe un boaro senza ’l so caro,
 co xe na spina fuor dela tina
 e un mondauro senza versuro
200e fuor dela guaena un bel dagon.
 A’ son co è senza schiona una coreza,
 co è un speo desmanegò,
 co è un pontelo cazù soto na teza
 che no ven doverò,
205co è un melon senza mare o somenza,
 co xe un capon senza speron,
 e co xe un che n’ha negun
 que ghe daghe un fiò d’aqua se ’l ha sen.
 Se la me duogia per star a cigare
210g’haesse tosto fin,
 se chi è partì foesse per tornare
 e ch’a’ fosse indovin,
 a’ crierave, e sì farave
 tanto lamento, che pi de cento
215g’harae dolore del me brusore,
 perch’a’ no taserae chin c’hesse fiò.
 Ma dasché a’ vezo che ’l cigar no vale
 a le mie passion,
 a’ vuò tasere, e po per manco male
220tirar presto i scofon.
 Alba me bela del sol sorela,
 co t’harè aldio che a’ sea sbasio,
 di’ ste do sole puoche parole:
 “Sgareggio è morto e mi son stà cason”.
225Ma perqué ’l bel Pavan sapi chi è stà
 che Sgareggio ha mazzò
 a’ vuò lagare sti viersi stampà
 in mezp lo me prò:
 “Sgareggio è muorto, puovero, a torto
230soto sta ombria qua su la via,
 che per spitare l’alba tornare
 el fo da sole e vita arbandonò”.
 
 25
 Sonagieto de Sgareggio a Roveggiò
 Dasché he lagò la Brenta e ’l Bachiggion,
 le rive, i fuossi, le campagne, i fiore,
 e quel viseto, on que ghe bita Amore,
 per star chialò in ste aque a muò un smergon,
5Roveggiò, a’ muoro, e se mè compassion
 te fé el me pianto, e duogia el me dolore,
 pianzi con mi, ch’an mi con quel tenore,
 che m’è vanzò, a’ sgnico a strangogion.
 O monte, o buschi, o prè, ciese e salgari,
10mo que sìo deventè? Lagune e mare,
 alega, pali e sbrendoè grisuole!
 Cari, buò, vache, barele e boari,
 che in barche, rimi e vele stramuare
 a’ v’hi scognesto in forcole e in arguole!
15Quanto sta lengua puole
 a’ ve chiamo d’agn’hora, o batauri,
 zape, vanghe, baile e mondauri.
 O miè cari versuri,
 que sìo mo deventè? Fossine o tele,
20bragagne, trate, trezzuole e reele.
 O sesole me bele,
 sesolon, manarini e cortelaci,
 falce, zuvi, gugiè, manare e maci,
 que sìo chialò, gramaci?
25Sessole, togne, cogùli, ostregari,
 parangali, nassete, ami e spontari
 e sforacchiè vivari,
 ordigni ladri, ch’in t’un milion d’agni
 a’ no saverè ovrar un de sti argagni.
30O miè cari compagni
 crivieggi, forche, restieggi e forcine,
 caniestri, vuose, bureghe e paline,
 a’ sì doentè meschine.
 E vu, grami veturi e ropegare,
35a’ sì muè in saline e pertegare.
 O nostro faelare
 pavan gramego belo, on sìto anò?
 Tuto roerso a’ t’he chive catò,
 che in pe de dir “ptru bo”,
40“zira”, “giè a bo da man”, “va’ fuora via”,
 qua i dise: “vuoga”, “stali”, “premi e sia”.
 O maleta zenia
 nassù in sto mondo se lomè per fare
 a contrario de quel, che comandare
45ha vuogiù nostro pare
 beneto e santo messier Gieson Dio,
 que gi ha fati, né mè pi disse: On sìo?
 O aire san, fiorio
 de mile aldore, che ven zo dal cielo,
50on sìto andò? Chialò te no sì quelo,
 ch’un puzzore, un bordelo
 gh’è qua, che altro son que de fiauti
 se sente de cavane e de conduti,
 de scagi, piti e ruti
55d’hortolan, barcaruoli e pescaore,
 che ’l cul ghe cola da tute le hore.
 On sìo, tose, spiandore
 del pavan, spiego e corona del mondo,
 chin don che lieva el sole, onve el va a fondo!
60Vestir polio e mondo,
 senza beliti, impiastri e suliman,
 chiare d’vuovo, aque forte, unti da can!
 Visi, vuocchi, boche e man,
 chi me v’ha tolte? Chialò no ghe xe
65in tante una che ve staghe a pe.
 Oseliti beè,
 zuogie del nostro bel aire pavan,
 on sìo, ch’a’ no ve sento la doman
 cantar su qualche altan;
70co a’ sì vu, russignuoli e gardelini,
 zaranti, faganieggi e lugarini,
 calandre e verzelini?
 Qua vego in pe de vu pesce a noare,
 che mè no canta e se stenta piggiare
75chi no se vo negare
 drio a varuoli, cievali e porcele,
 anguile, albore, passare esardele.
 Quagie grassete e bele,
 capelue, beti, petirossi, on sìo?
80E vu, celeghe e finchi, m’aldìo?
 Che in pe d’anarve drio,
 co a’ solea fare, a’ vezo rombi e spari,
 sardoni, renghe, sgumbri e calamari.
 O figioliti cari,
85cai nigri, fiste, traoni e stornieggi,
 ruziti e turdi, hanor de gi altri osieggi,
 a’ v’hi muò, fradieggi,
 in go, barboni, sfuogi, sepe e ragni,
 
 e in pesce moli, ch’è da puochi guagni.
90O miè dolce compagni
 mierli, cuchi, zoete e cisiole,
 boarine, gaze, tortole e gazzuole,
 que sìo qua? Granceole,
 cape, canuochi, orà, raze e moleche,
95pantalene e luxerne seche seche.
 Ta’ de Domenesteche,
 chialò gh’è ’n altro mondo, ’n altra zente,
 altro viver, altr’aire, anch’altre stente,
 che nu, grami bracente,
100sten tuto ’l dì co ’l pescauro in man
 per piggiar quatro suli grami pan,
 e pur que a’ gh’arivan,
 che tal fià fa tal tempo, tal fortuna,
 che dura quindes sì, tuta na luna;
105alhora po se suna
 i bueggi e se ten tuti lighè,
 zò que i no vuode quel puoco che gh’è
 entrò za purassè.
 E cusì la passon, Roveggiò frelo,
110lunzi da quel Pavan sì caro e belo,
 e quel to Tandarelo
 za ben vogiù dale Nuove Serore
 è doventò chiozoto pescaore,
 e donde ’l so tenore
115s’aldia per le campagne a sgringolare,
 adesso alde i suò afagni el vento e ’l mare.
 Quel Sgareggio, che za fo Tandarelo,
 colgò soto i costrè del so barcheto
 te scrive, Roveggiò, sto sonagieto
120scarpelandose gi vuoggi co ’l penelo.
 
 26
 Resposta de Rovegiò
 Al muò che muzza dal beco al falcheto
 tal bota co ’l ha fame un celegato,
 o da le zate, e da i dinti d’un gato,
 co g’he zà visto, un puovero sorzeto,
5sì spisimò col beco o muso streto,
 que ’l n’arfia pure in qualche puoco aguato,
 e se ’l no se vé ben lunzi de fato
 ’l orsa siolare, o far altro verseto,
 Sgareggio, an mi a’ muzzo. A’ son scampò
10sì imbagordio, que a’ no te sarae dire
 quando el me sioloto ha pi siolò.
 E s’a’ no aldia que ’l è artegnù el morire,
 in vita d’agni s’aldia Roveggiò
 cantar d’Amore, né mè vezù rire.
15A’ g’ho crezù morire
 (quel che mè pi in me vita m’è imbatù)
 da la paura grande, que a’ g’he bu.
 Frelo, s’t’iessi sentù
 el gran brontolamento, ch’è stò chì,
20t’harissi vè imbratò le calze an ti.
 Mo n’hegi visto mi
 gi huomeni cair zo per tera al muò
 que se smazzuca i piri al dì d’ancuò?
 Chi no sarae nà in bruò,
25e fato in le muande speciaria,
 mo i sarae stà ben frieggi de la Dia!
 Cancaro, l’iera inscia
 fuora de i truozi de la descricion
 sto cancaro cruel de malision!
30Mo ’l no s’in vêa canton
 de la puovera Pava esser in pe,
 que ’l s’arvia fina i muri da piate!
 Tanti luoghi amorbè,
 tanti muorti, carete e campanieggi,
35que ’l se vêa selomè cielo e lisieggi.
 El pareva hortesieggi
 quence, frelo, da nu tuti i segrè
 sì i giera ben e a bela fata stè
 d’agno lò svanezè,
40que no fo vezù al mondo la maore
 piatè, compassion, per agno cuore.
 Fumi, fuoghi e brusore
 se vêa de lieti e d’altre besenele,
 que anea el saore inchin sot’a le stele.
45A’ no digo de quele
 che è stè robè, que xe anè a i lazariti,
 tuto sangue colò de poveriti,
 qué ’l sarae un trar piti
 e po sunargi in t’un crivel strazzò
50manco faiga, da compar zurò.
 Mo chi n’ha vezù po
 tanti cason, tante baltresche asiè
 in cerca Pava, tuti per morbè,
 fremamen no sa che
55supie un campo de guera, un milion
 de nemisi d’intorno a un bastion.
 Que trelarì, que ton,
 que tamburi, trombete o smissiagie?
 Al so criore s’iera tuto bagie!
60Puoveri, que tanagie,
 que picegon cruel fo mè vezù,
 que i fea trar n’ose, un crio mè pi sentù!
 Desculci in t’un per nu,
 afamè, miezi muorti e stravachè
65su i muorti i vivi da necessitè.
 E se chi ha bio piatè
 no n’agiava, chin hora el n’in restava
 pavan de fuora, né pavan in Pava.
 Cancaro, el se lagava
70le femene e i tosati per scampare
 sta malision maleta, e pare e mare!
 S’t’he vuogia de sgrignare,
 ascolta questa, che m’è imbatù a mi,
 que, s’te no ri, te no rirè mè pi.
75Seanto in casa un dì
 sentò sul buso col buso on se va
 le mercancì, que no pò star in ca’,
 a’ sento a dir: “Olà,
 an, Roveggiò, mo no t’heggi da dire
80que to compare s’a’ lagò morire?”
 Mi que a’ no ’l poea sentire,
 me ’l chiamo a pede, e po l’ascolto, e sì
 ghe vuò responder, co ’l no parla pi;
 que a’ volea dir così:
85“Pota, a que muò, poereto?”, con se fa,
 quando an questù g’haea zà mo tirà
 la dreana sacà,
 che a’ no ’l puti pur vêre e dir a Dio,
 que mi a’ no sè che a’ no gh’anasse drio.
90S’a’ me viti smerio
 e perso inchina gi vuocchi in la scatura,
 pensal mo ti, s’te sè que sea paura.
 A’ la g’havi maura,
 Sgareggio, e sì fo bela, che a’ catié
95l’ussato averto, che a’ no me copié,
 perqué a’ fî fare ai piè
 ale sì ben, que no me sté denanzo
 n’ave marì tuti quî luoghi in Vanzo!
 Così anasea de slanzo
100que no m’harae tegnù la sita o ’l ton,
 perchin ch’a’ no arivié chialò do’ a’ son,
 da i miè cari paron,
 co le braghe calè, co a’ iera a l’hora,
 que i se la sgrigna, i se la dise ancora.
 
 27
 Ala so cara parona la carissima segnora Betta Zen poestaressa de Chioza.
 Quando, parona, la massara bela
 del Sole arve i balcon
 e chiama e porze i drapi al so paron
 azzò que ’l salte su la so barela,
5a’ vuò mo dir in quelo
 che la ghe dà el capelo,
 e que con le suò drezze inarzentè
 la cazza via da nu la scuritè.
 In quel’hora beneta e groliosa
10habianto el campanaro
 sonò tri boti drento al me ponaro,
 col pensier dreto in la me morosa
 a’ tussi el me casseto,
 e saltando del leto
15con le braghesse e co i scofon in spala
 andî per trar i buò fuor dela stala.
 E cusì zulagiantome i lachiti
 de drio d’i me nemale
 a’ vago inchin ch’a’ i fremo in t’un sorgale,
20e quando vezp po que i poveriti
 va magnanto pian pian,
 an mi soto un altan
 in t’un presuolo de mile colore
 galdo l’arponso, que me impresta Amore.
25Con la man soto ala massela stanca,
 a’ me conzo ivelò,
 comuò fa un que pensa al fato so
 e que de dì in dì sempre ghe manca
 o legne o pan o vin;
30così del me destin,
 que me sforza morir sì poereto,
 me lagnava lialò solo soleto.
 Quando que in t’una ciesa a pe de mi
 el me parse sentire
35na ose a muò de un que vuol morire,
 che disea: “Que me vale s’a i miè dì
 a pi de milion
 a’ g’he brusò ’l polmon,
 e que adesso na sola traitora
40sea la cason, che senza falo a’ muora”.
 Mi que a’ sento sta ose sotileta
 sgnicare in quel machion,
 a’ salto su pin de compassion
 e vago in chin a pe dela ciseta,
45e vezo soto a un spin
 un gramo fantolin
 nu per nu co le chiape intavarè
 da vischiazzon, que gh’iera stà petè.
 Con sto toso me vé: “Caro boaro”,
50el disse radopianto
 perzò la duogia, el so lamento, el pianto,
 “dolce freleto Tandarelo caro,
 heto adosso cortelo?
 Deh, imprestamelo, frelo,
55e s’te no g’he cortelo, dame un lazzo,
 perqué a’ vuò presto inscir de tanto impazzo”.
 Quando ch’a’ sento sto gramo tosato,
 ch’a’ no l’he pi vezù,
 dir “Tandarelo”, a’ resto un turlurù,
60e vezantol sì pizolo de fato
 con sì bona luchela,
 a’ piersi la favela.
 E staganto mi cito el torna a dire:
 “Damelo, in t’agno muò mi vuò morire.
65E dasché la fortuna e la to sorte
 t’ha conduto in ste ciese,
 onve que te n’ìè stò ’l è pi d’un mese,
 azzò que sol te sapi la me morte;
 aldi, mi son l’Amore,
70ch’iera sì gran segnore,
 che dal pi del musin, che supie al mondo,
 a’ son stò despogiò, messo zo al fondo.
 L’arco m’è stà tagiò, roto i bolzon
 l’ale m’è stè pelè,
75el coaro brusò, strazzà la re’,
 gi ami spontè, pissò sul fogaron;
 e po sora mercò
 a’ son stò stropezò
 e toltome le arme e la corona:
80de dio d’Amore a’ son fato na mona.
 Onve n’habianto pi ale, né viso,
 d’anar in te le stele
 a vêr me mare e manco me sorele,
 a’ vuò lagar del tutto el paraiso
85e in mezo ste roare
 a’ me vuogio amazzare;
 ma inanzo que a’ me scane a’ te vuò dire
 che xe queliè, che m’ha da far morire”.
 In ste parole el puovero toseto
90tré quatro siè sospieri
 c’haverave impiggiè cento dopieri,
 que ’l ghe saltava el cuor fuora del pieto,
 e sì disse: “Sgareggio,
 dasché pur per me mieggio
95te t’he imbatù chialò, scoltame ben,
 e tienme po sacreto in lo to sen.
 Dela bela citè, que me fé mare
 entro l’aqua salà,
 in tute l’altre pi chiara e hanorà,
100que habie mè scaldò ’l sole o bagnò el mare,
 de quela gran citè,
 vero spiego de fe’,
 de giostisia, bontè, de famia e hanore,
 xe incia culiè, que fa morire Amore.
105Dela pi grossa e maor massaria,
 qie habi Vegniesia bela,
 xe nassù st’agnoleta, anzi sta stela,
 da i Sgriti, hanor de tuta Slombardia,
 de quî Griti, ch’è stè
110dose tanto honorè
 e que dela so santa e nobel schiata
 inchina in su i cechin scrito se cata.
 A’ no te starè a dir, ch’in quelo che
 so mare la tré fuora
115levasse el Sol tre hore inanzo hora,
 e la Luna e le stele inamorè
 de sì bela fegura,
 fuora d’agno mesura
 lusesse tuto el dì per la campagna,
120aliegre de sì bela e gran compagna.
 Gné manco a’ te dirè que la rosà,
 che quela note drento
 caì in Vegniesia, fosse tuta ariento
 de quel pi fin, che mè sea stò catà,
125e che mi poereto
 sgolasse ivelò dreto
 ala so ca’ criando in festa e inriso:
 ’l è nassù tuto ’l bel del paraiso!
 Ma te conterè ben che, seando zonta
130al tempo da mario,
 de milianta un fu fuora cernio,
 che chi hesse cercò da donve monta
 el sole in lo careto
 e chin donve el va in leto,
135no g’harave catò ’n altro par so,
 degno dela beltè que g’ha tocò.
 Quel gran Cattarin Zen de Gnicolò
 que fo de Cattarin
 xe mario de sto caro e bel musin,
140que adesso è a Chioza degno poestò:
 lialò xe ’l balanzon
 di giostisia e rason,
 Chioza se vanta adesso, e dir la puole
 d’haer meggior paron, che veza el Sole.
145No fè, no fa, né gnan mè pi farà
 Vegniesia tanto ben
 a Chioza co ’l mandare lialò sto Zen
 spiego de Talia, hanor dela so ca’;
 que se ben ghe xe stè
150sgardenale hanorè,
 dose di zini e capetagni in mare,
 questo è nassù per fargi arsuscitare.
 Mo solamente tuor quel Cattarin
 e vêr quel che ’l vuol dire
155letra per letra, a’ te farè stopire.
 De sto lome hanorò, santo e devin,
 quel C comenza là
 si vuol dir carità,
 cortesia, bon cervelo, gran creanza
160da goernar no Chioza: Spagna e Franza.
 Quel A xe quel Amor, che per el mondo
 el fa zolar senz’ale,
 con l’honestè tacà sempre ale spale,
 que mè no va per gran fortuna al fondo.
165Questo xe quel Amore
 de che ’l ha pin el cuore
 de zoare in comun a questo e quelo,
 impiantò de bontè la tera e ’l cielo.
 El T temanza de quel Gran Paron
170che dà luxe ale stele,
 c’ha fato al mondo tante conse bele,
 che senza quelo biestie a’ paresson;
 l’altr’A xe l’ardimento
 de que ’l è armò drento,
175que si un lion no g’ha tanta coragia,
 mostrando ben che ’l è de quela nagia.
 Quel R la rason onferir vuole
 ch’a muò d’una nogara
 entro el sen gh’è piantà, que né menara,
180sega, sita la muove o tagiar puole.
 Quel I xe quel inzigno
 que a n’occhià sola, a un cigno
 intende mieggio e sa mieggio snarare
 na consa, che colù que la vò fare.
185L’ultima que xe l’N mete fin
 que xe la nobeltè,
 ch’a muò na zuogia ten strete e abrazzè
 ste letre de sto lome Cattarin.
 Guarda mo s’a’ t’he dito,
190se ben a’ son desfrito
 e mezo moerto e pin de gran xagure,
 gran conse, mo a’ n’hr rivo, aspieta pure.
 S’a’ m’arecordo ben ’l è da undes’agni
 que sto Zen e sta Sgriti
195xe mariè, ma senza figiuoliti
 que ghe pare da un lò, se pur gi ha afagni;
 mi mo per zò a’ te digo
 che a’ so que ti è so amigo,
 ch’i no se partirà dal ruzamento
200senza haer compiamente el so contento.
 Un bel maschio hanorio co è un fiore,
 ch’al’alba sponte fuora,
 d’aosto a i quatro a quela benet’hora
 darà per tuto el mondo el so spiandore,
205questo sarà quel fante,
 che ’l Levante e ’l Polente
 sentirà la so famia. O Turcaria
 guarte: se ’l vive, el te vorà chiaria!
 Serà maor costù de quel gran Carlo
210Zen, che fo zenerale
 soldò valente e scapotan reale,
 que no se riverae mè de laldarlo.
 Pi bravo che Dragon,
 pi devoto e pi bon
215de Zambatista dal rosso capelo
 sgardenale hanorò, Zen anca elo.
 Rinsirà in t’i manizi e imbassarì
 sto toso Gnicoleto
 maor de quel gran Piero, che fo aleto
220d’anar imbassaore al re Sofrì.
 Pi savio de quel viecchio
 Cattarin, luxe e spiecchio
 de quanti ha mè tegnù Vegniesia bela
 soto el coerto dela so gonela.
225Gnicolò, so messier no fo mè aldio
 a faelar sì ontiera
 impregò a tratar paxe o a muover guera.
 An po, gièrelo un hom saldo e compio
 co serà sto putin
230figiuol de Cattarin,
 che co la lengua e con le suò parole
 el farà anar i monte e star el sole.
 Ma zà che per sborar la tanta duogia
 ch’a’ g’ho sarà in la panza,
235a’ t’ho fato zà mo sì longa danza
 che a’ crezo che le regie, el cao te duogia.
 A’ vuò dar compimento
 al me rasonamento,
 e a sto puo’ de viteta que me resta
240adesso adesso a’ ghe vuò far la festa.
 Perzò a’ te priego, caro el me boaro
 e me frelo Sgareggio,
 che co m’habi passò per l’amboneggio
 sto scataron vanzò dal me coaro,
245e c’habi fato el pan,
 que te tuoghi pian pian
 su caminato e que te vaghi a Chioza,
 on la cason dela me morte aloza.
 E dir: - Parona bela, el dio d’Amore
250da i vuostri vuocchi ferio,
 despogiò, mal menò, si g’ha fenio
 la vita in t’un cison cargo de fiore. -
 E ti se qualcun mè
 te domandasse onv’è
255Amore, di’ che i guarde in lo bel viso
 de betta Zen, che ’l è ’l me paraiso”.
 Co ’l have dito st’ultime zanzete
 da i sospieri e dal pianto
 rote, gi vuocchi su al ciel, el viso alzanto
260el disse: “Aneme sante e benedete,
 pare, mare e parente,
 vegnì portème arente
 de vu co a’ sarè morto”. In te quel dire
 ’l alzé la man per volerse ferire.
265Ma no sè con la fosse, in te quel ponto
 el vene un nuvolazzo,
 que m’orbé gi vuocchi e me stropé ’l mostazzo,
 c’harae pagò un marcheto esser stò sconto;
 e quando el fo andò via,
270mi per vêr la feria,
 per soterarlo e per cavarghe un fosso
 a’ saltî in pe pianzanto a pi no posso.
 E cercantolo ben per ogni banda
 a’ puossî sbreselarme
275gi vuocchi e quanto ch’a’ vussi sguercignarme
 ch’a’ no viti mè gniente. An. fola granda?
 E così mezo mato
 toganto i buò de fato
 a’ turnî a ca’ sì tardi, che per cena
280g’iera el lavezo zà su la caena.
 E no poanto, parona me cara,
 vegnir, co harae vogiesto,
 a catarve per dirvelo pi presto,
 a’ v’he mandò sta me canzon bizara.
285Se ve par mo da stragno
 ch’un puovero compagno
 v’habi scrivesto in lengua sì grossura,
 no m’incolpè zà mi, ma la snatura.
 
 28
 Sgareggio a Magagnò
 S’te ovrassi mè, Maganza, el to penelo
 e s’te penzissi mè de bel colore
 e s’te te fiessi a Vicenza mè hanore,
 pinzi una que è per dirte el Tandarelo.
5E s’te no fè un viseto, que pi belo
 no stampé co suò man Natura o Amore,
 di’ ch’a’ no sea boaro o caraore
 e que a’ no sapie ovrar zapa o restelo.
 Ma inanzo que te vuogi scomenzare
10a tuor sbiaca o verzin, habi ben mente
 tuor bianco, bianco pi de nieve bianca.
 Miti que rosso po ti con te pare,
 ch’a’ so que te sì ben soficiente
 e que le forze a l’anemo no manca.
15E azzò que no se stanca
 le man in te ’l laoro, caro frelo,
 mitighe soto qualche bon pontelo.
 E fa’ po col penelo
 in prima du bieggi vuocchi, e fa’ ch’i sea
20do stele, ch’al Pavan luxe dasea.
 Fa’ po de bianca sea
 el colo e quel bel pieto molesin
 de fuora via, ma dentro d’azzal fin.
 Fa’ po quel bel bochin
25co xe na ruosa tolta dal rosaro
 e faghe i dente, que no g’habi paro.
 Fa’ quel naseto caro
 co è un pero moscatelo, el montissuolo
 bianco tondo norio con xe un zucuolo.
30Faghe quel boaruolo
 d’Amore in fronte, con l’arco e i bolzon,
 col fuogo, con la corda e i vereton.
 Faghe po con rason
 le regie bele, e faghele de pria,
35zò que le n’alde quî che piatè cria.
 D’oro i caviggi sia,
 ma ingropè, fati a muò d’una caena,
 que pigia, tira, liga e in preson mena.
 Faghe la lengua piena
40de viersi, de canzon, de maregale,
 de zucaro, d’aseo, de spiecie e sale.
 Faghe po un bel canale
 con do rive hanorie belesolete,
 dure, pizzole, tonde a muò do tete.
45Faghe do tore drete
 che serà le so spale, e i ramonazzi
 d’un bel erbor norio, que serà i brazzi.
 Fa’ du biè piantonazzi,
 que sarà le suò gambe e i suò biè piè,
50e fala po vestia co a’ te dirè.
 Faghe na vesta que
 sea tuta bianca, e bianchi anch’i scofon,
 bianchi i zopieggi e fati co rason.
 Faghe bianco el cordon
55que la se zula, e bianchi anch’i stringhiti,
 bianchi i tondini, e bianchi i fazzoliti.
 Sea bianchi i guseliti
 che la porta in lo cao, fati d’ariento,
 e bianca tuta de fuora e de drento.
60A’ me strussio, a’ me stento
 per insegnarte tante brigafole,
 e sì a’ poea rivarla in do parole:
 fa’ un cantaon al sole
 in t’un prò pin de nieve bela e bianca,
65che cante dolcemente BIANCA BIANCA.
 
 29
 O passi c’ha strazzè scarpe d’azzale,
 o smalmuoria tegnente, o vivo arsore,
 o gran desierio in vilanesco cuore,
 o vuocchi, vuocchi no ma du canale.
5O tosa, hanor dele pavane vale,
 o sole che me dà solo spiandore,
 o vita dura, o dolce bel brusore,
 che me fa nar cercanto buchi e vale.
 O viseto onve Amore ha el rezzimento,
10la cavezza e i speron, che tira e asegia
 comuò che ’l vuole, e no me val scorlare.
 O boari fradieggi, al me lomento
 corì tuti, corì, vî se ’l me streggia,
 vî se ’l galde e se ’l ri del me stentare.
 
 30
 Ala Dina
 Comuò te porà mè, cara Soleta,
 sofrir el cuore de lagarme stare?
 Onv’è tante promesse? e quel zurare:
 “Sgareggio, a’ sarè toa sempre ala feta”?
5Onv’è quel dir: “Chi è la to moroseta?
 Chi xe queliè che te puol comandare?”
 Onv’è tante carezze, e quel sgnicare
 que disea: “Tieme mi, laga la Beta”.
 Ah, cagna, donv’è anè tante parole,
10tanti sospieri e tante fe’ malete,
 tanto rir, tanto zuogo e tanta zuogia?
 Tuto è mancò, con fa la nieve al sole,
 le promesse è strazzè, le carezzete
 se xe anè in fumo, e si è restà la duogia.
15Amor becazzo, tuogia
 la to re’, la balestra e i tuò bolzon,
 l’amo, la soga, el vischio, el fogaron,
 dasché senza cason
 t’he molò el gropo, que tegnia ligà
20do poveriti in paxe e in carità.
 Morosa, se t’è stà
 cazzò qualche carota o metù male
 de mi, ch’a’ no te sea bon e reale,
 no posse vêr sto Nale,
25s’a’ t’he mè fato torto in dito o in fato,
 né gnan pensò de farte mè un tristato.
 Vuòto ch’a’ vegne mato?
 Vuòto ch’a’ muora a star senza de ti?
 No vito che zà mo no posso pi?
30Doh, priego Dio, se mi
 t’he fato despiasere, che ’l me faghe
 che seant’in balo me caza le braghe,
 e che ramengo a’ vaghe
 con fasea Schiona o con fasea Piron,
35e che co magne me caza i bocon,
 e me vegne i gagion
 que me strope la ose, el gargatile,
 e ch’a’ me pele, no vegne st’avrile!
 Se possa el me porcile,
40donv’è ’l me porco e quelo del paron,
 arvire e ’l lovo i magne in t’un bocon,
 s’a’ t’he mè dò cason
 de bandonarme, e che co vaghe arare
 el no me possa el bo da man tirare,
45e se possa ingrassare
 buzzè, bolpe, poise, pogie e can
 del me polame, e gi osiè del me gran.
 E posse ’l me gaban,
 ch’a’ porto a messa, vegnerme robò,
50e ’l me casseto tuto cecolò.
 Possa creparme un bo
 co fé Gofo Vezato in su ’l pagiaro
 pin de fasuoli e pin d’un lasagnaro.
 Me vaga in piezzi el caro
55s’a’ t’he mè fato gniente, o dito gniente
 che me caza sta sera tuti i dente.
 No me far far pi stente,
 torna, Soleta cara, per lo meggio
 a voler ben al puovero Sgareggio.
 
 
 31
 O dolce occhiè, o parolete care,
 quando sarà che pi a’ ve veza o senta?
 O drezze, in que me liga e me tromenta
 Amor el cuore, e no ghe val scorlare!
5O bel muso, on quel can me fé guardare
 azzò que mè a’ no galda e sempre stenta;
 o dolce ingano, o fe’ maleta e fenta,
 c’habiantome fidò, me fé pigiare!
 O vuocchi, s’al me mal fussi sì pristi,
10perqué sìu prighi a darme la mesina?
 Qué no me saldèu ’l sen, s’a’ mel sbusassi?
 O bieggi occhion, che fa mile cuor tristi,
 perqué piggiassi ’l me, se la me Dina
 adesso in ver de mi ve ten sì bassi?
 
 32
 Al muò de quela, che dise: “Mai non vo più cantar come solea”.
 Rota è la piva, e sì a’ no vuò cantare
 mè pi, co solea fare, perqué puochi
 sì gh’intendea o suochi i miè strambuoti.
 El sgnicar sempre, vî, no pole aiare.
5Scomenza a nevegare in cima i fiuochi
 e zà me stufa i tuochi massa cuoti.
 Na bela consa xe na bela tosa,
 ma pi co l’è morosa e che la vuole
 dar le vivuole e ’l fior dela so ruosa;
10ma co la xe retrosa,
 Amor ghe struca in gi vuocchi le ceole.
 Chi somena steole habiea ben mente
 d’ararle dretamente, e chi n’ha teza
 staghe ala verdoleza,
15chi ha sen tuogie el bocale da sacente.
 A’ no vuò pi far stente, ma de no!
 Intendame chi pò, ch’a’no m’apando.
 A’ compro, suno e spando, e perdo e guagno,
 a’ scampo da valente inchin c’ho fiò.
20Barba Polo Donò, no sapiando
 star sentò e no poando, caì del scagno.
 Vî là in la tela el ragno. Orsù, boari,
 gran puoco e gran pagiari ne roina,
 e la maitina i bon bocon è cari.
25Chi sbusa po i canari
 el ven la bolpe e chiapa la galina.
 Chi destropa la spina, el vin se spande,
 e chi l’aseno lava el saon frua.
 Chi d’inverno arde e sua,
30chi brama magnar pan, chi magnar giande.
 Dise un provierbio grande i nostri viecchi:
 guarda chi te trà d’vuocchi e laga dire,
 perqué con gran sofrire asè se giagna.
 Na tosa, que domande fusi o spiecchi,
35ha roto el cul a i secchi; e chi vuol rire
 no se mete a dromire ala campagna.
 ’L è bon star don se magna e se laora,
 un que lieve a bon’hora fa gran fati;
 ma i puti e i mati sprefeteza agnora.
40Se m’avanzerà un’hora
 che a’ g’habi un può de ben al cuore e al bati,
 a’ vuò far i miè pati niti e chiari,
 perqué i miè buò no magna sparpanazzi.
 Spesso i burti oselazzi
45cata de gi altri osieggi a i so niari.
 Fuorsi que sti boari no m’intende
 perqué assè la re’ tende e sì n’in piggia,
 e un polzin d’inroiggia in te la stopa,
 co gh’è l’aqua in gi alguari el gran no rende,
50chi la libertè vende s’incatiggia.
 E Amor per gi vuocchi impiggia e ’l cuor ingropa,
 chi le regie se stropa no ghe sente,
 e tal s’aguzza i dente que no ha biava.
 Perché m’inchiava el cuor dolce è le stente.
55Digamo pur la zente
 che a’ canto e balo, onve que a’ me lagnava,
 el fuogo que m’arsava anch’altri brusa
 e brusando se smorza el me fogore.
 Sìto beneto, Amore,
60che ’l no me scota, e sì g’he in sen la busa.
 Tasere e far so scusa xe un bel fare,
 e senza faelare esser aldio,
 zunare e haer impio de pasto el preve.
 Chi a pan scafetò s’usa, no puol stare
65tanto senza magnare; e chi è ferio
 vogianto esser guario salt’oltra un sieve.
 On per gi vuocchi se beve fiama e fuogo,
 e mi in sì dolce luogo sempre a’ bramo
 ch’Amor me faghe gramo, a sì bel zuogo
70gran solazzo a’ me tuogo
 e seanto solo acompagnò me chiamo.
 Dolc’esca e pi dolce amo, on ch’a’ fu streto,
 o me ben alogò co gran rason,
 paxe, guera e costion,
75doh, no m’arbandonè mi poereto.
 De quel tempo maleto a’ sgnico e sgrigno,
 e sì me fio d’un cigno e d’una aldua,
 e se ’l zufo me sua bramo del giazzo.
 A’ canto, taso e aspieto un caro grigno,
80no muovo gi vuocchi, e cigno a un’imbatua,
 e sì scampo co un spua, che ’l ven el mazzo.
 Amor, ti è stò cagnazzo, ma in dreana
 t’he pur molò l’alzana, a’ serè aldio.
 Tasi pur e va’ drio, qualcun s’ingana.
85A’ son drento na spana
 ch’a’ ’l vuogio dire. Oh, no fustu sì ardio!
 Chi m’ha ’l magon ferio? E chi mel miega,
 ch’altra mesina no me dà conforto?
 Chi me ten vivo e morto?
90Chi me tirs, me mola, sdrezza e piega?
 Canzon, s’t’albierghi in mezo cetaini,
 no vuòto che i boari anche te senta?
 Sta mo qua su la Brenta
 la ca’ dela Soleta e i tuò confini.
 
 33
 Sonagieto de Bregato a Sgareggio
 Perqué te sapi que la me canzon,
 Sgareggio, que t’he habio, l’è stò un peteto
 que m’è vegnù ch’an ti galdi un gozzeto,
 né l’è stò, co te pinsi, altra rason;
5perzontena gnian ti n’esser co è un zon,
 col to Bregato arpigate un pocheto
 a far que ’l g’habi de quel to oseleto
 quele sì dolce, sì care canzon;
 ch’a’ te prometto da christian s’te ’l fe
10ch’a’ l’habi, que sprecise an mi farò
 co dise quel provierbio que te sè:
 “i beneficia aceto, e ven drio po
 smalmuore stote”, que vuol dir lomè
 che ’l piaser fato al cuor sempre è tacò.
15S’te ’l vuò mieggio spiagnò,
 mandame la canzon de to oseleto
 che te verè spiagnartelo in efeto.
 Mo no pi, a’ l’aspeto.
 Sta’ liegro, a Dio, ch’a’ me sento chiamare
20dala Sproficiata a mastegare.
 
 34
 Resposta de Sgareggio
 Bregato, ’l è stà el to stragno peteto
 de domandarme quela me canzon;
 ma sea comuò se vo, te g’he rason
 d’haer dal fato me spasso un gozzeto.
5A’ te la mando, scundila un pocheto,
 ch’a’ no romagne, s’te la mustri, un zon.
 La no xe co è la toa, ma l’è canzon
 che canta in cima ’l vischio el me oseleto.
 Se la foesse mo comuò que xe
10la to bel’Alba, veh, da frel zurò
 ch’a’ te l’harae mandà zà purassè.
 Ma dasché a’ vego che ti è ingraviò
 d’haerla, tuola, tienla, che te sè
 ch’a’ no vuò que la vaghe in altro lò.
15El nostro Roviggiò
 se recomanda, ch’a muò ’n oseleto
 canta canzon pi dolce del confeto.
 Orsù, no pi, a’ t’aspeto
 de fuora. A Dio, ch’a’ me sento chiamare
20dal Sono, perch’è rivo el mastegare.
 
 35
 Al so caro paron, al carissimo segnor Cattarin Zen, mierito poestò de Chioza.
 L’alegrisia, Paron, ch’è in lo me cuore
 de così bel putelo
 c’ha fato la Parona, e sì hanorio,
 è tanta, che sta lengua, sto penelo,
5sta ose, sto tenore,
 no pò mostrarve ’l galdio, que g’he habio;
 e tant’èl pi compio
 quanto ch’inanzo che la l’habi habù
 a’ me l’è do o tre bote insuniò,
10e sì ve l’he spiagnò
 in t’un me sonagieto, que a’ g’hi vu.
 Slenz’ghe un poco su
 se ’l è co mi v’he dito,
 che un venturin n’harae strulicò mieggio;
15ma dasché ve l’he scrito,
 disì ’l è pi che strolego Sgareggio.
 Élo machio, Paron? Mo cancarè,
 el no gh’in manca gniente
 tanto xelo informò co è un paladin!
20Du vuocchi nigri a muò stele lusente,
 do spale ben squadrè,
 testa da corno, e sì caro bochin.
 O Gnicolò devin
 nassù in ste tante torbolation
25per darne qualche zuogia in tanto male.
 O venturè canale,
 digni de tanta e sì gran slegracion,
 dasché del me Paron
 hi portò nuova al mare,
30che ’l ha bio sì bel furto in undes’agni.
 Laldè pur quela mare,
 ch’a’ vuogiù farve far sì fati guagni.
 Alba sì chiara mè, lusente e bela,
 no vene fuora in cielo,
35co fé quando nascì sto fiore al mondo;
 né mè cantar sì dolcementre oselo
 con sì schieta faela
 s’aldì dasché va ’l sol de tondo in tondo.
 El me Loro reondo
40muzolando parea che ’l se slegrasse
 col chiarinelo, e chi disesse al paro:
 salta pur su, boaro,
 che nu te saon dir ch’adesso nasce
 l’hanor de quanti fasce
45g’ha cento o cenzerà,
 dasché xe ’l mondo, inchin che l serà in cao.
 Lagane pur a ca’
 ch’ancuò n’è dì da dir “giè, sta’, ptru, hao!”
 Quela Mare del cielo e dele stele
50vezanto ’l vostro cuore
 sì devoto in laldar la so bontè
 ha vogiù farve sto tanto faore,
 intra le altre bele
 gratie, che la ve ha fatto purassè,
55quel dì, che la mostré
 chialò el so santo viso a un hortolan,
 purpio in quel dì l’è averta la saragia,
 que tegniva in passagia
 l’hanor de tuto el lome venetian.
60Sliegrate pur, Pavan,
 ch’in sta to gran xagura
 el t’è nassù, Paron sì caro e belo,
 che mè la gran Snatura
 ovrà co tanto inzigno el so penelo.
65A’ sento el Bachiggion, zà mo la Brenta,
 ch’urtando in te le rive
 dise: sea ben vegnù sto nuovo sole.
 Le cane di palù par purpio pive,
 che sonanto e senta
70far viersi dolce in scambio de parole.
 Entro per le steole
 a’ ghe senton arando nu boari
 che in ver el fondo soto le raise
 la tera mossa dise:
75viva sto Zen mil’agni e centenari!
 Le passagie, i canari,
 che zà tri agni è fate,
 ha butò fuora fogia, sorgo e broca;
 inchin le vache mate
80salta dala alegria, che ’l cuor ghe toca.
 Tanto no è stò d’un osso un can bramoso,
 né d’herba un caval seco,
 co a’ son stò mi de vêr sto bel toseto,
 né mè spité col cuor cazzò in t’un steco
85putata el so moroso,
 né tanto el caldo un che no g’ha casseto.
 Piegora el so agneleto
 que ghe sea stò robò no brama tanto,
 né l’orbo ha de vêr luxe tanta vuogia.
90Uno che ’l cao ghe duogia
 no cria mè sanitè ì spesso, quanto
 ho chiamò col me canto
 in tuti i miè strambuoti
 sto Gnicoleto. Orsù, ’l è vegnù via.
95Pive mo, sigoluoti,
 zaramele sonè, fè mo alegria.
 Segnora Beta, a’ serae senza inzigno,
 s’a’ no ve fesse in mente
 del pontel, ch’a’ ve dissi sta invernà.
100Hei dito el vero? Hei radegò de gniente?
 me par ch’a’ traghè un grigno
 con dir: “Sgareggio, te l’è indivinà”.
 Disì mo ala cugnà
 che co vegne de Sguercia el so mario,
105che seràpresto, che la meta a segno
 el saere, l’inzegno
 per far an ela un marchiorin polio.
 Insegnò no g’haìo
 comuò che vu g’hi fato?
110Pota, a’ vel dissi pur inchina al’hora.
 Aldì, disìme mato,
 s’an ela po n’in manda un presto fuora.
 Canzon, t’he ben gran cuore,
 ma, co disse Cecon, t’he triste lache,
115d’anar denanzo al me caro Paron;
 ma pur la slegracion
 darà argomento ale to forze strache.
 va’ sta’ tra le tuò vache,
 perqué te farè mieggio;
120ma va’ s’te sì sì ardia co un bel inchin
 da parte de Sgareggio
 a quel gran Zen c’ha lome Cattarin.
 
 36
 Pase no cato, e sì n’he costion,
 a’ stago in l’acqua e son tuto brusò,
 ho un gaban nuovoroto, sbrendoloso,
 sglo per tuto e stago in t’un cason.
5A’ son streto e ligò fuor de preson,
 a’ bevo sempre, e sì son sediò,
 son sempre stanco, e sì stago colgò,
 a’ coro forte e vago in gatolon.
 A’ meno senza rue careta e caro,
10no g’ho vuocchi, né lengua, e vezo e sbragio,
 son caldo ferdo, rido e pianza a ’n trato,
 no g’ho zugià, né buò, pur son boaro,
 el confeto m’è forte e dolce l’agio,
 a’ cerco aqua in Brenta, e sì n’in cato.
15Son vivo morto a un trato,
 a’ cerco’l sol, a’ crio po che ’l me scota,
 a’ zapo, a’ brusco, a’ rapego a na bota.
 Son san co na man rota,
 a’ dego dare e negun no domanda,
20a’ taso, ognon me sente in t’agno banda,
 ho la fievera granda,
 me bate el ponso, e sì son senza cuore.
 Chi è mo cason de zò? La Dina e Amore.
 
 37
 Per vale, buschi, per fuossi e campagne,
 per spine, roe, per ciese e per altrighe,
 vago pianzanto le me tante brighe,
 e sì no g’ho negun che m’acompagne.
5Quanti truozi, vaon e caveagne
 è in sto paese, sì me xe nemighe,
 che le no vo che tanto le faighe
 co i piè, mé che co gi vuocchi sì a’ le bagne.
 Né i prè pini de fior d’agno colore,
10né gi erbore carghè de fiore o fruti,
 me puol cavar dal cuor tanto brusore,
 né campagne hanorie buone per tuti,
 né vi’ gobe de vua ch’aliegra el cuore,
 pò far ch’a’ tegne gi uocchi aliegri e suti.
 
 38
 In lo partire da Chioza del so caro paron, el carissimo segnor Cattarin Zen.
 Que farongi, Paron, nu poeriti
 dasché vu ne laghè
 orbi senza de vu qua impetolè
 in le malision chin a i lachiti?
5Doh, caro e bel Paron,
 no ve partì, perqué da christian
 s’a’ ne laghè chialò
 a’ moriron da fame, che mi a’ ’l so.
 No ne dè sto doloe, sta passion
10d’anar tanto luntan,
 che da vero vilan
 a’ no tornè de chì, ch’a’ ne catè
 sbasì miezi de nu, mo cancarè!
 A’ no cateron miga un altro Zen,
15che, co n’habian farina,
 n’in faghe dar in crenza agni maitina
 su agni puoca de strazza ch’a’ porten.
 O Zen, mo sea beneto
 chi v’ha mandò chialò per nostro pare!
20Miessì, che pare? Mieggio:
 un nostro pare n’harae dò conseggio,
 ma vu n’hi alturiò. Mo al lazareto,
 quî che g’ha scognù anare,
 no g’hiu dò da magnare?
25Che quando i ghe portava el pan e ’l vin
 tuti criava: Viva el Cattarin!
 A’ seron zenza vu, caro segnore,
 co è un chiapo de polzini,
 que senza la so chioca per i spini
30vaghe despiersi pini de cigore,
 e in boca del buzzò,
 de poggie, de poise e martorieggi
 volta l’occhio i s’imbate.
 Mo così an nu, ch’a’ g’hon ale culate
35diebiti, che ne magna anche ’l figò.
 A muò tanti rebieggi,
 co s’a’ fossan porcieggi,
 a’ seron strascinè, missi in destreto,
 senza vu, pare d’agno poereto.
40Puovero mondo dasché tanto chiaro
 el ben chialò se cata
 e quando ’l s’ha catò po a l’ultimata
 el se desperde a muò nieve al fogaro.
 O dì, stemane e mese
45zà passè soto a cusì bon pianoto,
 ché no voltèu la rua,
 che meggior volta mè la n’harae bua
 dasché nasce per tera erbore e ciese?
 Fè che quel, che è andò soto
50in quatro salti e un zoto,
 torne de sora ruelando in tondo
 per far contento tuto quanto el mondo.
 Che cusì tornerà lusente e bela,
 pina de gran legria
55Chioza, la gramitè cazzando via
 al tornar del so Zen, dela so stela.
 Chi vo vêr se ’l è vero
 ch’a’ reston orbi e senza luse tuti?
 Mo l’è na luna intriega
60che ’l Sole ha serà l’usso e la botega
 impiando de calio tuto el sentiero
 con dir: “O vu destruti,
 huomeni, tose e puti,
 a’ resterì cusì co ’l se part’elo
65co resta senza mi la tera e ’ cielo.”
 Le femene. Paron, co i tusi in brazzo
 core per agno cale
 descolze e senza gniente su le spale,
 scarpelandosse gi vuocchi a sguazzo a sguazzo,
70crianto a pi poere:
 “O arbandonè nu, grame poerete,
 dasché quel c’ha rancura
 de nu va via per nostra gran xagura,
 no morirongie tute in quatro sere?”
75O man sante e benete,
 larghe no minga strete,
 s’a’ posson benedirve a’ ve dagon
 mile meggiara de benision.
 Tuti pianze a bezefo, a scazzafasso,
80o se robò el granaro
 fosse stà del Comun. Mo mi boaro,
 ch’a’ vivea tuto in vu contento e grasso,
 que serà la me vita?
 Senza chi ghe dasea anema e fora,
85al muò d’una candela
 che sea fruà, redut’al cul anch’ela,
 ch’a puoco la dà na desfrita
 e del tuto se smorza;
 così seando la scorza
90mancà del seo, che me tegnia contento,
 el stopin resterà zuogo del vento.
 Canzon, tant’è la duogia,
 ch’a’ g’he cazzà in lo bati e in la coragia,
 ch’a’ no posso tegnir derto el penelo;
95perzò carga de pagia
 da poereta di’ de mala vuogia
 al me Cattarin Zen, co ti è da elo,
 mile bon dì ve manda el Tandarelo.
 
 39
 Sonagieto de Bertevelo.
 Così co penze e para un bon aseggio
 qualche magro bosato al zoveelo,
 e perché ’l vaga inchina del cortelo
 ghe tira in te le neghe un rio fameggio,
5an mi ponto e parò son stà, Sgareggio,
 da un gran desierio al cuore e al reseelo;
 e s’a’ no te scrivea el me buelo
 no volea pi vuar sorgo né meggio.
 A’ te saluo e priego el paraiso
10che te mantegne liegro drio l’Amore
 soto quî portegale in zuogia e in riso;
 e sì laldo el Pavan de fiò, de cuore,
 che dasché ’l ha vezù qualche schiantiso,
 mè ’l ha bu ’n altro ti bon cantaore.
 
 40
 Sgareggio in resposta
 Se quelie che me tien al zoveelo
 e che me fa d’Amor schiavo e fameggio
 ovrasse in lo me cuor manco l’aseggio,
 a’ canterae de vuogia, o Bertevelo.
5Ma l’haer sempre in la panza un cortelo
 e un fuogo, che me brusa agnora mieggio,
 fa che se zà fo tempo, oimè, Sgareggio
 cantava, adesso ’l ha spontà ’l penelo.
 E se tal bota, veh, me tira el cuore
10de sonagiare, a’ canto quel bel viso
 hanor de Pava e spieggio del’Amore.
 Ma s’te me farè vêr qualche schiantiso
 del to bel sigoloto, o cantaore,
 alzerè el to bel canto al paraiso.
 
 41
 Sgareggio a Bertevelo
 Se ’l star contugnamen ligò in caena,
 rostio, frito, brusò, senza coragia,
 puol far ch’a’ cante e che ’l cantar me vagia,
 Bertevelo me caro, a’ son de vena.
5S’t’è mo mè ti provò zò que sea pena
 e zò que sea in te ’l fuogo un cuor de pagia,
 sgnica, frelo, con mi, no cantar, sbragia,
 ch’altro remielio a’ no ghe cato a pena.
 E in pe de domandar s’a’ stago ben
10dime: sìto brusò? gheto pi cuore?
 Che così vuol la Dina e Amor rebelo.
 Queste xe le cason, che me manten
 vivo, morto, agiazzò, pin de brusore,
 ch’a’ no sè gnan s’a’ supie el Tandarelo.
15Colgò soto el so caro in t’un’ombria
 te scrive al to Sgareggio, quelo che
 tanto manco xe aldù, quanto pi el cria.
 
 42
 Resposta de Bertevelo
 S’te stè contugnamen ligò in caena
 te sì co è un latolon d’una passagia,
 te sì co se ’l me can ligò co ’l bagia,
 que ’l gagnola, que ’l frize, el se remena.
5O Sgaregio me caro, tuo’ la brena
 de man al to piteto e fa’ che ’l sbragia
 elo e no ti, e laga sta frambagia
 de sto morbo sbecio che te dà pena,
 e in pe de desconirte (te ’l sè ben)
10slargate via sta insagna e a sbrega cuore
 volta el culo ala Dina e va’ al bordelo;
 qué se el se fa peon da ti in lo sen
 el in caxa el t’aggiazza e ’l te rebore
 e manda in deroina el Tandarelo.
15De cao del me pagiaro in s’una pria
 mi Scarpeloto te consegia que
 te tindi a laorar la boaria.
 
 43
 Maitinà
 S’a’ volesse tegnir duro a cantare,
 cara la me morosa,
 a’ g’harae pi da fare
 ca quela bela tosa
5che g’hea cento morusi, s’in sta lira
 de ti a’ disesse quel, che ’l cuor me tira.
 Vuocchi lusente e bieggi, onde s’arnia
 la frezze con che Amore
 m’ha la panza feria,
10e m’ha trapassò el cuore.
 Mo no me dè pi fuogo, perqué a’ scoto
 tanto que dentro e fuora a’ son zà coto.
 Boca mostosa, saoria e bela,
 che con quel caro riso
15quando te l’avierzi ela
 ’l è averto el paraiso,
 quando serà quel dì che con la mia
 fagan na dolce calma compagnia?
 Ti cason del me mal, montissoleto,
20perqué n’ieto el primiero,
 caro el me zucoleto,
 a farme sto sentiero
 e dire a i lavri: a’ no me vuò scorlare,
 s’iggi no m’impromete de basare.
25Naseto caro, che quando el fo fato
 la gran mare Natura
 perse le stampe a fato
 de sì bela fegura,
 a’ te vuò pregar ti, che ti è paron,
30de sì bel viso haerme compassion.
 Doh, bianche rosse inverzelè massele,
 ma pi tosto pumiti,
 mo no sìu vu stè quele,
 con quî biè coloriti,
35che m’ha ligò in sì dolce caena
 che de cantar me fa catar la vena?
 Cegie bele inarchè, archi no cegie,
 ch’agnor me fè morire.
 Regie, per mi no regie,
40ch’a’ no volì sentire,
 è possibele un dì col me cantare
 ch’a’ no ve averza i busi del scoltare?
 Colo reondo bianco inarzentò,
 mo t’he pur an gran torto.
45C’harèto po guagnò
 quando ch’a’ sarò morto?
 Lomè tuti dirà: mo per sto colo
 Sgareggio ha spanto el bruò, roto el bigolo.
 Mo co è possibel po che ti, bel pieto,
50seanto sì molesin
 e senza corsaleto,
 te sii sì duro e fin?
 Te me responderè: mo perqué Amore
 tuol da mi el fero, che m’indura el cuore.
55Tete pizzole dure care e tonde,
 a’ sì vu le montagne,
 donve che se gh’asconde
 per quele caveagne
 el giazzo onve ch’Amore g’ha spontò
60tute le frezze, e sì n’ha mè passò.
 Man, manete sassine e traitore,
 vere chiave del zuogo,
 a’ sì vu le segnore
 ch’impiggia e smorza el fuogo,
65habiè tonca piatè del me criare,
 dasché sta a vu poerme alturiare.
 
 44
 Ala Dina
 A’ te lago, morosa,
 dasché la sorte vuole
 ch’a’ scogna star luntan da chi ha ’l me cuore.
 Ma la duogia, ch’ascosa
5no vuol star, e no puole,
 se sforza spenzer fuora el so dolore.
 Zà fo tempo ch’Amore
 me parea na gran zuogia,
 adesso a’ vezo ben
10che ’l ha la fiele in sen,
 que s’un ha un puo’ de ben, tanta è la duogia
 que se ghe smissia drento,
 che cento zuogie no conza un pimento.
 Que me vale haer bio
15dele mie tante stente,
 dele faighe el priemito bramò;
 che ’l polmon, che guario
 esser derae, se sente
 crescer d’agnora la bampa e ’l falò.
20Quela puo’ d’aqua mo,
 seror dela piatè,
 n’ha minga smorzà ’l fuogo
 que m’ardia in t’agno luogo,
 miessì, la g’ha metù bampa pi assè,
25co fa un favro, che smorza
 con de l’aqua el carbon per darghe forza.
 Perqué, sorte maleta,
 no me fo cavè gi vuocchi
 quel dì, che per me mal viti el to viso.
30Tossegosa ciseta,
 donve apozié i zenuocchi
 per poer vêr averto el paraiso;
 occhion, che al’improviso
 me dè na balestrà,
35che no tegnirgi bassi,
 perqué te me passassi
 al’hora el cuor, morosa, in verità,
 que s’a’ n’hesse guardò
 quel bel spiandore, a’ no sarae brusò.
40Al’hora m’impiggié.
 Mo quel vêrte zapare
 el to horteselo fo la me roina.
 Quando a’ te vini a pe
 per volerte po aiare,
45e que te me porzissi na manina
 e mi po, morosina,
 vezandote sì bela,
 fato d’Amore ardio
 del to bel prò fiorio
50arcogî de me man dolce erbesela.
 Deh, no ghe fosse arivo,
 que adesso a’ murirò, que a’ sarae vivo.
 Sto puoco de conforto
 me resta in tanta duogia,
55ch’a’ so que t’he dolor del me partire.
 Resta in paxe, bel horto,
 cason de tanta zuogia,
 e così del me ben, del me morire.
 Morosa, el vuol inscire
60a farme luxe el Sole,
 perzontena pianzando
 a’ me parto portando
 stampè in lo cuor le to belezze sole.
 A’ vago per lo mieggio,
65tiente cazzò in lo sen sempre Sgareggio.
 Morosa, a’ lago qua ligò el me cuore,
 tiémelo goernò
 co ’l star ti sana chin ch’a’ ’l torno a tuore.
 
 45
 Resposta dela Dina
 Dasché, Sgareggio caro,
 la me sorte cativa
 te mena in luogo on te me sarè ascoso,
 que sorte de reparo,
5comuò vuòto che viva
 la to Soleta senza el so moroso?
 Pi presto a’ vuogio zoso
 butarme dela Brenta,
 ch’a’ staghe mè chialò
10senza de ti no no!
 Aldi, a’ son sì deventà
 da sta duogia maleta,
 que cherzo de morir mi poereta.
 Oh no t’hessegi mè
15mè dò quel che t’he bio,
 che crezando far ben te ’l laghî tuore!
 E pensanto que te
 fussi an ti sì ferio
 con iera mi, a’ te laghî el me hanore.
20Po per maor brusore,
 can, te tegnivi dito:
 “Soleta cara e bela,
 l’amor que me smartela
 m’è sempre per restar in lo cuor fito.
25Diga pur chi sa dire,
 che no me te torà lomè el morire.”
 A’ n’he pur vezù tanti
 di tusi e di boari,
 ma no zà mè de ti negun pi belo.
30Sea maliti quî canti
 cusì dolce e sì cari,
 que te fasivi drio del me horteselo.
 No vuòto, o Tandarelo,
 que no na grama puta
35de sangue molesin
 te piggie amor del fin,
 ma un erbore, un giaron, na pria suta
 se porae inamorare
 in lo to dolce in lo to bel cantare.
40Quando che te passavi
 denanzo al me cason
 a’ te vegnea su l’usso a guardar drio,
 e co te te voltavi
 con quî to bieggi occhion
45a’ me scondea per no te far sì ardio,
 e ti, viseto mio,
 disivi: “Ah, crudelazza,
 te te scundi da mi,
 te no me vuò ben pi!”
50Ma, freleto, a’ fasea pur la cagnazza
 per no te dar speranza
 de vegnirme a zugare in su la panza.
 O Dio, perqué no posso
 o star con ti d’agnora
55o vegnir on te vè, caro moroso?
 Herba, leto e reposo,
 perqué no puòto sora
 tegnir, o soto ti, Sgareggio ascoso?
 Ah, sole invilioso,
60sempre ti è stò cason
 de tuor quel che me piase!
 Amor, orsù, va’ in pase
 e fa’ viazo curto aliegro e bon,
 e porta ligà streta
65in lo to cuor la puovera Soleta.
 Moroso, quî che resta g’ha maore
 duogia che chi va via,
 perzò te porti ti con ti el me cuore.
 
 46
 Al so caro paron, el carissimo segnor Cattarin Zen.
 Se ’l poere, paron, poesse tanto
 co puol la volontè, c’ha sto me cuore,
 Sgareggio no sarae pi debitore
 e vu no m’andessé pi pegnoranto.
5Ma quanto pi el poere va mancanto
 tanto cresce el desierio, e vu, segnore,
 per far d’agnora el debito maore
 lire, gruossi e ducati anè zonzanto.
 Que cancaro farìo po in ultimata?
10Volìo che a’ muore schiavo o in gabion?
 O sarò in ca’ per sempre a muò falio?
 Cari, buò, vache, ordigni d’agno fata
 che a’ g’habie in ca’, la femena, paron,
 trarà per dota e vu starì de drio.
15Doh, per l’amor de Dio,
 sarè el zornale, e a quel che inchina a st’hora
 a’ dego dare, scrivìghe de sora!
 che per tirarme fuora
 de cetole realee spersonale
20sta puo’ de vita, e quel zò que la vale,
 a’ ve dago in segnale;
 no zà per saldo e compio pagamento,
 ché no sta sola ghe farae, gnan cento;
 ma per cognuscimento
25e per mostrar che a’ no ve posso dare
 pi de quel ch’a’ ve dò, no, da compare.
 Mo su, lagon anare
 e disìme se ’l vostro Tandarelo
 ve xe così in te ’l cuor co ’l ve g’ha elo.
30Paron me caro e belo,
 daspò che a’ sì partio a’ son restò
 purpio co è senza erba o fiore un prò,
 co è senz’aqua un fossò,
 co è un caro senza rue, co xe un versuro
35senza gomiero o senza chiò un veturo,
 co è senza malta un muro,
 co è un desco senza piè, co xe un tinazzo
 senza circhi o un scalon senza coazzo,
 co è un homo senza brazzo,
40co xe na ropegara senza dente
 o co è na vi’ que no gh’è pianta arente,
 co è un puovero bracente
 que n’habie pan né vin senza un marcheto:
 cusì a’ son senza vu mi poereto.
45O Cattarin beneto!
 O Cattarin, ch’in vu se cata ben
 tute quele bontè, tuti quî ben,
 que fa luxea ca’ Zen,
 que la fa intrà le altre massarì
50un sol d’aosto in sul bel mezo dì.
 Tornerà mo mè pi,
 paron, quel tempo, quiggi agni e quî mese,
 co ha dito pre Conagio ferarese?
 che inchin milanta e diese
55fiè de centenara d’agni a’ g’hon ancora
 a tornar in sto mondo in quela hora
 che a’ nassimo fuora,
 e ch’a’ seron ancora mi Sgareggio,
 vu Cattarin co a’ sì. Mo que de mieggio?
60El dise que l’asegio
 que adovro adesso, la zapa, el baile,
 la vanga, el cortellazzo e tanti mile
 ordigni dale vile
 a’ i dovrerò anche alhora, e che quel pan
65ch’a’ sbiasso adesso pezo che da can
 serà sorgo e mezan
 co ’l è anca adesso; e a vu quel bel pan bianco,
 ch’a’ magnè sempre, v’impirà anch’el fianco.
 Giusto né pi né manco.
70E per dirve agno consa in t’una fià
 el tempo que xe adesso tornerà
 a esser co ’l è stà.
 Mo se ’l è vero e que sto lasagnaro
 sea mal partio per mi, que de boaro
75a’ torne in cao un meggiaro
 de bessecola d’agni a ste faighe,
 a ste stente, a ste strusie, a tante brighe,
 a’ me contento - dighe
 chi vuol la soa - pur ch’a’ tornè vu a Chioza
80e che sea quel ch’è stò purpio a sta foza.
 Doh, no vegna mè pioza
 su i miè campi t’avrile, mazo e zugno,
 e que tuto el me gran staghe in t’un pugno,
 possa caire el grugno
85al me porzelo, se mè in vita d’agni
 a’ son stò pi contento e senza afagni!
 O Dio, donv’è gi argagni
 que soto al vostro caro ruzamento
 a’ passavino s’ l’insurimento?
90Onv’è quel stronimento
 de quel bel cagazimbano, i lauti
 e quel casson che g’hea tanti fiauti?
 Adesso a’ seon muti,
 piersi senza de vu, s’a’ no m’ingano,
95co xe un pegno impegnò co è passò l’ano.
 A’ sento tanto afano
 al cuor, co a’ son a mezo de quel pato
 onve Roco criava de mandato,
 que a’ m’arsento de fato,
100e suspiranto a’ digo: “O Cattarin,
 santo, giusto, da ben, mo qual destrin
 sì cruele e sassin
 me v’ha tolto da pe? Chi ha mè possù
 far che mi a’ reste e ch’anaghè via vu?”
105Mo in quelo salta su
 la Rason, e sì dise: “O senza sale
 Sgareggio, onv’è ’l to inzigno snaturale?
 Vuòto que sti canale
 ghe tolesse la via d’hanore piena
110che al bel corno indorò seguro el mena?”
 Questo salda la vena
 que me caze da gi vuocchi e me ten vivo,
 se pur senza la vita a’ magno e vivo.
 Con pi a’ parlo e ch’a’ scrivo
115con vu, de vu, pi me cresce el piteto
 de tegnir duro sto me sonagieto.
 Ma perché ’l me vecchieto
 me chiama a cena, a’ lago el chiachiarare
 per inchin ch’a’ ve vegno arvisitare.
 
 47
 On tosse Amor quel oro, e de che busa,
 per far do drezze bionde? a a che rosaro
 sunàl le ruose? e in su che bel pomaro
 tòssel quî pumi che me scota e brusa?
5Onve i tondini, on se ghe rompe e sbusa
 quele zanzete e quel salivo caro?
 On tòsselo quel dir “Vien qua, boaro,
 ch’a’ te defendo mi, s’altri t’acusa”?
 An, in che paraiso halo robà
10quel dolce canto che me sbrega el cuore,
 sì ch’a’ tiro puhù quanto che a’ posso?
 Da qual sole è nassù, xe stà stampà
 quî du bieggi vuocchi on tosse el fuogo Amore,
 que m’impiggia, me brusa in mezo un fosso?
 
 48
 Sonagieti de Roveggiò Bon Magon dale vale de fuora a Sgareggio Tandarelo da Calcinara.
 Dasché te puorti, Sgareggio, l’hanore
 de tuti i buoni cantarin, que s’ha
 sentio dal nostro viecchio pare in qua,
 barba Ruzante, sì bon cantaore,
5agnun tase e t’acolta, e gi vuocchi e ’l cuore
 tira, e le regie frema, e spieta e sta
 sì tento con te canti, che tal fià
 el par verasiamen purpio que i muore.
 Barba Menon, Begoto, el Magagnò,
10Zugno da Tore, Lenzo e Bertevelo
 te lalda (Giesondio!) quanto ch’i pò.
 Morato, l’Hortolan, Bregato e Mielo,
 Beggio, quel bon boaro, e Roveggiò
 te hanora e co gi hanor te mete in cielo.
 
 49
 Resposta
 Roveggiò, s’a’ cantar me tira el cuore,
 ’l è que a’ son anca mi pento e grezà
 da chi me ten el cuor streto e ligà,
 onve ’l canto xe me, so xe l’hanore.
5Ti mo no me laldar, ma lalda Amore,
 que xe cason de quanto ben se fa,
 perqué un boaro senz’Amor no sa
 che consa sea piaser, que sea dolzore.
 Perzonte se tal bota a’ dago fiò
10ala piva passanto ira e martelo,
 no dir mo ti que a’ sea sì prisiò,
 ch’a’ pe de Magagnò, de Bertevelo,
 de Menon, de Begoto e Roviggiò
 a’ son na luxe a pe le stele in cielo.
 
 50
 Roviggiò
 Curi, barba Reon, curi de cuore
 al maor zaramela, che sia stà
 da gi antighi o modierni aprisià
 dasché s’aprisia in tera un de sti fiore!
5Curi, laga Zermana e so serore
 e gi Franzuosi a bo da man, e fa’
 que ’l mar, don te t’arpuossi, t’invie qua
 donv’è ’l maor de tuti i cantaore.
 Che te verè, co t’arzunzi chialò,
10al smergolar d’un cusì bon pivelo
 framrse el Bacchiggion, la Brenta, el Po.
 Questo, barba Reon, xe ’l Tandarelo,
 que al retornar che te fariesi po
 te ’l meterè co le to lalde in cielo.
 
 51
 Resposta
 Pava, se mè te g’hissi grolia e hanore,
 se mè te fussi cara e prisià,
 tiente in bon que te sì ti pi laldà
 que n’è na ruosa in tuti gi altri fiore.
5No dèto adesso albergo a un cantaore,
 el maor que sea stò, né mè serà,
 figiuolo de quel Polo che insegnà
 tirare i caecchiuoli a i sonaore.
 Làldate e canta pure a sbregafiò:
10Viva viva quelù que da martelo
 sbité zo in te l’inferno desperò!
 Viva quel [che] con l’arco e col penelo
 restagna el Bachiggion, la Brenta, el Po,
 tira le biestie e frema el sole in cielo.
 
 52
 Roviggiò
 Herbe beè e vu, ben nassù fiore,
 on que s’arponsa a smergolar tal fià
 Sgareggio, qual boaro; e vu biè, prà,
 que aldì l’hanor de tuti i cantaore!
5Lombrì, fresche rivete, que ’l maore
 de quanti habi chialò tra nu cantà
 tegnì sì ben l’instè streto abrazzà,
 dolce per vu quel dì, beè quel’hore!
 Buschi, fime, fossè, que d’agno lò
10stè tuti incerc’a aldire eò Tandarelo,
 mile volte beè dir se ve pò.
 Stè pur seguri al maor caldo e al zielo
 vu, que a’ sì a pe sto bel mazo indorò,
 degno d’esser piantò là suso in cielo.
 
 53
 Resposta
 No è d’avrile in t’un prà tanti biè fiore,
 né in tante goce caze la rosà,
 co tante bote al dì cigo piatà!
 e co è tanti bolzon ch’a’ g’he in lo cuore.
5No die tanti giè! sti caraore,
 né gnan tanti ptru, bo, zira, va’ là!,
 co a’ tegno Dina mi, Dina chiamà
 e ch a’ g’he sempre in boca “a’ muoro, Amore!”.
 S’a’ sgnico, s’a’ me lagno in t’agno lò
10per buschi, fime, fuossi, al caldo, al zielo,
 tuti me sente a butar fuora el fiò.
 E per tuto don passa el Tandarelo
 s’alde cigare: “O Dina, a’ son brusò!”
 Ela pi sorda vuolze gi vuocchi al cielo.
 
 54
 Roviggiò
 Se quele tose, ch’è nuove serore,
 sì bone cantarine con se sa
 ven, Sgareggio, laldè, le xe prisià
 pruopio co è pive senza sonaore.
5Ti mo sì el piva que ghe dà l’hanore
 e le ten vive, che le sarae zà
 desperse e morte né mè menzonà
 da sti napulitan cusì de cuore,
 perqué in pe de dir Tralia o Rato, a’ so
10que ’l se dirae Sgareggio Tandarelo
 quando te lo l’aiassi col to fiò.
 Momben mo ti, que te no gh’in dè un pelo,
 te l’alturi vontiera, e questo è ’l to
 hanor, que te fa anar su derto al cielo.
 
 55
 Resposta
 Se quele toese hanor de i cantaore
 n’hesse meggior paron, le sarae zà
 anà cul culo in su, pi strapazzà
 que n’è da cento cavre un prò de fiore.
5Mi a’ son fameggio di suò serviore,
 barba Polo è ’l so piva prisià
 da tuti i cantarini. An mo chi sa
 que te no sipi ti? che ’l m’in dà el cuore.
 Dìmel s’te in sì, no me tegnir picò,
10e s’te sè dire el lome al Tandarelo,
 perqué no vuòto ch’elo sapi el to?
 Azzò que a’ dighe a Lenzo, a Zugno, a Mielo:
 “Frieggi, tasì, che ’l nostro Roveggiò
 xe quel sier Polo zaratan del cielo”.
 
 56
 Roviggiò
 Perasio, Pele e Zeuse, que l’hanore
 i fé far tante conse con se sa,
 sarae, Sgareggio, ala to pruova stà
 orbi, muti, incantè, piersi an del cuore.
5Le statole, que i fea d’agno colore,
 que ghe mancava haer se lomè el fià.
 ’L è ’l vero, ma ’l no fo zà mè catà
 que i ghe daesse l’ose a i suò tenore.
 Mo quî biè sonagiti e quelo to
10anzon, que te depinzi d’agno pelo,
 per tuto canta e s’alde d’agno lò.
 El to ovrar de penieggi, o Tandarelo,
 si xe un dar vita a i muorti, onve per zò
 te manda i vivi bel e vivo in cielo.
 
 57
 Resposta
 Frelo, se tuti quî gran penzaore
 que xe stè al mondo, e quî che xe e serà,
 g’hesse ’l polmon co ho mi sì brustolà
 da quel gioton, que se ghe ciama Amore,
5gi harae fato anch’a pe di biè colore
 che le so morosete harae parlà,
 con fé Pigialion, que se stampà
 na tosa e ghe dé el fiò, l’anema, el cuore.
 O gran bontè del tempo ch’è passò
10a far con na ration fata in cervelo
 ch’a ’n sasso el ghe vegnisse el sprito e ’l fiò!
 E adesso el to Sgareggio Tandarelo
 priega la Dina che scoltar no ’l vo
 e sì pianze al so mal la tera e ’l cielo.
 
 58
 Roviggiò
 Gi osiè, le biestie, le campagne e i fiore,
 i monti, i buschi, le vale, i fossà
 da primavera agnun, le rive, i prà,
 buta, zermuogia, furta e va in amore.
5Mo al to dolce cantar, que tuol l’hanore,
 Sgareggio, al pi bel mazo, l’invernà
 se vé a fiorire e farse nuovo istà
 e furtar agno consa pi de cuore.
 Canta gi osieggi e se vé d’agno lò
10gi erbore zermugiare, e scambiar pelo
 le biestie, e intorgolarse agno fossò,
 e fiorir prè al maor caldo e al zielo,
 e i munti e buschi verdezare, e po
 gi agnoli, que t’aspieta suso in cielo.
 
 59
 Resposta
 Per monte, buschi, onve me manda Amore,
 al caldo, al ferdo, a bruosema e rosà
 meno sta vita grama e desperà
 senza fiò, senza bati e senza cuore.
5Ai miè sospieri pini de fogore,
 ale lagreme spesse, arse e salà,
 se seca d’agno lò le rive e i prà,
 se tortiggia le vi’, le piante muore.
 El pi dolce cantare, el pi immelò
10che faghe, el russignato scambia pelo
 quando ch’a’ passo a pe don ’l butò.
 Spin doenta el cerpilio e ’l conastrelo.
 Piatè per mi xe morta, o Rovegiò.
 Que dégogie pi far soto sto cielo?
 
 60
 Roviggiò
 Vu, s’a’ corissi mè, corì de cuore,
 spriti vertulioso, che qua e là
 anè cercanto onve s’alberga e sta
 quele tanto laldè nuove serore.
5Corì, le xe chialò, chì dal maore
 c’habi quence de bon tra nu cantà,
 Sgareggio, un bon boaro, le g’ha in ca’,
 hanor de quanti ha habio dal mondo hanore.
 Lighè Licon Pranasio e vegnì zo
10ala derta chialò dal Tandarelo
 ch’a’ ’l verì in mezo d’ele incoronò.
 Po, co a’ ’l veghè (che ’l mierita), laldèlo
 quanto a’ poì pi d’ose e de fiò,
 e derzè le so lalde inchina in cielo.
 
 61
 Resposta
 Sto me zalo, interìo, stragno colore,
 gi vuocchi russi dal pianto e smaruzzà,
 sto passo que s’arten mo qua mo là,
 sti sospieri incaxè messi del cuore,
5te pò far chiaro, o spiego, grolia e hanore
 de quanti cantarini habie cantà,
 se le nuove serore mesta in ca’
 o se pianto gh’è stà, duogia e brusore.
 Se ’l ben, che te me vuò, t’ha mo aceggiò
10e he te para a ti che ’l me penelo
 sapie da miele, e sì xe firl de bo,
 tien sta to punion soto el guarnelo,
 ch’a’ me vergogno ch’un sì gran par to
 vuogi con le so lalde alzarme in cielo.
 
 62
 Roviggiò
 Go aseni, i buò, le vacche e i caraore,
 le cavale, i molton e i bichi sta
 sì fremi, co te canti, e stravalià
 pruopio co i n’hesse fiò, anema e cuore.
5Gi osieggi t’ha zà dò tuto l’hanore
 e t’hanora cantando de brigà
 con quî suò viersi dolcemen ch’i fa
 que ’l n’è dolcezza al mondo la maore.
 Gi erbore, le campagne e i prè (que a’ so)
10al to cantar, Sgareggio Tandarelo,
 buta, sfigiuola, infiora d’agno lò.
 Agno consa s’aliegra al caldo e al zielo
 a quel cantar de zucaro immelò,
 que t’apareggia el pi bel scagno in cielo.
 
 63
 Resposta
 Se viver senza bati e senza cuore
 puol, Roveggiò, Sgareggio inamorà,
 a’ vivo, ma sì coto r dì brusà
 che no fo bampa al mondo la maore.
5Ma se pur qualche bota el me tenore
 averze i busi e dà na smergolà,
 i buò, gi osieggi, i caraore sta
 intinti, no al me canto, al me dolore.
 Que dego donca far? Morir ch’a’ ’l so,
10se ’l fuogo col me pianto ven de zielo,
 el giazzo col me fuogo xe incaxò
 e i prè donve se colga el Tandarelo
 se seca, brusa, muore in t’agno lò
 in pe de spander fuora i fiore al cielo.
 
 64
 Roviggiò
 Benqué m’asegia un gran desirio ’l cuore
 e la vuogia el peteto, e me ten dà
 anemo pur ch’a’ cante, mo a’ son zà
 sì stanco, ch’a faiga el fiò me sbore.
5La man xe stanca e seco el me tenore,
 indromenzò l’inzegno e stravalià
 la smalmuoria, el poer perso e giazzà
 drio gnan per la mitè d’un d’i to hanore.
 Onve que s’alda, frelo, a’ m’ho pensò
10del to prisio e l’hanor altro pivelo,
 e mi, ch’a’ son ronchio, restar chialò,
 e que dal Bora a l’Astro el Tandarelo
 s’alda, e dal’Indio al Maoro in t’agno lò,
 chin che s’impia la tera, el mare e ’l cielo.
 
 65
 Resposta
 Se quel caro musoto, on messe Amore
 du archi in pe de ceggie erti e tirà,
 me lagasse tal bota piggiar fià
 e resonar con ti quatro o siè hore,
5sborando con la lengua quel dolore
 che ’l sen m’impiggia e brusa la corà,
 me par ch’a’ sentirae reparo assà,
 perché cantando el mal se fa menore.
 Ma tuta mote e dì tegnir tirò
10e star duro a sitarme el raiselo
 n’ela una vita, un star da desperò?
 Questa xe la cason che ’l Tandarelo
 in pe de resonar con Roveggiò
 impe de pianto el mar, la tera e ’l cielo.
 
 66
 Roviggiò
 Dasché agno presta man penta d’Amore
 qu’habi mè un bon penelo bragagnà
 sarae, Sgareggio, prega, stanca e dà,
 no dir mè in milanta agni un d’i to hanore.
5Né inzegno sì aguzzo, lengua, né cuore
 d’un barba Ceco o un Dente sì prisià
 porae cantanto dir le lalde c’ha
 scurò i pi duoti e ti fato el maore.
 A’ retorno la piva al vecchio chiò,
10que è zà stanca e fenia, seco el pivelo,
 né, se ben vuogio, a’ ghe posso dar fiò,
 ch’altri, co a’ spiero, e mieggio el Tandarelo
 farà d’incerca a torno d’agno lò
 ressonar tuto el mondo e china el cielo.
 
 67
 Resposta
 Se quela vena, che dal cao me sbore,
 fosse agno trato averta e destropà
 e sì revivolia co l’è zà stà
 sta bota, Roveggiò, dal to tenore,
5quel’aqua amara e de sì rio saore,
 che la sparpagna in buschi, rive e prà,
 doenterae pi dolce e pi immelà
 che i lavri de coliè che m’arde el cuore.
 Perzonte, dasché el buso t’he stropò,
10a’ taso inchin che torna el me spinelo
 a esser de to man verto e sborò,
 ch’alhora a’ spiero al son del to pivelo
 de sguazzar el Pavan per agno lò
 e impir dele to lalde inchina el cielo.
 
 68
 Insuonio ala lustria cavaliera la segnora Gabriela Mechiela.
 Quando con la gonela rossa e zala
 e ’l sen pin de viuole
 l’Alba averze el porton donv’inse ’l Sole
 e tira fuora i suò rozzon de stala,
5in quel’hora ch’i griggi
 drome sul buso an iggi,
 el galo tende al so vecchio mestiero
 de chiamar su la zente al laoriero.
 In quel ponto che ’l Sono ha pi vertù
10e che dala rosà
 l’ha le ale bagnè, gi vuocchi apetà,
 e mal ontiera el tuol combiò da nu,
 a quel’hora beneta
 va ’l cervelo a stafeta,
15e quel che se rasona e che se brama
 spesso se mostra onv’el desierio el chiama.
 Senza pensier haer pi de versuro
 co s’a’ fosse un rezin,
 in quel dolce seren fresco maitin
20a’ giera indromenzò sul lò dal muro,
 quando in t’un prò fiorio
 d’agno color vestio
 el me pare ch’a’ giera e sì cantava
 de quele miè canzon que s’usa a Pava.
25Così cantando el par a muò ch’a’ senta
 na ose que responde
 a zò que a’ digo, e sì no vego d’onde,
 e co pi a’ crio ela maor doenta.
 Me volzo e in t’un canton
30soto un verde cison
 vego que gh’è na femena coerta
 que bala e salta, e sì me dà la berta.
 Lievo da l’erba el cul, dal pugno ’l viso,
 roman la lengua muta
35a vêr in quel machion sì cara puta
 fata e cazua lialò dal paraiso.
 Eco ghe son pi a pe
 ch’a’ cerco el fato me.
 Da smaravegia a’ piersi la uchela
40a vêr in quel macchion consa sì bela.
 Nua per nua co è un groton lomè sgussò,
 bianca co xe la late,
 rossa co xe le more assè ben fate,
 grassota co è na quagia da buzzò,
45co è un levriero gagiarda,
 presta co è na bombarda,
 co i cavigi indorè, sparpagnè al vento,
 tuta gratia, beltè, zuoggia e contento.
 Co quel caro musin, ch’al maor giazzo
50xe bon da far fiorire
 quanti fiore d’avril pò mè nascire,
 la se volze e me guarda in lo mostazzo,
 e arvando la bochina,
 roseta damschina,
55incalmà su na rama de moschete,
 la disse in vèr de mi ste parolete:
 “A che, Sgareggio, ovrar carta e penelo,
 passi, sospieri e pianto,
 e cantar de queliè la grolia e ’l vanto
60che asconde l’aqua e supia in lo fornelo?
 A che tante faighe,
 tanti martieggi e brighe?
 Laga, gramo, la via, che pur te mena
 ala morte, alla bampa, ala caena.
65E se te n’he da ti tanta possanza
 de molar quel ligambe,
 que te ten cercenò man, cuore e gambe.
 Vien, che a’ te trarè mi fuor de sta danza;
 e zò que te sii chiaro
70d’haer un bon reparo,
 aldi: a’ son l’Alegria, nemiga vera
 de quel orbo gioton que te fa guera.
 Altro miego, altro impiastro, altro ciroto
 no pò stropar quel buso
75che te fé du bieg’vuocchi e un dolce muso,
 onve, puovero ti, ti è squaso coto.
 Sol la me compagnia
 pò saldar la feria,
 muar duogie, martiegi, arsipiminti
80in zuogie, dolcitè, risi e continti.
 Dame tonca la man, vien drio i miè passi,
 che ala me bela corte
 a te vuogio menar liegro, de sorte
 que mè pi te n’harè sì fati spassi.
85Fa’ bon anemo e laga
 saldar a mila piaga”.
 Al dolce favelar qua messe sosta
 la bela dia, spitando la resposta.
 Da un lò l’onferte, i prieghi, le speranze
90de quela cara tosa
 me penze a bandonar la me morosa
 e crere a i suò consigi, a le suò zanze,
 da l’altro amor me tira,
 el cuor salta e sospira;
95ma fagando reparo al baticuore
 Amor perse ’l famegio e mi ’l segnore.
 Qual messo? che oration? quai prieghi santi
 ha bio tanto poere?
 A’ ghe respusi: “A farve a vu saere,
100cara agnolete, i miè laminti e i pianti.
 Ma sea stò chi se vuogia,
 Amor becazzo tuoggia,
 que rebelanto la segnoria soa
 a’ me taco de vu, Dona, a la coa”.
105El die de ste parole, ela pigiarme
 fo squaso tut’a ’n trato,
 co quela bianca man, che g’harae fato
 desfar un hom cargò de giazzo e d’arme;
 e me menà lì arente
110a ’n bel fime corente,
 onve monté d’un burchio in su la sponda
 andiessimo un gran pezzo in zo a segonda.
 Col timon a l’usanza a muò sacente
 la penze via cantando
115fuossi, campagne, laghi trapassando,
 inchin ch’a’ semo a na citè d’arente,
 citè ch’al primo intrare
 me parse in mezo ’l mare,
 e se no in mezo ’l mar, tanto da presso
120che ’l mar e la citè xe un corpo istesso.
 I richi e gran tezon, i portegale
 ch’al ciel alza la cresta,
 e la zente hanorà ch’in quela e questa
 barca va in su e in zo per quî canale,
125mostra agno creatura
 che questa è na fatura,
 che messier Gieson Dio vosse far vêre
 in ela agno so sforzo, ogni poere.
 Per mezo a sta citè scoven passare
130el burchio, e la so guia
 senza fremarse a criar Stali! o Sia!
 el penze da quel lò vesin al mare,
 onv’in cao a man zanca
 ghe xe na ca’, no bianca
135ma rossa tuta, venturà de fato
 che ’l mar la bagna, ’l sol la suga a ’n trato.
 Co descovron quel caro e bel tezoto
 dixe la me parona:
 “Quela xe la mia ca’, là se bandona
140duogie, lagni, destirbi e ’l star pianzoto.
 Cazza mo dal magon,
 Sgareggio, agno passion,
 e da’ bando a l’Amore, in sto bel luogo
 vivanto liegro in festa, riso e zuogo”.
145Zunti a la riva vego un che n’aspieta
 sgrignando a pina panza,
 chiapa la soga e liga co xe usanza,
 e sgrigna e ri e me dà la man dreta.
 Dixe la me segnora:
150“Sgareggio, salta fuora,
 e da’ man a colù, che rosso in viso,
 sgionfo in le galte, è ’l nostro frelo Riso.
 Su la porta el Piasere è arcuzzolò,
 da l’altro lò el Contento,
155el Zuogo an elo xe puoco pi drento
 co la Speranza sempre compagnò;
 la mea Zuogia anca ela,
 la Festa so sorela,
 bulega in te l’intrà; su per la scala
160el Roceto me mena in su la sala.
 Lialò la Cortesia, la Zoiltè,
 sacrete cambariere,
 me mena inanzo a ’n segnor cavaliere,
 che xe paron de tutte ste brighè;
165e co ghe son denanzo
 l’Alegria se fa inanzo
 diganto: “Lustrio segnor Marchioro,
 questo è Sgareggio. A’ torno al me laoro”.
 “Mo séalo el ben vegnù, séalo el ben zonto”,
170responde quel segnore,
 “el me caro boaro e serviore.
 Va’ al to cargo, Legria, n’indusiar ponto
 e lagame in le man
 sto me caro vilan,
175che chin che ’l sta con mi no g’ho temanza
 ch’Amor né Passion g’habi possanza.
 Altra vita, altr’usanza, altri pensieri
 xe in sto me casteleto.
 Amor, Melenconia, qua in sto logheto
180no sa vegnir, no sa trozi o sentieri.
 Che questo mo sea vero
 dame la man, ch’a’ spiero
 da farte vêr chialò conse stopegne
 da far smaravegiar zucchi e masegne”.
185Così de passo in passo in t’un saloto
 a’ vegnon, donve gh’iera
 sentà s’una cariega una lumiera,
 che ’l sol a paro d’ela è scuro e groto.
 Questìiera la segnora,
190che tutto el mondo hanora,
 so mogier cara; onve zunti a pe d’ela
 disse el paron: “Quest’è la me Gabriela.
 Questa è coliè che ’l cielo e la me sorte
 fé per me cara sposa,
195ch’altro lazzo, altro gropo, altra morosa
 no g’harè fin ch’a gi uocchi arvo le porte;
 per questa a’ meno i dì
 liegri, de sorte sì
 che a’ no g’he invilia, a’ no te dir bosia,
200a beltè, roba, hanore, a segnoria”.
 Al spiandor de quel volto, a un volzer d’vuocchi
 a’ restî a l’improviso,
 co fa un toso a una sita o a ’n gran schiantiso,
 col sen trenanto e debel de zenuocchi;
205ma ’l sangue qu’hea paura
 de no muar ventura
 se strens’al cuore e me dé vegoria,
 que a’ dissi ste parole a quela dia:
 “Que lengua, que pensieri, ose o penelo,
210o contanto o scivanto,
 porae mieritamen darve agno vanto?
 O sole d’ogni sol pi chiaro e belo,
 qual pena o qual inchiostro
 scriverà ’l lome vostro,
215azzò ve vega chi g’ha da vegnire
 pi verde e bela in carta agn’hor fiorire?
 Mo mi sprecisamen co qual uchela
 a render gratia vegno
 a vu, ch’a’ g’hi vogiesto farme degno
220de tanta compagnia, sì cara e bela?
 A vu, che da sto sen
 haì trato un magazen
 de pegola, de stopa e solferati,
 e de mile d’amore aguzzi scati?
225Quî lagni, quî sospieri e quî trominti,
 que me giera compagni,
 co fa bisse de mazo ha muò pagni
 e xe fati piaxer, risi e continti,
 onve in pe de sgnicare
230a’ starè a sfiabezare
 col me caro paron, co vu, parona,
 col moro, ’l nan, col papagà e la mona.
 Oh cara compagnia, gropo e strenturo
 pi streto e pi tegnente
235che sea mè stò tra la romana zente
 dasché fa chiaro ’l dì, la note scuro,
 ve mantegne ’l Segnore
 in quela pase e amore
 ch’a’ sì stè sempre, e che sarae gurarve
240quelù che mè se stanca de laldarve!
 Tra vu quanta beltè, gratia e saere
 xe in lo roesso mondo
 xe sunà tuta in du cuorpi, segondo
 che tra la note ’l dì gh’è do lumiere;
245così seno e beltè
 xe tra vu du cazzè,
 che né tempo né morte né fortuna
 torà spiandor al Sol, luxe ala Luna.
 Al muò co s’un calmon crescente e snio
250un hortolan gramego
 ghe cazza na calmela e senza rego
 doenta tutto un erbore polio,
 così quel gran Paron,
 bon hortolan d’agnon,
255v’ha petè in sembra, e de calmo in calmela
 fato pianta noria, Zena e Mechiela”.
 Arvando ala resposta un riso belo
 quela boca, onve puole
 le ave zupegar ruose e vivuole,
260che pi dolce rosà no manda ’l cielo,
 la respose: “Sgareggio,
 t’iè chialò per to meggio.
 A’ te recordo, laga in te la Brenta
 la tanta passion que te tromenta,
265e co quî passatimpi in riso e canto,
 ch’in sto luogo se usa,
 impi quela fondìa scotente busa
 ch’Amor te fé in lo sen zà tanto e tanto,
 e s’te vuò con la pena
270anche sborar la vena
 che te ven dal celibrio, canta e scrivi
 in despriesio d’Amor, e sguazza e vivi”.
 In tanto che pensoso a’ taxo e scolto,
 el ven dentro del’usso
275un homezzuolo involto in t’un bernusso,
 toso de vita, homo compio de volto,
 e se mete a zugare
 co la mona e cigare,
 salta de qua, de là, tombola, presto,
280ch’un cuor de pria se l’haverae risesto.
 Semendequé ghe scampa l’anemale
 e sì me sbore adosso.
 Mi me meto a fuzire a pi no posso
 dala cambara in sala, in vér le scale.
285La paura, el scamoare
 me fé desdissiare,
 e catandome in leto, pin de fuogo
 a’ maledî ’l cason, la vila e ’l luogo.
 Insuonio, el pi meggiore
290c’habia fato sta mente o sto pensiero,
 cusi e slaìna ’l vero
 al me caro paron, ala parona,
 maledigando sempre mè la mona.
 
 69
 Sonagieto al Magagnò
 Que dirà, Magagnò, sti chiachiaron,
 che fa procission de saer dire
 i timpi, gi agni e ’l vivere, ’l morire,
 e donve nasce e muor Falce e Biron?
5Sta bampa, sto lugor, sto fogaron,
 che zo dal cielo a’ g’hon vezù caire,
 che diràgi che ’l è? Stagi a sentire
 quante fiabe i farà, quante canzon!
 Chi dirà l’è na stela ch’è cazua,
10’n altro l’è na coeta, chi na sita
 e chi segnal de qualche guera e briga,
 chi ’l è un pianoto che de ca’ se mua.
 Ghe traghe così el cancaro in la vita
 co i sa zò que i zamberla o zò qu’i diga!
15Tuti an qua se faiga,
 in sta vila becia, per ben parere
 huomeni bruschi, a dire el so parere.
 Chi dise che ’l Messiere
 dessora è incorezzò de tanti male
20ch’a’ fagon e ne manda sti segnale.
 Quiggi ch’è snaturale
 dixe che ’l cielo è fato co è un crivelo
 pin de fuogo, lusente po de belo;
 la luna mo so frelo,
25le stele si xe i busi, che segondo
 par al Paron si ven la luxe al mondo.
 Quel Nibale Rimondo,
 g’ha tegnù punion que ’l sia strazzò
 el crivelo e la biava vegnua zo,
30e quando i se n’ha adò
 gi ha tacò presto un bon tacon al buso,
 tanto che ’l fuogo si xe restò suso.
 Tuti chialò a refuso
 dixe chi ’è ’l dragon, la bissa buova,
35chi ’l vissinelo, el cularsego pruova.
 A’ te dago sta nuova:
 se no se sa da l’ara al fogolaro
 zò que se faghe, e ’l no gh’è zà un meggiaro,
 Magagnò frelo caro,
40comuò vuoggi saere ala segura
 zò que se fa là incima in tanta eltura?
 La gran Mare Snatura
 fé a gi huomeni a sto mondo, a gi anemale,
 a osiegi e pesce, i piè, le sguanze e l’ale,
45azzò que al snaturale
 tuti tendesse, e gi huomeni foesse
 paron de furti, biestie, osiegi e pesse.
 El malan mo ne messe
 in fantasia d’anar cercanto ancora
50zà que no basta in tera anche desora,
 tanto che ’l se laora
 a mesurare ’l cielo, a scompassarlo,
 co se ’l fosse un tinazzo a rezinarlo.
 No m’ha dito pre Carlo
55che ’l fo zà tempo un certo Zalamio,
 che iera de sti mati el pi compio,
 que se sfaigé drio
 a mesurare, stagant’in granaro,
 el mondo co un compasso e un brazzolaro,
60e là fé s’un cartaro
 buschi, fime, machion, fuossi, salgari,
 vile, castiegi, citè a centenari,
 e scompartì i megiari
 da un luogo a l’altro, e messe in mezo ’l mare
65i Polesene giusti co i dê anare;
 e sì s’andé a inzegnare
 de far graile al sole e su i canton
 petarghe Luci, Buò, cavre e Molton;
 tanto che sto menchion
70crete, stagant’in leto, haer sapio
 quel che sa solo messier Gieson Dio.
 Gi huomeni xe andè drio
 gran tempo a sto pan-mondo, e sì ha crezesto
 quelù un grand’homo, e vero tut’el resto.
75Mo ’l n’ha cavò de sesto
 quel Colombo, che i dise ch’ha catò
 altro mondo, altra zente in altro lò,
 e sì g’ha spiagnò
 que Zalamio, que ne parea sletran,
80fo un orbolato gioto, un zarlatan!
 Mato chi creze an
 a chi bisega in stele, luna o sole,
 che per cavar monea spende parole.
 Magagnò, le xe fole!
85A’ seon de tera, co dise el Messiere:
 de tera insire, in tera revertere.
 Comuò vogion saere,
 né trarse gregiarì fuor dela testa,
 de caldo, ferdo, ton, pioza o tempesta?
90L’è na panzana questa
 de sti stralogaore, na bosia
 che i sapia de bondantia o calestria!
 Laga che i zanze e cria
 e co que’ suò prenosteghi salbeghi
95ch’i diga un vero in cento milia reghi.
 Oh que mati grameghi,
 mati de sete cote, s’i cre iggi
 saer del cielo i sacreti e roiggi!
 Mo n’è pi mati quiggi,
100che faganto i falosofi sacente
 stuggia de far de piombo oro luxente,
 e co recipiente,
 bozze, lambichi, fornieggi, crozuoli
 vol far de sabo luni a so figiuoli.
105Legne, carbon e fuoli
 supia, strasupia: in pe de trar ariento
 i se cata le man pine de vento.
 Pota, con que argomento,
 con que slenze, stratuto o que rason
110vuòlegi far d’un aseno un lion?
 Così o s’a’ meton
 a coo soto d’un oca vuovi de grua
 e caldo e luogo e mare se ghe mua,
 quel calor che ghe sua
115tanto per sora no g’ha zà possanza
 muar natura in gi vuovi o somegianza,
 tanto che a crepa-panza
 de grua nasce gruati, scambia pure
 luogo, caldo, stason, timpi e mesure.
120Cate pur scrivaure
 chi vo, chi sa, che dig’ala roessa,
 che a’ son lotrin senza che a’ me confessa.
 Me dirà un pissa-in-pressa,
 un de sti poereti, che ’l gh’è stà
125de quî ch’ha fato ’l piombo oro colà.
 Mo sì, s’i g’ha cazzà
 l’oro perentro! E quando i fa ben conto
 de guagno e spesa, la ven tuta a un ponto,
 e co gi ha monto e monto
130la perdea xe maor del caveale
 e xe maor del leto el cavazzale.
 Le conse snaturale
 si se toca co man, se vede e sente
 co le regie, co gi vuochi, al naso, al dente.
135Lagon zanzar sta zente,
 Magagnò, co la pena e col penelo
 sbron le fantasì de sto cervelo,
 che sto mestier è quelo
 ch’anarà inanzo, a muò torza o lanterna,
140per farne in morte luxe supaterna.
 
 70
 Canzon al segnor Framinio Borgheto
 Al tempo che d’erbeta, fuogie e fiore
 se veste agno teren, covre agno pianta,
 agn’oseleto canta
 viersi ch’insegna la snatur’e amore,
5el sol pi belo e chiaro
 si mua vest’e colore
 e fa dar maor volta al so bel caro,
 e per dir miegio, l’iera
 la cara al ciel e al mondo primavera.
10Quand’a muò d’un insuonio e long’e rio
 se sdisià la mente e me fé acorto
 che ’l lin, la fava e l’horto
 chiamava ale faighe agni restio,
 onve con la me sapa
15mezo ancora stornio
 long’ala Brenta in t’una bela schiapa
 per anar ala fava
 pin de mile pensieri a’ caminava.
 Quando fra pianta e pianta, ramo e ramo,
20arvanto i busi a tute do le regie
 a’ sentî smaravegie
 d’un puovero moroso afrito e gramo,
 che co na piva in man
 fasea dolce rechiamo
25a chi volea scoltar. Soto in altan
 mi laganto el sapare
 me fermié per sentirlo a smergolare.
 El vestir forestiero e la faela,
 quel son che no se usa in sti paese,
30fé che le regie tese
 me sté, ch’a’ n’in perdî na breseghela.
 Elo, dapò haer trato
 fuor dela coraela
 un sospirazzo c’harae peò un gato,
35co na oxe piatosa
 el comencé sta canta ala so tosa.
 “Oh mesero Dimon, puover pistore,
 che la to bela e la to cara Fila
 ha lagò la so vila
40per portar dio sa donve el so spiandore,
 e ti, che dal so viso,
 dal so chiaro colore,
 smiravi in tera un nuovo paraiso,
 senza de la so vista
45menerè vita gramenzosa e trista!
 Oh no sea vero mè che gi vuocchi biegi
 lusa in altro teren don ch’a’ no sia!
 Sbora sta vita via
 pi tosto, crepe el cuor, crepe i buegi,
50vaghe piegore, lana,
 castron, moltoni e agniegi!
 Pi presto ’l lovo me g’ingiota e scana,
 che mi viva in sto mondo
 senza el luxente so viso reondo!
55O dio, donv’è quel muso? onv’è quel sen,
 on nascia l’invernà moschete e ruose?
 O man snisie liose,
 peìti a chi fioria soto el teren,
 sdrezze ch’averte al vento
60parea sprecisamen
 du caenon filè de fin ariento,
 comuò puol star st’incanto
 che mi sea chì ligò, vu lunzi tanto?
 Pianze la to partia, Fila me cara,
65tanto solo Dimon co la so piva,
 che l’aqua chiara e viva
 de l’Adese, zà mo torgola e amara,
 dal me pianto corente
 cresce per agno giara
70turbia, salsa, incendosa e spuzzolente,
 e porta ’l mar gran guagno
 dele lagreme tante ch’a’ sparagno.
 Quî prè, quele fontane e quele rive,
 quî buschi on te bitavi, o Fila, in paxe,
75senza fuogie si xaxe,
 senza fiore, senz’aqua, arse, mal vive,
 no rende gran la tera,
 gi erbore vua né olive;
 così quel bel paese è in tanta guera,
80che pistore e cavrari
 scampa e gh’intra in so pe luvi e cengiari.
 A longo ’l Bachigion, longo la Brenta,
 mi cercandote po per agno luogo,
 esca zonzanto al fuogo,
85vago sboranto ’l mal que me tromenta;
 tanto che note e dì
 no gh’è can que no senta
 quele trobolation ch’a’ g’ho pre ti,
 e huomeni e nemale
90pianze al me pianto, e prè, boscagie e vale.
 Mo tegne pur sto fiò drento sta cassa
 la Porca que g’ha in man la forfe e ’l spago,
 che mi zò ghe n’incago,
 se la no ’l tagia ancuò, la sta mo massa,
95dasché quel muso belo
 che m’haea pigiò in la nassa,
 me xe volò denanzo a muò ’n oselo.
 Vaga sta vita in stele,
 se la n’ha pi da vêr conse sì bele!”
100El dir de ste parole, el volzer gi vuocchi
 cair la piva in tera, el pianto in gagia
 fo tuta na bagagia,
 e batando le man per su i zenuocchi
 el repigià pianzanto;
105“Amor, s’te m’infenuocchi,
 un’altra bota, o s’te m’intrighi tanto,
 dame un caval co un copo
 s’a’ me molo sta fià, se pi m’ingropo!”
 Con questo el tosse su la piva e trasse
110un subio, e muchié su piegore e bichi,
 quando tra spini e stichi
 insanto fuora mi per quele basse
 a’ me ghe fié sì appresso,
 ch’ancora le ganasse
115’l haea muogie dal pianto tirbio e spesso,
 e sì ghe dissi: “Frelo,
 Amor t’alturie e traghe de martelo.
 A’ g’ho tra sti cison scoltò la duogia
 que te ten brustolò coragia e bati,
120e perqué gi altri fati
 tuti d’aldire e domandar ha vuogia,
 da la to zentil ciera
 que chiama paxe e zuogia
 a’ g’ho piggiò argomento, onve vontiera
125a saluarte a’ vegno
 per saer el to mal, s’a’ in sarè degno.
 Alzanto a ste parole in elto ’l viso
 e fissantome gi vuocchi in lo mostazzo
 respose quel gramazzo:
130“Frelo, te m’he chiapò sì al’improviso,
 che contra la me usanza
 a’ te vuò dar aviso
 chi a’ son e que brusor m’arde la panza.
 Sentame tonca arente
135e s’te te può tegnir del pianto, tiente.
 Tra le bele citè che Tralia hanore
 alza Verona ’l cao, supierba e bela,
 ivelò la me stela
 m’averse gi uocchi in fortuna megiore,
140que s’adesso ben son
 un puovero pistore
 e guardian de piegore e molton,
 ive a’ nascì de quigi
 che d’alto bereton cuovre i cavigi.
145Framignio xe ’l me lome snaturale
 e di Borgiti po la massaria,
 ma la me sorte ria
 me sconse presto el ben, me mostra ’l male;
 che seanto de fuora
150un dì longo a ’n canale
 viti Fila zentil che ’l mondo hanora,
 ch’in mezo l’aqua chiara
 me fé del so spiandor mostra sì cara.
 I bieggi vuocchi inrazè, don tose Amore
155quel fuogo ch’in te l’aqua scota e brusa,
 quela bocca che scusa
 per un pomo cielò pin d’aldore,
 colo, sen, tete, brazzi,
 man, che me sbrega ’l cuore,
160fo quel veschio, quel’esca, fo quî lazzi,
 che con penelo e piva
 sarà cason ch’a’ sone, cante e scriva.
 Dal’hora in qua laganto i biè tezuoti
 dela citè me fié la vila amiga,
165e per manco faiga
 e per poer bitar buschi e cisuoti,
 le muande zoile,
 calzon, sagi e capuoti
 a’ trié co fé Rolando in luoghi mile,
170e vestio de ste pele
 me missi a goernar piegore e agnele.
 Così né desperò, né con speranza
 d’haer con la me tosa o paxe o guera,
 l’aire, l’aqua, la tera
175a’ impiva de i suò laldi a pina panza,
 quando in lo bel del balo
 a’ fié la fresca danza,
 e tuti i miè pensieri andé s’un palo,
 onde senza ciroto
180meno la note scura e ’l dì pianzoto.
 Fila senza pur dir Dimon adio,
 Fila si xe partia, Fila xe persa.
 Ah fortuna roersa,
 perqué tegnerme vivo a sto partio?
185S’a’ l’ho cercà per tuto,
 s’a’ la chiamo, s’a’ crio
 sta piva ’l sa, que a’ no l’ha lagò in suto,
 ma posso sbreselarme.
 Guarda s’ho mo cason de lomentarme”.
190Mi, que zà tanto a’ so que consa è amore,
 se ’l me fé compassion pense chi ’l pruova,
 pur per no star a pruova
 a tromentar con elo el so dolore,
 con quel puoco saere
195que a’ g’havì mè megiore
 a’ ’l confortié che ’l retornasse a vêre
 la so citè naiva,
 laganto Fila, can, piegore e piva.
 Con mile gramarcè d’i miè consigi
200el se partì da mi zemanto ancora,
 tanto ch’al cuor d’agnora
 m’è restè le suò duogie, i suò incatigi,
 que n’è mè dì né note,
 cante pur gagi o grigi
205o supie ’l sol sul caro o in te le grote,
 quel so mal no me faga
 pianzer la me feria, vêr la so piaga.
 
 Patafii in la morte de Pessata
 
 71
 Chialò soto sta pria gh’è na Pessata
 che viva fu sì sporca e puzzolente,
 che no gh’in vosse mè nasar la zente,
 morta n’in posse gnan cercar la gata.
 
 72
 Pessato xe chialò soto st’altan,
 no fo bon coto, cru, vivo né morto.
 Quî che l’ha soterò g’ha fato torto
 a i cuorbi, a le zoete, a i luvi, a i can.
 
 73
 Chialò, don ni gh’è fior, herba né strame,
 Pessata, quel gioton, fo sopelio.
 No farae sto teren nuorbio o fiorio
 quanta bula el Pavan conza in loame.
 
 74
 Pessata fo chialò, zente che passa,
 ch’in vita fo sì tristo, sì gioton.
 El Munio vosse ’l corpo al so cason,
 onve qua gh’è restà lomè la cassa.
 
 75
 Sonagieto de Sgareggio a Chiavelin
 Dasché lambichi, bozze e corezuoli
 ne roba el Magagnò, Chiavelin caro,
 e in pe de smergolar soto l’oraro
 el fa bogir pignate e lavezuoli,
5Menon vecchieto ha rotp i subiuoli
 e perso ’l canto a muò cuco al pagiaro,
 e ti da rancurente e bon massaro
 tindi a far de la roba a to figiuoli,
 per tanto el nostro faelar pavan
10perde l’hanor, la gruolia, el so sostegno
 e torna a muò ranocchio in la pescina.
 Mi da compassion g’ho messo man.
 vagia zò che la pò, se ben a’ ’l tegno
 de bel pontelo a così gran roina.