Archivio digitale veneto
V Vi: vedo.
V Vere: vederai.
V Comparatione bellissima.
V Pricò: predicata.
V Proverbio dei Contadini, et comparation molto simile.
V Già: agliata.
P Qua nt'è mie
V effame
V Le cose che vengono dal cuore se conoscono chiaramente, et sono sempre meglio ditte delle altre.
V De l'haver inteso queste cose l'Auttor piglia bellissima materia.
P e V haira
P e V neto
P St'è, V St'
P e V ch'o
V L'altro diazzo: l'altro giorno.
P e V G'huocchi
V Bura non è altro che una nebbia fredda, e folta onde che vedendo i contadini la matina qualche caligo sogliono dir: "Oh, che burana!"
V A bel desvovere: senza alcun utile.
Famia per fama.
P e V t'è
V Regonar: ornarsi.
P e V Michiela
V Qui si vede che l'Autor in molti lochi descrive cose vere.
V To: togliete.
V Poì: potete.
P fastibbi
P ch'i, V cha gi
P Mare
P Cielo
Darà: daria
Smergolare: gorgheggiare.
Sgniccar: pianger.
Bio: hauto.
Corbame: vita.
Sustare: sospirare.
Verenè: avelenati.
Pecchè: peccati.
Piva: sonatore.
Maregale: madragali.
Alasco: almeno.
li
peTene
il
La Cita è il Silentio.
è
Contarin
haì
philuotico o Teluorico
l'è
Revolon
comun
i zo
hamo
St'è
Sono Galeazzo Gorgo e la moglie Franceschina.

Rime di Magagnò, Menon e Begotto

 

 

Indice dell'opera    

 
 Al so caro Paron, el segnor Iseppo Sanseverin caluonego de Vicenza. El Magagnò.
 
 ’L è buoni dì, smagnafigo e rebelendo segnor Paron, ch’a’ vago sfuregando col me celibrio per Vicenza, per Pava e per Vegniesia, s’a’ poesse cattare un cettain, c’hesse piasere d’haere un fasso de quelle canzon, che nu huomeni da le ville a’ canton tal fià l’instè sotto a l’olmo, o l’inverno a filò in cerca a i nuostri fogolari. E dasché a’ me son ben arvoltolò de chive, de quencena, de livelò e de chivelondena, el m’è viso ch’a’ no catte negun, che me faghe pi tirar la fantasia a farghe sto me presente, ca la vostra de vu Segnoria. Saìvu mo perqué? Perqué a’ ve cognosso, e sì a’ v’ho spertegò e sprimentò millanta fiè per un hom da ben, morevole e slibrale. E perqué el ghe n’è puochi ch’a’ g’habbie quella ubigation, ch’a’ g’ho a vu, e vezanto che el me cerpilio e le me campanelle iera massa puoche, e che a far na bella zuogia o un bel mazo el ghe vuol de le fiore purassè, e de pi sorte, a’ g’he domandò licintia a l’hanorevole e spelucativo barba Menon de anare in lo so orto; e sì a’ son stò anch’in quello che somené la benetta anema de barba Begotto, che messer Giesondio ghe daghe paxe a l’anema, perqué el lo mierita, made in bona fetta sì! Ma vì, Paron, a’ ve sè dire che ’l è stò desvaonò e despassò sì fieramen. che ’l gh’è stò portò via inchina i tursi de le verze; pure a’ g’ho arcogio e metù a un tante ruose, garuoffoli, zigi e fior d’agno mese, ch’a’ cherzo haer fatto na sunanza, che no ve serà in despiasere.
 Mo no ve par che ’l sea così bel vêre un bel prò fiorio, incercenò da na bella ciesa de spini e de conastriegi a quel muò che la g’ha fatta Domene Giesondio, con supie an un bruolo, che g’habbia le postigie tirè a corda, e impiantò con tutte quelle gremesie, che pò far un de sti segnolaore e sletrani? Mo a’ cherzo ben de sì.
 E po dîmme per la vostra cara fe’: no ve pare che ’l supie così dolce sentire cantar adesso i russignatti per gi buschi e per le piantè, con supie na frotta de zugolari, che co i sugoluotti in man la smenuzze per ponto de rason? Mo cancarè! E perzontena vu, segnor Paron, che vontiera ve tegnì a le conse snaturale, e sì a’ no anè fuor de carezzà, con fa la maor parte de gi huomeni dal tempo d’adesso.
 Indegnève tonca de cettare ontiera sto me puoco de presente, perqué, quando a’ serì stuffo da scartabelare quî slibrazzon de Dente, de Spetrarca e de Ceseron, a’ ve darì un puoco de piasere a cantar qualcun de sti nuostri sonagitti; ch’a’ priego Dio Pare che ve daga vita longa e sanitè.
 Da Pava a i deseotto de sto mese ch’a’ seon.
 
 
 
 Sonagitti e canzon del Magagnò
 
 
 1
 Quel Orbo, che canté la costion
 de le rane e d’i sorze, e ’l sbravezare
 del figiuol de Pelò, vosse cantare
 purpio a quel muò, che favellava agnon.
5E quel, che canté Liesbo e Doridon,
 sì ben vogiente a tutti i nuostri pare,
 che in scrivaura el ghe vosse insegnare
 a tender ben a le possession,
 se ’l haesse vogiù far anca ello
10quel so libro in grigesco e no in roman,
 messier Mezena el mandava al bordello.
 E se quel fiorentin s bon sletran
 muava el so parlar, ch’è tanto bello,
 la so Loretta l’intendea doman!
15Mi mo, ch’a’ son pavan,
 no serave na biestia, s’a’ lagasse
 questa me lengua, o ch’a’ l’inroegiasse?
 Que me val s’a’ parlasse
 miegio del mondo e ch’a’ no sea intendù
20in quella villa donde a’ son nassù?
 ’L è con disse quelù:
 fa’ con fa gi altri, s’te no vu fallare,
 e laga a i Pulitani imboescare.
 S’a’ no por portare
25la me Doviga bella con xe ’l sole
 inchina onde che ven le cesiole,
 con ste mie cantafole
 a’ spiero far che ’l so lome se senta
 da per tutti i cason, ch’è in su la Brenta.
30Mo de i quaranta i trenta
 se farà smaraveggia, e s dirà:
 “Que sa sto bescur, che n’ha stugià?”.
 Ben mo, la no ghe va!
 Un c’ha bona smelmuoria, quando el sente
35na bella consa, el se la ten a mente;
 e tal fià pi celente
 serà un boaro, un puover contain,
 che n’è un dottor gremego, un cettain;
 ché ’l val pi un pochettin
40de bon recorso e de bon snaturale,
 che quanta sletra ha el nostro pre Pasquale.
 Cara brigà, que vale
 l’haer scartabelè tiesti e Baldon,
 e Galine e Boviecchi e Zazzaron,
45e n’haer de quel bon
 scaltrimento compio, che no se pò
 miga guagnar per nar aldir al Bo?
 Chi sa che a’ no sea stò
 un’altra botta al mondo, e che in quel pe
50d’ovrar versuri, menare e zugiè
 a’ g’habbia bragagnè
 inchiuostri, penne, carte e calamari,
 e albergò co i sletran, no co i boari?
 Sì che, friegi miè cari,
55no ve smaraveggiè s’a’ canter
 con s’a’ fosse un poleta slauran;
 ché la snatura pò
 far che gi osiegi in te ’l spontar del dì
 cante assè miegio ch’a’ no fago mi.
60Horsù, rivonla chì,
 che in te ’l peon de l’albaro, ch’a’ scrivo,
 el no gh’in pò star pi, che ’l n’è gualivo.
 
 
 2
 Dîmme, boari, vu che la doman
 per anar a versuro a’ insì del fen,
 se daguanno la frua ve vaghe ben.
 tanto c’habbiè a sbezeffo e vin e pan,
5co ’l lieva l’alba, c’ha le belle man
 pine de ruose, e pin de zigi el sen,
 e che per somenargi an ella ven
 in ciel cossì, co a’ fè vu in terra el gran,
 hala sì biè caviggi, e sì polio
10e sì coluorio el viso, con se vé
 l’ha la me bella e la me cara Viga?
 Dis de no. Zurèlo in bona fe’,
 ch’a’ cherzo ben che messier Giesondio
 a farne n’altra harae na gran faiga.
 
 
 3
 Sèto, Viga me bella, con la xe?
 Dagonse del piaser, vogionse ben,
 e lagon dir sti viecchi scarcossè,
 che ’l no ghe tira pi el cuor da far ben.
5Quel pittar de garuofoli, che t’he,
 tornerà a rebutar st’anno che ven;
 mo quî che muore e che ven setterè,
 i no torna mè pi, mè pi i no ven.
 E no vegnanto el besogna che i sea
10senz’uogi, senza recchie e senza dente
 e ch’i n’habbia piaser pi con gi haea.
 Viga me bella no crer mè pi gniente
 al zanzar de to barba e de to mea,
 ch’agnon ven santo, co ’l ven despossente.
 
 
 4
 Oro s fin mai fo visto a filare,
 con xe le drezze ch’Amor g’ha ingroppè;
 in ruose in su la latte sparpagnè
 a le tu carne se pò somegiare.
5Que verle, o fior de spin, se pò cattare
 con xe i biè lavri e i dente che te ghè?
 Cerpilio no uole tanto, no a la fe’,
 con fa, Viga me bella, el to arfiare.
 Mo quando in Paraiso mè s’aldî
10agnoli a favellar sì dolcemen,
 né che cantasse al muò che te fe ti?
 Mo chi ha bio gi uocchi, chi gi harà mè pi?
 Ché s’ti gi appassi el dì la notte ven,
 e s’ti gi avri la notte, el se fa dì.
 
 
 5
 Oh, sea benetto el primo che catà
 sta bona usanza de voler stropare
 una putta, che sea da mariare,
 quando la vuol anar fuora de ca’!
5Ché i gaviniegi, che va per contrà,
 e sti piti polì, che vuol magnare
 quante putatte i s’imbate a scontrare,
 queliè, ch’a’ vu dir mi, i no vederà.
 E se qualcun disesse: “O turlulù,
10mo que farèto ti, che se te stè
 un’hora a no la vêr, te tiri su?”,
 a’ ghe responderiesi che ’l no gh’è
 muro, né sieve, sì ben cometù,
 che ’l no ’l passe du uocchi inamorè.
 
 
 6
 Fatto in le nozze de la signora Laura dal Fossà
 Sentà, caro Begotto, chivelò
 su st’herba fresca e pina d’ulimento,
 aldi el fime, che fa un scrocolamento
 sì dolce, che ’l m’ha squasio indromenzò.
5Dige: “Pare Reron, Reron beò,
 scambia pur la to acqua in ariento,
 dasché se v che ’l se ghe spiecchia drento
 quel oraro nassù su quel fossò.
 E ti, caro e bel herbole innorio,
10che da ferdo, da caldo, e sita e ton
 t’ha guarentò messier Domenedio,
 possa vêrte dagn’hora el Carpagnon
 s bello e fresco, e po al tratto de drio
 lagar de le to pole al me Paron”.
 
 
 7
 Ziralda bella, a’ t’he vezù a ballare,
 e de zenaro sotto al to bel pe
 nascer tanti fioritti, che ’l no gh’è
 bruolo d’avrile, che i saesse fare.
5Va’ di’ che ’l vissinello sapia anare
 incerca e sì leziero con te vè!
 A’ cherzo, se te vuò, te ballerè
 senza bagnarte inchin per sora el mare,
 e seanto ivelò a quell’acqua in cima
10te sentirissi agnon criar: “L’è quella
 che in lo mare nascé fuor de la sbima!”.
 Con se vé in cielo la boara stella
 infra tutte le altre esser la prima,
 cossì ti è al mondo an ti, Ziralda bella.
 
 
 8
 O Dio, perché no sonte un gran sletran,
 ch’a’ sapie ovrar na penna e un calamaro
 con fé quelù, che del so bel oraro
 se fé na zuogia con le purpie man?
5Che inchina on nasce el sole la doman,
 e onve che la sera el va a ponaro,
 a’ farae dir de vu, cuore me caro,
 zigio nassù don che fo fatto Adan.
 A’ no sè que a’ no faga e que a’ no diga
10per farve hanore, m’al tratto de drio
 a’ vezo po ch’a’ perdo la faiga;
 ch ’l me poere è s’un caval rostio,
 che, quanto pi el bon voler ghe ciga
 che ’l vaghe inanzo, el se recula indrio.
15Se messier Giesondio
 ve somené in lo cuore e per lo viso
 tutte le gramesie del Paraiso,
 el desea, me deviso,
 darme tanto celibrio, ch’a’ poesse
20dir de vu tutto quel che mè a’ volesse,
 o almasco ch’a’ foesse
 de bona sletra e d’un bon scaltrimento
 e no co è un vissigon, ch’è pin de vento,
 c’harae pur sto contento
25ch’a Pava, e incerca a Pava cento megia,
 agnon de vu se farae smaravegia.
 
 
 9
 A imitatione della canzon del Petrarca che dice: Chiare, fresche e dolci acque
 O acque fresche e chiare,
 on le su belle gambe
 se lavé la Tietta l’altro dì;
 caro ramo on taccare
5la vosse i suò ligambe
 e quî su biè scoffon tanto polì;
 herbesine fior
 chial on la se sentà;
 grumbial mondo e netto
10pi ch’agn’altro benetto,
 con che in dreana po la se sugà;
 e vu, lombrie, ch’a’ ghe tegnissi el sole,
 stè artienti tutti e aldì le me parole.
 Se ’l Cielo e i su pianuotti,
15o sea ’l diavol che vuogie
 ch’a’ pianza sempre inchin ch’a’ tire su,
 el preve e i candeluotti
 sea st’albaro e ste fuogie,
 e no me cuovra gi uossi altri ca vu;
20e quando ch’a’ sea insù
 fuora de sto tromento,
 de cao da la me fossa
 in t’una pria ben grossa
 ghe supie scritto sti du viersi drento:
25“Chialò zaxe Menon d’i Spinziforte,
 fo Tietta cason de la so morte”.
 Fuorsi che ’l vegnirà
 ch’a sto bel fimesello,
 spiegio de quante putte è in Arcugnan,
30a lavar la bugà
 torne, e ’l so bel guarnello,
 quella cagnazza, o le so belle man,
 e che pian pian
 la sospiere tal bota,
35digando in te ’l so cuore:
 “El me leale amore
 è pur per mi ficò sotto a sta mota”,
 e dighe: “Oh, Menon caro! Oh, poveretto!”,
 forbandosse po gi uocchi al fazzoletto.
40Da st’herbole chì apè
 (oh, recordò beò!)
 mille belle fiorette nevegava,
 -ch’a’ cherzo in bona fe’
 ch’Amor giera zolò
45incima a quelle rame, e sì scorlava-,
 a cair spessegava
 quî biè fiore infra igi,
 e pi bon se tegnia
 chi pi presto caia
50su le so spalle e su i suò biè caviggi,
 e sì parea ch’agnon che la toccasse,
 pi bello e pi lioso deventasse.
 E mi lì apè a un cison
 a’ la stasea a guardare
55tutto pin d’alegrisia e de paura;
 e drezzò drio a un pianton
 a’ stasea a spetare
 che la s’alzasse infina a la centura,
 per vêr la sfendaura
60del so bel boccassin;
 ma ella una lavà
 dasea, e na guardà,
 e no s’alzava nomè un pochettin.
 Pensève vu s’a’ stravolzeva g’uocchi
65e s’a’ sentia pigarme in t’i zenuocchi.
 Canzon, se mai t’aniessi via de chì,
 guarda n’anar in man
 de chi no sapie favellar pavan.
 
 Stugiando ravi una sera a fil
70cossì canté Menon e Magagnò.
 
 
 10
 A Menon
 Scrivi in la scorza de quel bel oraro,
 che denanzo al to usso fa lombria,
 in t’una sletra sì larga e fondia
 ch’agnon la posse vêr, Menon me caro,
5che ’l sapie o cettain o sea boaro,
 che s’imbate a passar de live via,
 che la me bella Viga e la to Tia
 mierita anar con la Loretta a ’n paro;
 ch s’ella in quelle fuogie e in quî pollon
10vete muarse i brazzi e le so man,
 e i su piè deventar du raison,
 el fo perqué la g’have un ortolan
 che la sapé incalmar su quel peon
 che la ghe vive senza magnar pan.
15Ma no perqué el Pavan
 ’n tutto el mondo g’habbia vezù mè
 do putatte sì belle, no a la fe’!,
 co è ste do che se vé
 a pe del Bachigion e de la Brenta,
20in la villa de Sacco e de Noventa;
 ché s’un homo deventa,
 quando ch’amor l’alturia, un russignatto,
 un cisano, un striolo o un calandratto,
 a’ cherzo de bel patto
25che ste do belle femene daspò
 che le sea morte le g’harà el fiò.
 Mo que consa no pò
 far i biè viersi al mondo, se gi ha forza
 tegnir viva queliè sotto na scorza?
30Igi rompe per forza,
 tempo lovazzo, i tuò dente affamè,
 e sbiassa pur, che te n’i magnerè!
 Quell’aneme beè,
 che cognoscea che sto nostro corbame
35torna sì presto in terra a far loame,
 catté sto bel ligame,
 che ne strenze col mondo in tant’hanore
 c’haon parte in agno lengua e in agno cuore.
 Mo que consa no muore?
40que no va in deroina? que no passa?
 da quel bon lome in fuora, che se lassa?
 Se la sletra xe massa
 o che te sipi stracco, Menon frello,
 no scriver pi, va’ miti zo el cortello.
 
 
 11
 Al so caro Begotto, el Magagnò
 Canta, Begotto, e laga dir agnon,
 perqué l’invilia no morirà mè.
 N’ha pi poer la snaturalitè
 che no g’ha centomilia slibrazzon?
5E se ’l piuove zò c’hagon de bon
 zo da le stelle, che par chi indorè
 che messier Giesondio g’habbia fichè
 per i cantile del so bel cason,
 perqué no puòto ti, s’ti è ben sartore,
10far, in quel tanto che te fe un gaban,
 viersi che ’l n’i farà gnanch’un dottore?
 E se ben te favielli da pavan,
 no puòto darghe cossì bon tenore
 con farà ’n altro a fargi in pulitan?
15Mo chi è quel bon sletran
 che no confesse, se ’l vuol dire el vero,
 che la Snatura insegna sto mestiero?
 Bensà ch’Andrea de Viero,
 che per un bollettin, per agno braga
20corre dal nostro preve che ghe ’l faga,
 perqué ’l è co è na baga
 sempre pina de vin, pina de bruò,
 che ’l sa nomè pacchiare e anar co i buò,
 no farà de quî tuò
25biè sonagitti e de quelle canzon,
 che tal fià te mandi al to Paron;
 mo el porà ben Menon
 far sberlar gi uocchi, e far strenzer i musi
 a pi de quatro de sti inviliusi.
30Canta, Begotto, e cusi,
 e con te scrivi a quel da ben segnore,
 ch’è de Vegniesia e de Tralia l’hanore,
 dighe ch’un penzaore
 se reccomanda a ello pi fiè
35che no g’ha pesce quell’acque salè.
 
 
 12
 Al Segnor Domenego Veniero
 Se ben te t’arecuordi, Magagnò,
 ’l è desdott’agni che te puorti in sen
 da le Vegniesie un to segnor da ben
 né mai el cassetto te t’he dezzulò.
5In mezo del to cuore a’ l’he logò
 con quella rebelientia purpiamen
 con se fa na requilia, che se ten
 in t’un bel vero c’habbia el pe indorò;
  e ben che te no g’habbi el to magon
10sì stralusente e te no sipi a pe
 da Ca’ Veniero al to caro Paron,
 el pì ben vêr la zuogia che te g’he,
 e ’l gran piasere e la slegracion
 che ’l sea guario de quella infirmitè;
15e se te me dirè:
 “Se ’l è sì aluonzi, a que muò xel con mi?”,
 que suogie mi?, basta che ’l è cossì.
 A’ te vuò dir an pi
 che con quel puoco ch’a’ so spegazzare
20incima a un muro a’ ’l saverae mostrare.
 E in prima a’ vorae fare
 le cegie e ’l viso da ’n Imperaore,
 con quî biegi uocchi nigri co è do more,
 e an de quel colore
25farghe du mustacchiuotti sotto al naso,
 e po del resto co ’l foesse raso.
 La so pelle dasquaso
 del color che da i libri ’l ha pigiò,
 per tanto tempo che ’l g’ha strolicò.
30A’ l’he cossì ficò
 in lo to cuore, che col to penello
 te ’l farissi parer purpiamen ello.
 O Agnol Ruffiello,
 che no viéto a guarir no miga gi uogi
35ma i suò piè, le so gambe e i so zenuogi?
 O Dio, perqué non hogi
 el muò de darghe la so sanitè
 con ’l iera quando a’ g’havi so amistè?
 Sti viersi sdaldorè
40g’ha el me sperito e mi, Paron me caro,
 a’ v’i mando in la scorza d’un salgaro.
 Quel vostro Sbadoaro,
 co ’l torne imbassaore da quellù
 che serà Imperaor se ’l muor questù,
45pregonlo tutti du
 che ’l no meta la vita in arbandon
 per farse mal a ello e ben agnon;
 ch’un celibrio, ch’è bon
 da governar sto mondo e zò che ’l ha,
50no nasce in millant’agni una fià.
 Deh, fè che ’l staghe a ca’,
 che ’l cancaro a i Toischi e a i Spagnaruoli,
 imbriaghi, slutrani e mariuoli!
 La femena e i figiuoli
55me chiama al desco, on fuma i macaron.
 Moa no pi zanze, Die v’aì, Paron.
 
 
 13
 Al Segnor Valierio Chieregato Capotagno de Cavaggi
 S’a’ stopinava e fasea fusaruoli,
 quando ch’a’ sentî a dir, caro Paron,
 ch’un sier Piero Strazzò fasea costion
 con quî Toischi e con quî Spagnaruoli,
5el lo sa la me femena e i figiuoli,
 ch’a’ i faseva star sempre in zenocchion
 perché da quî slutrani e imbriagon
 a’ scapolassi, e da quî mariuoli.
 A’ no v’arecordè, Paron me bello,
10quando a’ disivi a quel spirto benetto
 del conte Marco sì bon colonello
 che, se ’l haesse el celibrio in assetto,
 el tornerae a Roma a vêr s’an ello
 poesse chiapar suso un capelletto?
15che fuorsi el poveretto
 seanto ricco, snobele e sletran
 ’l harae possù cossì pian pian
 vestirse quel gaban,
 che fo de quel bon viegio pescaore,
20e a i suò Thiene far maor hanore
 ca deventar segnore
 de mille biestie, che se laga a ’n paro
 menar, con se fa i manzi dal beccaro.
 Disìme, Paron caro,
25que sorte de nemale g’hiu vezù
 mazzarse un l’altro, co a’ fagon tra nu?
 E cierti turlurù
 no me vuol crêre po che nu sean
 pezor che n’è i cengiari e che n’è i can!
30El serà un cristian
 nassù in la Tralia, che per siè marciegi,
 quando a’ dessan volerse ben da friegi,
 con s’amazza gi osiegi
 anarà per mazzare el so vesin,
35e piezo po che ’l deventa assassin?
 Deh, dîmme un pocchetin,
 crivu mo che ste zente con l’è morte
 le vaghe in Cielo o ’l Trentapara i porte?
 Mi a’ cherzo che la Morte
40sea el purgo de sto mondo, e la Snatura
 supie con ’l è l’ortolan che l’orto cura,
 e inchin che ’l mondo dura
 la guerra, le petecchie e la giandussa
 partirà le castagne da la gussa,
45da le ruose la russa
 e da l’uoio el fromento, e quel cavò
 serà d’ogn’hora, e st’altro somenò.
 Chi s’harae mè pensò
 ch’un homezzuolo, ch’è nassù a Vicenza
50per arnovar d’i santi la somenza,
 romagnisse mè senza
 quel so bon desidierio maregale,
 che zoa a tutti e a negun no fa male,
 e che vestio d’azzale
55con tanti biè cavagi e bella zente
 anesse a dare a chi no ghe fa gniente?
 Qualche vostro parente
 o un qualch’amigo hassé possù amazzare,
 c’haessé vogiù poerlo arsuscitare!
60Anève a confessare,
 che ’l serà ben un aseno e un castron
 chi ve darà la so benission.
 S’a quel zaffo poltron,
 perché san Piero in l’orto ghe tagié
65nomè na recchia, Cristo ghe crié,
 crezìmelo a la fe’,
 se ’l l’amazzava, che ’l vegnia passò
 de fuora con fo Giuda desperò.
 Quando l’homo è sforzò
70a guarentar la villa e la so ca’,
 on ’l ha i suò campi, i figiuoli e l’intrà,
 el pò in quella fià
 comprarse un celadon e un corsaletto
 e anar con gi altri a dar fuogo a ’n schiopetto;
75mo se per bel deletto
 el vuol deventar bogia o far grignare
 quî ch’è pigegamuorti, i preve e i frare,
 n’èl matto da ligare?
 Sì a la fe’, Paron bello, ben ch’a’ so
80che vu per questo no ghe sì zà stò,
 ma per poer daspò
 saer que consa è guerra, e poer dire:
 “A’ sè que supia el ben, que sea el paire”.
 Per rivarla de dire,
85n’anè, caro Paron, pi via da ca’,
 che vegne el mal del cancaro a i soldà!
 Fè che ’l sea cercenà
 el vostro desco de virtuliusi
 e fagon po la vita ch’a’ sen usi.
90Que ha da far gi archibusi
 co i sigoluotti, i slibri e con le sliere?
 Quigi n’amazza, e quisti dà piasere.
 A’ vuò vegnirve a vêre
 e impir l’avò c’ho fatto azzò che vu
95tornassi san e salvo a star con nu.
 
 
 14
 A Tuogno Duracin da Fiorenza
 Dasché ti è morto, caro Tuogno frello,
 el to dugo, la ferla e le panelle
 supia el preve, la crose e le candelle,
 e un qualche bel frascaro el to lisello,
5e Menon te g’appete un scartabello
 che dighe po che per contar noelle
 e far d’i carniruoli a dindarelle
 o na beretta o un qualche bel capello
 t’ieri el primo homo, che sea mè nassù;
10de muò che la to lengua a sfiabezare
 e le to man per bragagnar velù
 da chi sa ben cosire e ben zanzare
 serà laldè per chin che sea sentù
 le piegore e gi agniegi a sbezerlare.
15E se ’l se va a piggiare
 zorle e grolon là su in lo Paraiso,
 te farè agn’homo sganassar da riso.
 Tuogno frello, el m’è viso,
 dasch’a’ son romagnù senza de ti,
20che ’l sol sea asconto e che ’l no lusa pi.
 Barba Andrea ven da mi
 co gi uocchi russi e le palpiere muogie,
 e priega sempre la Morte che ’l tuogie;
 e sì a’ cherzo che ’l vuogie
25sarrar su la bottega ancuò o doman,
 e no tuor pi velù né gucchia in man.
 Tuogno, s’un cristian
 g’ha pi poer de dir el fatto so
 quando ’l ha tirò su el drean fiò,
30aldi el to Magagnò,
 che vorae pur saer quel che se fa,
 quando el s’è muorti, in quel mondo de là;
 perqué, se ’l fumo va
 in su a so posta, que rampin, que anghiero
35tirerà un sprito in zo, ch’è sì leziero?
 Frel caro, a’ me despiero
 sentando dire a i frare che ’l gh’è un luogo
 sotto a la terra che xe pin de fuogo
 e che ’l diavolo è un cuogo
40che taggia in piezzi, e sì mette a broetto
 un che s’habbia cavò qualche petetto.
 Se ’l to sprito benetto,
 Duracin frello, me porta pi amore,
 fa’ che ’l vegne a zanzar con mo do hore,
45che ’l gaban pin de fiore
 agn’anno, frel me caro, pur ch’a’ possa,
 a’ vorò sparpagnar su la to fossa.
 Cancar, a’ la g’ho grossa
 la lana e longa, e sì he del turlurù,
50mo ti n’andreto ananzo artanto in su?
 Quando fo mè vezù
 un morto che tornasse pi chialò,
 se qualcun no se l’ha mo insuniò?
 Zà che ’l fuogo no pò
55se nomè nare a longo el caenile,
 né artegnirse la pioza in sul fenile.
 Quel celibrio setile
 de messier Giuorio, me caro Paron,
 me solea spruologar de ste rason.
60Orsù, in colusion
 a’ posson dir che, quando l’homo è morto,
 ’l è da manco che n’è l’herbe ch’è in l’horto.
 Chi vuol dir c’habbia torto
 guarde l’aneo, che guanno fo tagià,
65che pi bello ca mai ’l ha rebutà.
 Ma quando una fià
 un muor, per sbravo o per sletran che ’l sea,
 el roman po un loame o un puo’ de lea.
 Sèto quel ch’a’ volea
70dir, Tuogno frello, in sta me scrivaura?
 Che, s’a’ nascen d’un puo’ de calcaura,
 a’ g’ho na gran paura
 che, quando a’ g’hon tirò na fià i slachitti,
 a’ sean co è le piegore e i cavritti,
75e che i biè sonagitti,
 le statole e na qualche bella stuoria
 sea stè cattè per far de nu smelmuoria,
 e che l’hanor, la gluoria
 sea el Paraiso e tutto quanto el ben
80che s’apparecchia a gi huomeni da ben.
 Se la xe mo altramen
 co a’ cherzo mi, ch’a’ son bon cristian,
 e con dê crer chi n’è piezo ch’un can,
 quî che se guagna el pan
85col so suore, con dise un sprefetta,
 serà po in Cielo segnore a bachetta,
 e la schiatta maletta
 de gi usurari si anarà a zapare,
 che ’l mal del lango i possa degorare.
90S’a’ tendesse a fiabare,
 doman a st’hora a’ no g’harae compio.
 Moa, no pi, Tuogno frello, sta’ con Dio.
 
 
 15
 Recitò dal Magagnò daspò un spruolico de la sfelicitè de l’anema fatto dal segnor Mario Repetta.
 Doh, el cancaro a i Restuotele e a i Piaton!
 Dîmme, cara brigà, chi è quel de vu
 che g’habbia quel bel spruolico intendù,
 c’ha fatto messier Mario, me Paron?
5Potta, mo gi è pur stè i gran macaron
 quî filuorighi antighi, c’ha crezù
 saer que fa Domenedio là su,
 e con sea fatto quel so bel cason;
 e que lume sea quelle, che se vé
10de notte in cielo, e ch’uolio e che pavero
 le ga che mè le no s’habbia fruè;
 e se ’l sole sea un cirio o sea un dopiero,
 che fa luse a la luna e a zò che g’è;
 e chi sea quel valente carrattiero,
15che sempre in t’un sentiero
 el carreza sì presto incerca al mondo,
 ch’i vuol che ’l supie con xe ’l cul d’un brondo,
 e che, purpio segondo
 che caze zo la piozza, ch’arvegnire
20fa l’herba, che dal secco vuol morire,
 che ’l suogia anche caire
 dal cielo in nu quel che ne fa arfiare,
 quando a’ semo in la panza a nostra mare;
 e c’hagon puoco a fare
25co i luvi, con le piegore e co i buò,
 se ben a’ g’hemo la carne a quel muò.
 Né solamen ancuò
 he sentù a dir de ste su fantasì,
 ma sti sletrani n’in dise agno dì;
30mo i se le fa in su i dî,
 e sì trà a indivinar, ché con la sta
 chi le g’ha fatte solamen si ’l sa.
 Mo no è matto spazzà
 un che vuol crer d’intender e saere
35quel ch’è sì aluonzi e che no se pò vêre?
 Parlon per el devere,
 digon de quel che se perten a nu
 e lagon star quel ch’è da i cupi in su.
 N’haìu mai vezù
40a nascere e morir in te le stalle
 vacche, buò, puorci, aseni e cavalle?
 Mo ben, da sti anemalle,
 quando a’ nascemo an nu e ch’a’ moremo,
 disì: que difenientia ghe vezemo?
45E se no che g’haemo
 questa bona speranza e sti confuorti
 d’haer del ben quando ch’a’ seron muorti,
 sti trominti e sti tuorti
 co i poessan pair, ch’a’ sen stentè
50pi ca le biestie, che n’è battezè?
 Chi è manco apresiè
 de nu sopierbi, se ’l se vé agno dì
 che d’un homo un caval se vende pi?
 Nu a’ sen su le galì
55tegnù in caena per farne vogare,
 ch’è piezo assè ca sotto un zoo tirare;
 e sì a’ vezon squartare
 i nuostri slimbri co se squarta i buò,
 ch’almasco, con gi è muorti, i fa bon bruò,
60e gi huomeni co i suò
 dinari e col tegnirse sì valente,
 quando gi è muorti i n’è buoni da gnente.
 Fuorsi un dottor cellente
 dirà: “Sto to fiabar no g’ha del bon,
65ché l’homo parla, e s g’ha la rason”.
 E mi dirò: “O menchion,
 n’heto sentìo ch’una gazzuola an ella
 domanda de la supa, e sì favella?
 La me Doviga bella
70si g’ha un striolo, ch’a’ ’l suogio sentire
 dir tal parola, che ’l me fa stopire”.
 Te me porissi dire:
 “Se ben el rasona, el no g’ha miga drento
 del so celibrio sì bon scaltrimento!”
75E mi dirò: “Dosento
 anemale indivina e sa far quello
 che gnanch’un homo no ’l porà far ello.
 Quel so tanto cervello,
 dîmme un pochetto, in que consa el ghe vale
80se nomè a far (pur che ’l possa) agno male?”
 A’ devento un stivale
 a dir che sti sletrani vuogia che
 quî, ch’è sì male bestie, arrive mè
 a la sfelicitè
85che no se catta al mondo, e la so ca’
 xe in Paraiso a i buoni aparechià.
 Chi cre catarla qua
 g’ha n’apetetto, che mè no g’armola,
 ben che ’l supie imbugò chin a la gola.
90Messier Piero Viola
 favelanto con mi l’altra matina
 el disse che la sletra e la drotina
 è stà la deroina
 de tutti quanti gi huomeni, perqué
95parte la ne fasea matti spazzè
 e parte scozzonè:
 i matti è quigi, che co i slibrazzon
 n’ha intrigò el cao con tante pinion;
 i cavistri e i giotton
100si g’ha fatto i stratutti e n’ha chiapò
 la roba e ’l sangue e ’l sperito e ’l fiò.
 El me disse daspò
 che la Snatura, nostra cara mare,
 se de sto fango l’hesse possù fare
105nemale che durare
 hesse possù a sto mondo sempre mè
 senza morir, che la i fasea a la fe’;
 ma vezanto mo che
 i vegnia viecchi, la disse: “No, no,
110lagame far, ch’a’ ghe provezerò”,
 e de fatto ivelò
 la fé a tutti na femena, e ghe messe
 l’amor de mezo, a zò ch’i se galdesse
 e che a sto muò i vegnesse
115a rebuttare e far con fa i fasuoli
 che un pare si farà cento figiuoli,
 le zucche de i zuccuoli,
 e così l’altre conse ch’è nassù,
 sì fattamen ch’a’ son chiarìo puuh.
120Mo no ’l vezemo an nu
 ch’a’ zermuogiemo inanzo ch’a’ moron
 sì fattamen che mè a’ no mancheron?
 E se la possession
 de sto mondazzo, con zò che gh’è drento,
125n’è stò dò a lavorare e in galdimento,
 quel che se vé contento
 e cre sora de gi altri esser beò,
 fèl trapanare o fèl tegnir ligò.
 Per certo a’ crezerò
130che un homo, che se vuogia contentare,
 possa pur qualche puoco arepossare.
 S’hesse da lavorare
 quatro o siè campi e un puo’ d’un casonzello,
 a’ no torave el Doxe per me frello,
135perch’a’ farae de quello
 che fa el Begolo, che manda in piazza
 agno dì un col de verze, e sì el le spazza,
 e a sto muò el vive e sguazza,
 e sì ghe fa pi pro magnar un pan,
140che no fa a ’n ricco un lievore o un fasan.
 O aventurò ortolan,
 che de salatte. puori e ravanieggi
 te mantien la to femena e i puttieggi,
 e mi me fruo i cervieggi
145in far de i sonagitti e spegazzare,
 e a mala stente a’ guagno el me magnare!
 Ti è adesso in sul bruscare
 e seanto ivelò sul to scalon
 te fe in l’àiere anar le tuò canzon.
150Guarda che ’l to magon
 no supie pin de lagni e de pensieri,
 con g’ha i dottore, i conte e i cavalieri!
 Fa’ pur che i baroieri
 comandaore, gi occatti e i noari
155del to borsatto no cave i dinari,
 che pi ca gi usurari,
 pi ca l’Imperaore e pi ca so
 figiuolo e pi ca tutti ti è beò.
 Con te g’habbi bruscò
160e che cantando po te turni a ca’,
 te catterè el to desco parecchià,
 el petetto serà
 el to famegio e ’l bon pro col sa bon
 serà le tuò megior sconfecion,
165e incima d’un scagion
 te curerè de i ravi, e sì darè
 sonda a i tosatti, che te grigna a pe,
 e po te t’alzerè
 el boccale a la musa senz’haere
170paura che qualcun, che cerca e spiere
 d’esser ello el messiere
 e galder quel reame, che t’he al mondo,
 g’habbia butò del tossego sul fondo;
 e intanto un linzuol mondo
175la femena t’asìa perqué te puossi
 colgar i slimbri affaighè co gi uossi,
 e po cavar quî fuossi
 de la possession che la t’ha dò,
 e far quel che la Slieza ha comandò.
180O viver consolò,
 o de gi huomeni vita pi beà!
 Tuogie, chi cerca altra sfelicità.
 
 
 16
 Al Magnifico Segnor Daniel Barbaro
 Quando ch’a’ g’havi, caro Bonsegnore,
 lagò la bella villa de Noventa,
 a’ me missi a cantar drio de la Brenta
 con fa quelù, ch’è sbolzonò d’Amore.
5“Sienti, fime”, a’ disea, “sienti l’hanore
 ch’a sbrega bocca el me cuor te presenta,
 e fa’ che la to acqua un bruò deventa,
 che de la malbasa supia megiore,
 e ste belle herbesine e sto sabion
10para purpio quel oro e quelle pri,
 ch’i revese si ten su i suò balcon;
 i tuò salgari, gi albari e le vi
 sgozzole miele, che supie pi bon
 de quel ch’arsuna l’ave tutt’el dì;
15perch’adesso te sì
 arvisitò da ’n pi maor sletran
 d’agno grigesco e d’agno tralian.
 Dal dì che barba Dan
 con la mea Dieva sentì quel dolzore,
20c’haea sotto a la miele l’incendore,
 filuorico maore
 no fo mè d’ello al mondo, né serà,
 e vegnaghe chi vuol pure e chi sa.
 Quel pre Cecco d’Arquà,
25che per un cantin de tutto tondo
 ’l è stò el maor de sto roesso mondo,
 no pescava sì a fondo
 con fa el me Bonsegnor che, quando el ven
 su ste to rive, el canta tanto ben
30che ’l to correr s’arten,
 de muò che i barcaruoli a nar in zo,
 che te vé star con te fussi agiazzò,
 biastema quant’i pò,
 e i tiraore in te ’l vegnir in su
35si lalda Dio perch i ven via puuh.
 Mo no l’hente sentù
 chialondena a cantar per que cason
 el trà el schiantizo e po la sita e ’l ton,
 e ven la malision
40de la tempesta, che ’l mese d’aosto
 m’ha ruinò, m’ha tolto el mégio e ’l mosto?”
 Ma a vu, Paron, m’accosto,
 e s a’ ve vu drezzare el sigolotto
 inchin ch’a’ rivo sto me sonagiotto.
45Me sea cavò un bagotto
 s’a’ no volesse galder anca mi
 quel gran bon tempo, Bonsegnor, ch’a’ g’hi!
 A’ ve viti quel dì
 in t’una ca’, ch’è tutta ben dobà,
50e mi a’ stago in t’un chiosso despassà;
 ché, segondo che fa
 le cesiole un puoco d’un niaro,
 purpio così fa un puovero boaro:
 elle al fime e al pagiaro
55zola a tuor d’i festughi e de la lea,
 e nu cogion d’i legni e de la crea,
 e senza barba Andrea,
 che g’ha s dertamen insegnolò
 quel bel Svetrulio, ch’a’ g’hi deschiarò,
60el se vede ivelò
 in pe de fierri ovrar le man e ’l becco,
 e la Snatura che xe l’archetecco.
 Ta de Domenestecco,
 che deffenientia xe, caro Paron,
65da vu a mi, da ’n pallazzo a un cason!
 Vu sì insio del pi bon
 parentò de Vegniesia, che ’l se sa,
 e mi d’un pover’hom da Sette Ca’,
 che gnan ello no g’ha
70in la smelmuoria que nagia è la soa;
 ben ch’a’ cherzo, Paron, potta de Doa,
 se d’un verro e na scroa
 ’l è nassù tutti i puorci, che ’l sea chiaro
 ch’an nu sen tutti pumi d’un pomaro;
75ma chi è stò bon massaro,
 c’ha sapìo tuorse presto da la zappa,
 i suò è stè primi Imperaore e Pappa;
 e se ben qualcun frappa
 e cre d’esser un Doxe perché ’l ha
80una pelle de piegora bolà,
 ’l è matto, e sì è infià
 del vento, che ghe supia su dal naso
 la Sopierbia maletta e Satanaso.
 Mo chialondena a’ taso
85de chi fra i buoni ven, con fa in le spighe
 luogio, russe, vezzon, broegia e ortighe,
 ché ’l besogna ch’a’ dighe
 de vu quel che me tira el snaturale,
 e a pe del vostro ben dirghe el me male.
90Vu g’hi cambare e sale
 pine de slibrazzon miezi fruè,
 perché sempre a’ i tegnì scartabelè.
 Quisti si è stà inditè
 da i struolichi, che fo zà millant’agni,
95che notte e dì ve scusa per compagni.
 La sea xe i vuostri pagni,
 che ve cuovre anche i muri, e ’l vostro letto
 se vé tutto indorò, lioso e netto.
 E in ca’ mia, poveretto,
100gh’è nomè strazze, versuri e arpegare
 e un puo’ de pagia d’anarse a colgare.
 A’ ve viti a magnare,
 e sì a’ vossé, Paron, ch’an mi pescasse
 in l’ariento e che con vu a’ magnasse,
105columbi e quagie grasse
 e certe conse megior ca brasuole,
 ch’è altro ca magnar fava e ceole
 e pan rosso, che tuole
 la fame a vêrlo solamen s’un desco
110senza toagia, incalzinò da fresco.
 Vu g’hi del vin grigesco
 e de racente, e de dolce e mauro,
 e a mi l’acqua me lava el giotauro.
 Paron caro, a’ ve zuro:
115se no fosse el me can che me porzesse
 da bevre, a’ no so miga chi m’in desse.
 S’a’ dissé ch’a’ poesse
 farm’in dare a la femena, co a’ fè
 vu da quelor che ve sta a cerca in pe,
120crezìmelo a la fe’
 ch’a’ n’ho un servisio mai da me mogiere
 nomè quel dì ch’a’ g’ho fatto el devere.
 E se tutte le sere
 ch’a’ son stracco e affenìo dal zapponare
125anch’in letto a’ desesse lavorare,
 a’ me porae amalare
 e lagar senza pare i miè tosatti,
 che va per ca’ ch’i par siè gazzolatti.
 I preve n’è stà matti
130che per haer tutto el so ben compìo
 i n’ha vogiù che per negun partìo
 né messier Giesundio
 né la zente del mondo si g’attache,
 col far sposego, femene a le lache:
135quando i vuol de le vache
 el no gh’in manca, i n’ha megior marcò
 che no s’ha el sabo de carne de bo.
 A’ ve lago chialò.
 Stè su derto, Paron, stè in alegriesia
140inchin che ’l morbo va via da Vegniesia.
 
 
 17
 El n’è mai dì, che ’l no me vegne rotto
 quanto celibrio e quanto cao ch’a’ g’ho,
 perch’Amor co na putta m’ha incalmò,
 con s’incalma i figari, a sigolotto.
5Mo s’a’ n’haesse vezù el so bel musotto,
 i caviggi indorè, gi uocchi de bo,
 el sen, che par latte nomè arpigiò,
 no saravegio piezo ca un merlotto?
 Mo a’ cherzo ben de sì, perqué l’Amore
10è quel che drezza agno bon snaturale
 e d’un boaro el pò far un dottore.
 L’Amor se ficca in tutti gi anemale,
 e consa fatta senza el so saore
 xe na panà senz’uolio e senza sale.
15Le mosche e le zenzale,
 puorci, can, bichi, cavre e zò che gh’è,
 tutti quanti d’Amor ven sbolzonè.
 No se catta apetè
 inchinamen i polze? E chi gi apetta
20se no l’Amor, ch’è na consa benetta?
 Sfendaura sì stretta
 no se pò vêr, né buso sì appassà,
 ch’Amor, se ’l vuol, no l’habbia destropà.
 El no farave zà
25tanti furti la terra e pesse el mare,
 s’Amor, che fa agno consa inamorare,
 no s’anesse a ficcare
 di gi herbole e de l’herbe in le raìse,
 e in la panza di pesse e in le baìse.
30Potta mo, no se dise
 che ’l se ficca in le cape e in quî bordiegi,
 che, con l’è cotte, s’avre co i cortiegi,
 e tal botta i martiegi
 s’uovra a magnarle, tant’èlle tegnente,
35e Amor se ghe cazza entro da valente?
 Mo el dirà un sier sacente,
 un spisimoso, che no dê poere
 tender a mala pena a so mogiere:
 “Te par che ’l sea el devere
40ch’un pover’hom, che xe malarivò,
 fuora del so cason sea inamorò”
 A’ ghe responderò:
 “Sì, menchionazzo, sèto mo perqué?
 El fo innanzo a i marì gi inamorè,
45e per inchina che
 vegnerà el finimondo, che sarà
 quando agno consa sea desnamorà,
 sempre se catterà
 viecchi, femene, putte e fantuzzatti
50c’harà rostio d’amore el cuore e ’l batti”.
 Mo no saggi, sti matti,
 ch’altro è l’amore, che se dê portare
 a so mogiere, a i figiuoli e a so pare,
 de quello che tirare
55ne fa el celibrio, el cuor, la coraella
 drio a qualche putta, che ne para bella?
 Con pi la se crivella.
 el se vé chiaramen ch’a’ g’ho rason,
 e chi cre altramen xe un gran menchion.
60Me barba sier Cenzon,
 ch’è frello de la mar de me mogiere
 e che sa quello che se pò saere,
 me disse zà do sere
 che le mogier se dê tegnir in ca’
65co se ten purpio la carne salà,
 ché, con l’homo no g’ha
 que far colation, que far da cena,
 se ’l vuol onzer le croste e la molena,
 el corre a la mezena
70o che ’l tagia un peccosso, e livelò
 el la fa el pover’hom miegio che ’l pò;
 e se ’l volesse mo
 magnar sempre na consa e no muare
 menestra, el se porave amagonare.
75“T’he vuogia de fiabare”,
 dirà qualcun, “Se to mogier volesse
 ar a sto mu, a’ no so se ’l te piasesse!”
 Cancaro a mi s’haesse
 fastibio de sta consa! E sea castrò
80s’a’ ghe disesse gniente, madenò!
 Mo que viver beò
 serave al mondo, se no se guardasse
 a sta mattieria, e che ’l se scomenzasse
 far ch’agno consa anasse
85a squarzafasso, e tutti per comun
 staganto de brigà tegnesse a un!
 El no sarae negun
 che se volesse male, e tutti quanti
 starae sempre in amore, in zuogia e in canti.
90Oh, que viver da santi,
 que piaser senza fin e senza fondo
 serae in quella fià star a sto mondo!
 Ma ’l è con disse Dondo:
 le male usanze fa col longo anare
95raison, che se stenta po a cavare.
 Co ’l se ven sul criare
 e dir: “Questo si è to, questo si è me”,
 a’ seon muorti, a’ sen deroinè.
 Quel pochettin che gh’è
100de bon al mondo nasce da l’Amore
 che mette zintilisia in t’agno cuore.
 A la so gluoria e hanore
 cossì cant na botta el Magagnò
 de la so bella Viga innamorò.
 
 
 18
 Al Segnor Andrea dal Fossò
 Mi, ch’a’ son un sbrissagio e na quintana
 a quante lanze e a quanti vereton
 pò rompere e sittare in t’un magon
 la Fortuna sbecìa, burta putana,
5l’altro diazzo a’ tussi in man la canna
 con gi ami e l’esca de le mie canzon
 speranto, s’a’ pescava in te ’l Reron,
 d’impir la zucca e far bona piana;
 e in te quel ch’a’ me strucco e ch’a’ me lagno,
10seanto pin de duogie e apimentò
 ch’a’ no senta tirarme in te l’argagno,
 a’ me trié a bo da fuora a pe un fossò
 c’haea l’acqua che parea de stagno
 o de piombo che sea descolò;
15e perché a’ g’hea pescò
 con puoco guagno in tanti fime gruossi,
 a’ dissi: “A’ vu provar anche in t’i fuossi,
 che ’l cancaro in t’i gi uossi
 e in te le polpe al primo che cattà
20sto me mestiero da perdizornà!”
 E co a’ g’havi inescà
 l’amo e coverto ben sotto al bissuolo,
 a’ ’l trié zo al nome de san Tubiuolo,
 e de fatto el canuolo
25ven strapegò, e mi tiro, e in lo guaello
 a’ pigié un pesse grande co è un puttello;
 e in te quel ch’a’ sbrefello
 gi ucchi a guardarlo, che purpio el parea
 d’ariento, d’oro, de velù e de sea,
30al sangue de me mea
 ch’a’ ’l sentî, co ’l foesse un cristian,
 favellar a sto muò pian pian:
 “O puovero villan,
 ’l H pur de gi agni deseotto e pi
35che te pischi in ste acque tutto ’l dì
 e per inchina chì
 con la pasta, con gi ami e con le re’
 te n’he mai piggiò pesse purassè.
 E sèto mo perqué?
40’L è con disea Begotto me compare:
 chi n’ha ventura, no vage a pescare.
 A’ t’he vezù passare
 dosento botte, e anar inanzo e indrio
 preganto sempre messier Giesondio
45ch’a qualche bon partio
 te vuogie aiare e haer compassion
 de tanti tusi, che te g’he al galon,
 de tal muò ch’a’ me son
 inmaghin de pigiar la somegia
50d’un luzzato, d’un barbio o d’una streggia,
 inchin ch’a’ m’inroeggia
 in t’un de i tuò tramagi, o veramen
 ch’a’ ingiota st’amo, che chialò me ten.
 E s’te n’intendi ben
55quel ch’a’ te digo, cavamel de bocca,
 che ’l è quel che me fa sta ose roca”.
 S’a’ romagniti un’oca,
 quando a’ ’l sent a parlar co a’ fagon nu,
 no me stè a dire, imaghinèvel vu.
60Haìvu mai vezù
 consa, che fa che ’l pelo se ve drezza
 co ’l fa a ’n porcello su per la coezza,
 e par ch’un ve scavezza
 in tutti du i zenuocchi e, s’a’ volì
65criar alturio, a’ no poì?
 Così a’ romasi an mi.
 Pur a’ fié cuore e in prima a’ ghe cavié
 l’amo de bocca, e po a’ ghe domandié
 pi de quanranta fiè
70che ’l me volesse perdonare, e ello
 disse grignanto: “A’ te vuò ben da frello.
 Dimme pur tutto quello
 che te g’he de besogno, perqué ancu
 te g’harè quella gratia che te vuò.
75E mi, ch’a’ n’heva el muò
 de dar a i stampaor quî sonagitti,
 che pò impirme el borsatto de marchitti,
 a’ dissi: “Quì versitti,
 che solea zà cantar barba Begotto
80e Menon, c’ha sì dolce el sigolotto,
 se perderà de botto
 se vu, Segnor, no fè ch’a’ possa anare
 dal Precacin a fargi torcolare”.
 E staganto aspettare
85che ’l me responda, a’ guardo e vezo che
 ’l ha lagò lì le suò scagie indorè,
 e ch’altro no se vé,
 se no ch’a’ sento un bombio, ch’ense fuora
 de l’acqua e un dirme: “Sta’ con la bon’hora”.
90A’ no viti quell’hora
 de tuor su la so pelle, ch’iera zà
 in tanti biè ducatti tramuà.
 Quest’è la verità
 a la fe’, Paron bello, e quando vu
95a’ g’hi vuogia de vêr chi fo quelù,
 un dì, ch’a’ sipiè in su
 le rive de quel caro e bel fossò,
 concève su quell’acqua e guardè in zo.
 
 
 19
 Sonagietto del Morello al Magagnò
 Volta e arvolta, l’ha pur rivò el voltare
 quella so rua la Fortuna maletta,
 che dà in sto mondo a tutti la so stretta
 sea chi se vuogia, e negun pò muzzare.
5Te può mo al so despetto trionfare,
 dasché t’archiapi an ti, d’in la cassetta
 de la Cadiemia, agno dì na gazetta,
 e fuorsi an manco, col to spegazzare.
 Gi è pur puochi, Maganza poveretto.
10Sèto perqué? Perqué ti è da Vicenza,
 che i cre darte un ducatto co un marchetto.
 Perqué a ca’ soa negun sprefetta è acetto,
 ché, s’te fussi da Roma o da Fiorenza,
 i torae la to merda per zobetto.
 
 
 20
 Resposta del Magagnò al Morello
 Ben ch’a’ g’habbia, Moratto, altro che fare,
 perqué sotto a na puovera casetta
 con siè figiuoli me mogier m’aspetta
 ch’a’ ghe porte qualconsa da magnare,
5a’ vuò dal chiò la piva destaccare
 e po dal polverazzo farla netta,
 ch’a’ cherzo che ’l sea un anno a la fe’ dretta
 che i carraor no me l’ha aldù a sonare.
 Mo chi n’ha pan e c’ha vuogio el borsetto
10e che no catte chi ghe daghe in crenza,
 con poràlo mè fare un sonagietto?
 Quando me mare m’hesse fatto senza
 quel che i Zodì ghe taggia el capelletto,
 o quî pendagi, ond’ense la somenza,
15se ’l to soran scomenza
 qualche bel verso, an mi col me tenore
 harae possù zaramellar tre hore.
 Mo un puover penzaore,
 che n’habbia gniente al mondo se nomè
20zente, che ’l magnerave ello e chi ’l fé,
 ’l è na biestia a la fe’
 se ’l vuol lagar d’impenzere e guagnare
 per voler perder tempo a sonaggiare.
 Te può ben ti cantare
25quanto te vuò, perqué, Moratto frello,
 te curri al desco a son de campanello.
 Hivu mo habbìo cervello
 vu altri preve, cancaro ve magne?
 A’ n’hi vogiesto de quelle lasagne,
30che negun v’accompagne
 con quel mallanno e quella malission
 d’haver sempre na femena al galon;
 mo a’ fè per gi cason
 de nu bracente e puoveri boari
35quel che fa el cucco in t’i gi altri niari.
 O preve lusurari,
 besognerae, quando el nasce un de vu,
 farve capon, cavarvi tutti du!
 Moratto, a’ son insù
40un puoco massa fuor del somenò
 e perzontena a casa a’ tornerò.
 La Cadiemia m’ha dò
 agno dì per lo manco un cavallotto,
 de muò che miegio è pur pan e quagiotto
45che no xe pan biotto.
 E a pe d’i tron, che xe squasio dosento,
 sti segnore me dona an del fromento.
 E per quanto ch’a’ sento
 e che de chiaro a’ cognosso ch’i ten
50un gran conto de gi huomeni da ben,
 sto feverar che ven
 a’ spiero che le cose passerà
 sì fattamen che i tusi trionferà,
 e mi in quella fià
55fuorsi a’ torò sì ben la piva in man
 ch’a’ farò invilia a quanti è in sul Pavan.
 Ma son pur an villan.
 Que posso haere el pi maor guadagno
 ch’esser d’i miè paron squasio compagno?
60E che, quando a’ me lagno
 che ’l me pianotto me fa tanta furia,
 igi sì me conforta e sì m’alturia?
 S’a’ t’hesse fatto inzuria
 in dir d’i preve, sta’ sora de mi,
65el me Moratto, ch’a’ n’ho ditto a ti,
 ch’agnon sa che te sì
 pur massa un hom leale e compagnon
 e cima de maistro in far canzon.
 
 
 21
 Spatafio sora Begotto
 Barba Begotto è sepelìo chialò,
 che saea far gabbani e zupparieggi
 e sonaggitti, che mè fo i pi bieggi.
 Cancaro i magne, i mieghi l’ha mazzò.
 
 
 
 Sonagitti, sestrine, maregale, reculiani, matiné e spatafii de Menon
 
 
 22
 Tietta dolce, a’ te l’ho sempre fatto,
 e sì te vuogio far sempre mè hanore;
 mo a’ porto ben per ti tanto brusore
 in lo magon, che ’l pellerave un gatto.
5A’ giera in casa de Mattio Chioatto
 quando te me cavassi fuora el cuore,
 e sì a’ te zuro ch’a’ g’ho tanto arsore,
 ch’a’ farò assè s’a’ no devento matto.
 Deh, cara ti, mo dimme un poccotin,
10chi è quelù, che no te vuogia ben
 a vêrte avrir quel to dolce bocchin?
 Mo mi, co a’ butto gi uocchi inte ’l to sen,
 che d’esser pì ca un smalso molesin,
 a’ vago in gluoria secoloro amen.
15Certo verasiamen
 che per na putta, che supia da villa,
 ti è la pi bella, che sea in Sacco o in Pilla!
 Agn’homo dixe: “Villa!”,
 con t’intri in giesia, “questa è la Tietta,
20ch’è sì da ben, sì polia e sì netta,
 e sì no se sbelletta
 con fa taluna de st’altre smerdè,
 che vuol parere quel che le no xe”.
 Mo guarda mo que pe!
25Mo quella gamba, che t’impare, an
 Ghe n’è mo de sì fatte in Arcugnan?
 Oh, que brazzon, que man,
 mo que traverso, que schina, que spalle,
 que tettine reonde co è do balle,
30c’ha in mezzo quel canale,
 che, con la se tuol via el fazzoletto,
 coppe fiorin, chi n’anarae in broetto?
 Mo quel montisoletto
 con quelle galte, che par armelini,
35quelle recchie, quel naso, quî dentini
 bianchi co è fior de spini!
 Mo quigi uocchi inrazè, le cegie, el viso,
 par pur con quÎ rizzuotti el Paraiso!
 Mo con la trà po un riso
40e che la mostra quella so lenguetta,
 o que basarla o que tegnirla stretta!
 Dime, cara Tietta,
 se don te tocca el sole è così bello,
 com d’esser quel che t’he sotto ’l guarnello?
45Potta, fatt’a pennello!
 Mo per vegnire a la colusion,
 tutto zò che te g’he si è bello e bon.
 Mi mo tal qual a’ son
 a’ te domando questo solamen,
50che te contienti ch’a’ te vuogia ben.
 
 
 23
 Menon a la Tietta
 Tietta bella pi che no xe un zegio,
 pi fresca ch’una ruosa in sul rosaro,
 pi netta che da festa el me colaro
 e pi bianca che no xe un pavegio.
5Tietta dolce pi che ’l pan de miegio
 e pi liosa che no xe l’oraro,
 pi nia che na cazzola da muraro
 e pi lusente assè che no xe un spiegio.
 Tietta pi polia che n’è un paon
10e pi gagiarda che no xe un levriero
 e pi manpresa che no xe un falcon.
 Tietta ardia pi che n’è un spaliviero,
 habbi piatè de mi, puovro Menon,
 che per ti notte e dì sempre a’ sospiero.
15Oimè, ch’a’ me despiero
 quando ch’a’ sento dir che ’l Crivellaro
 de Campeello è ’l to moroso caro,
 e che lì al to secchiaro
 squaso agno festa el te ven a far l’amore,
20per muò ch’a’ n’in so pi, cara serore!
 Poisto inte ’l me cuore
 almasco vêre e guardar po inte ’l so
 per saer chi è per ti pi appassionò!
 Horsù, un bel sì un bel no,
25Tietta, s’te ’l vuò ello per mario,
 e che ’l contente anche to barba Mio.
 di’: “Menon, va’ con Dio”,
 perqué anarò fin che qualcun m’airà,
 menando la me vita in qua e in là.
 
 
 24
 Reculian de Menon a la Tietta
 Chi vuol vêr la Tietta, ch’è sì bella,
 vaghe in Sacco on la sta:
 de là dal Cogio, in quella callesella,
 lialò gh’è la so ca’.
5La xe na putta ve so dir tutta
 polia e netta, bellesoletta,
 né no s’in catta una sì fatta
 con la xe ella in tutto el Vesentin.
 
 Quî suò caviggi, che par fili d’oro,
10rizzuotti de so pe,
 che val pi che no val quanto tresoro
 xe in tutte le cittè,
 sbrega d’amore a tutti el cuore,
 e la cernegia fa smaravegia
15a chi la guarda pi ca bombarda
 no fa paura a chi no n’ha pi aldù.
 
 Chi no g’ha spiegio guarde inte ’l so viso,
 ch’è quel che me manten
 gi uocchi e le cegie fatte in Paraiso
20si xe tutto el me ben.
 Oimè, che ’l nasosi me fa squaso
 morir, tant’èllo fatto a penello!
 Po quella bocca el cuor me tocca,
 con la me chiama per lome Menon!
 
25No fo vezù mè al mondo i pi biè dente,
 bianchi co è un fior de spin,
 né na lenguetta la pi somegiente
 a na bromba damaschin,
 e ’l montissuolosi è co è un zucuolo
30pezzeninotto, molesinotto.
 Po per do recchie,mè le parecchie
 in tutta Tralia no se catterà.
 
 La g’ha el collo, la gola e ’l sgargantile
 che fa stopir agnon;
35spalle po da portar s’un campanile
 le ceste in bigolon,
 e quî suò brazzipar ramonazzi
 d’un herbol nio, muorbio e polìo.
 Oh, che man care, man da impastare
40senza faiga siè stara de pan!
 
 Quel so bel sen par purpiamen na latte,
 che sea nomè arpigià,
 e quelle suò tettine xe sì fatte,
 che desconir me fa.
45Oh, bianzo petto,ombrigoletto,
 reonda panza, che ’l tutto avanza
 con quella schinapi mollesina
 che n’è na spreza de quelle fruè!
 
 A’ m’indolcisso se nomè a pensare
50da l’ombrigolo in zo.
 mo chi no ghe vorae sempre mè fare
 la so vita lialò?
 Che ’l gh’è un dolzore el pi megiore
 che supia al mondo, e con pi a fondo
55se va, s’in cattaprofeciatta,
 sea chi se vuogia che ghe metta man.
 
 ’L è pur el gran piasere vêrghe le gambe
 quando le n’ha scoffon,
 che inchinamente al segno del igambe
60le par du turrion.
 Arva pur gi uocchi chi vé i zenuocchi,
 e quelle cosse, che d’esser gruosse,
 no me stè a dire,da far morire
 e anar in bisibilion no so chi.
 
65La g’ha quî piè po che fa inamorare
 agn’homo che gh’i vè
 con certe caichiette po da fare
 morir chi ghe va a pe,
 che no se stracca, gné no se macca
70per caminare gné per ballare,
 con quî deitti tanto caritti,
 che i me fa vuogia de basargi un dì.
 
 Questiè xe la pi bella che sea al mondo,
 mad’in bona fe’ sì,
75perqué l’è dalla cima inchina in fondo
 al muò c’ho ditto mi.
 L’è po valente e ben parlente,
 derta co è un scatto, presta co è un gatto.
 Tonca s’a’ l’amo e se la bramo
80el no se dê smaraveggiar negun.
 
 Vu altre, so compagne, habbiè pacientia
 s’a’ no digo de vu:
 a’ sì ben belle, mo ’l gh’è defenientia
 co è dal griso al velù.
85Fè conto ch’ella supie la stella
 che fa spiandore a i carraore,
 e vu fallive de quelle vive,
 ch’inse fuora del fuogo d’un falò.
 
 Nève pur ascondì quant’a’ sì fatto
90vu, ch’a’ ve impeltrighè,
 ché questie v’è al paro, de bel patto
 a’ parerì smerdè.
 La xe bianca che ’l no ghe manca,
 ve so dir, gniente aparessente,
95con do rosette tutte rossette,
 la par fatta nomè de latte e vin.
 
 Quando l’è in giesia in su la so breella
 in zenocchion lialò,
 tutti la ten guardà, che la par ella
100un dopiero impigiò,
 e l’altre a pe, quante le xe,
 e containe e cettaine,
 par candelette pecceninette,
 de quelle che se vende un bagattin.
 
105La xe tutta compia, ve so da dire,
 questiè in colusion.
 L’ha ste vertù po che la sa cosire,
 ovrar zappe e zappon,
 forche e restello, e a molinello
110filar la lana. La xe po homana
 e reverente, tutta piasente,
 e, quel ch’importa, inchina in cao da ben.
 
 O tutti quanti vu, putti da villa,
 de ste ville chì a pe,
115Sacco, Arcugnan, Fimon, Spianzana e Pilla,
 ch’a’ cognoscì questiè,
 dîme un pochetto,n’è mo in affetto
 le suò bellezze da i piè a le drezze
 smiracolose, smaravegiose?
120Cancaro, se ’l è el ver! Mo chi nol sa?
 
 A’ son nassù per me sorte benetta,
 o sea per me destrin,
 per voler sempre ben a la Tietta
 dal principio a la fin.
125Horsù, el se puole far que se vuole:
 con un dê morire,’l è forza insire;
 con un dê scampare,’l è forza stare.
 An mi el m’è forza ch’a’ ghe vuogia ben.
 
 Mo se ’l è vero tutto quel c’ho ditto,
130senza quel c’ho lagò,
 no volìu per questiè ch’a’ supia fritto,
 sconio e consumò?
 Oimè, c’ho al cuore tanto dolore,
 che mi a’ me sento de fuora e drento
135tutto desfare e consumare
 la carne, gi uossi, i niervi e zò ch’a’ g’ho.
 
 Volesse almasco un dì l’Imperaore
 metterme un dì in so pe,
 che defatto a’ vorae per farghe hanore
140tuor per mogier questiè,
 che la xe a ponto, fè vostro conto,
 da rezer Spagna e la Lamagna
 e no da stare a zapponare
 con la fa per campagna tutto ’l dì.
 
145A’ g’ho vogiù sempre mè ben de cuore,
 gh’in vuogio e gh’in vorò
 e sì g’ho fatto inchina st’hora hanore,
 gh’in fago e gh’in farò.
 A’ ’l posso dire con se morire
150volesse adesso, e sì a’ confesso
 inanzo Dio che mè el m’è insio
 pur de bocca de dire: a’ te vuò ben.
 
 Horsù, rivonla chì, che ’l è hormai hora
 ch’a’ me reduga a ca’.
155Alto su, bo da man, e ti da fuora!
 Ptru, bo, zira va’ là.
 Vié chi, Morella.Gie sta’, Bonella.
 Va’ via, Chiarina. Ceva, camina.
 E vu, boari, friegi miè cari,
160romagnì in pase, ch’a’ ve la go chì.
 
 
 25
 Menon alla Tietta
 Dal Levante el Polente e inchina in cao
 de quante ch’a’ g’ho mè vezù da villa
 a’ n’ho cattò, gnan catterè, na putta
 sì bella e sì inoria, c’habbia du uocchi
5che passe col spiandor la luna e ’l sole,
 se nomè la Tietta, che sta in Sacco.
 
 Mi a’ soffrirae esser cazzò int’un sacco
 e starghe inchin che ’l sol rivasse in cao
 senza magnar, senza mè vêr el sole,
10e an la notte in mezzo de la villa
 in nu per nu, senza passar mè gi uocchi,
 e che la me volesse ben sta putta.
 
 O spreciosa, dolce e cara putta,
 per quanto ben te puorti a Mio de Sacco,
15deh, fa’ ch’a’ veza un pocchetin quigi uocchi,
 quelle tuò belle drezze, quel to cao,
 quî peazzon che, co i va per la villa,
 i sfregola le zoppe pi che ’l sole!
 
 A’ me inamorié in ti un di, ch’al sole
20a’ te stasea a guardar, ti e n’altra putta,
 ch’assunavi fasuoli in cao la villa;
 e perqué a’ n’hivi ben impisto el sacco,
 te disivi: “Cogion da st’altro cao,
 perqué a’ impiron le ceste a passa uocchi”.
 
25A’ g’ho tanto pianto ch’a’ g’ho gi uocchi
 tutti mè scarpellè, bampè co è el sole,
 ch’a’ me i sento sborrir fuora del cao,
 per ti, traitorazza. Mo qual putta,
 qual femena, qual prea è in tutto Sacco
30sì dura con ti è ti? Gna in altra villa?
 
 A’ no crezo che ’l supia un huom da villa,
 se ’l cancaro me magne el cuore e gi uocchi,
 pi appassionò de mi. S’a’ foesse un sacco,
 a’ serae zà sbregò: tutto ’l dì al sole,
35al vento, a la pioza, per sta putta,
 e sì no posso mè tirarla a un cao.
 
 Canzon, va’ a la Tietta in cao la villa
 e dighe: “O bella putta, ch’a’ g’hi gi uocchi
 co è ’l sol, volìu imprestarme el vostro sacco?”.
 
 
 26
 Resposta della Tietta
 Chi cercasse sto mondo inchina in cao
 per tutte le cittè, per agno villa,
 no catterà né femena né putta,
 che sea sì inamorà, co a’ son mi, in gi uocchi
5del me Menon, ch’a la pioza e al sole
 tutto mè ’l dì per mi passa per Sacco.
 
 A’ soffrirà tuor su de peso un sacco
 de fava, an du, pur che Menon da un cao
 buttasse man e zapponare al sole
10quante piante xe inte la nostra villa,
 e poer fare ch’ello mè co gi uocchi
 fuora ca mi no guardasse altra putta.
 
 A’ g’ho paura un dì che qualche putta
 no me ’l tuogie de man, co ’l ven in Sacco.
15’L ha mo na ciera, un cimegar co gi uocchi,
 un trar de pe, che ’l par bon china in cao.
 Mo que v’imparereste se in la villa
 una m’ha ditto a mi che ’l pare el sole?
 
 O spiegio pi lusente che n’è il sole,
20s’ti è el me Menon, se mi a’ son la to putta,
 deh, fa’ che vegna presto a la to villa,
 perqué a’ no stago ben mi sola in Sacco,
 ch’a’ son senza de ti purpio co è un cao
 che ghe manche le regie, el naso e gi uocchi.
 
25El me vegné le lagreme in su gi uocchi,
 co a’ te viti l’altr’hieri in mez’al sole
 tutto me straffumò sugarte el cao
 e frobandote gi uocchi dire: “O putta,
 se mè per to cason a’ muoro in Sacco,
30deh, famme sepellire in la me villa!”.
 
 No sìto quel Menon che in cao la villa
 m’aià, quand’a’ caì, c’haea maccò gi uocchi,
 e sì m’alzassi su le spalle el sacco
 ch’a’ ’l portava al molin? E po in quel sole,
35perqué a’ ’l spandea, disissi: “Spetta, putta,
 ch’a’ te stroppe sto buso chì de cao”?
 
 Fatte al cao de Menon, canzon da villa,
 e di’: “Una putta per vezerve gi uocchi,
 co ’l suppia anò zo ’l sol v’aspetta in Sacco.
 
 
 
 27
 Menon a la Tietta
 Quando, Tietta, l’è levò la luna
 che te stugi a filò castagne e ravi,
 mi, ch’a’ g’ho sempre el cuore a la to bocca,
 a’ me conzo el me schioppo infra le gambe
5e scazzorlandoghe entro per la busa
 a’ ’l forbo ben, a’ ’l cargo e vegno in Sacco.
 El fo tal botta che, co arrivo in Sacco,
 ti è anà a dromire e mi sbagio a la luna,
 e sì me cuzzo a pe de la to busa
10o’ a’ t’hea vezù lavar guanazzo i ravi,
 e con l’acqua, che t’ha toccò le gambe,
 a’ me lavo an mi i piè, le man, la bocca.
 El dê esser pi liosa la to bocca
 che n’è quanto cerpilio nasce in Sacco.
15Potta, mo te g’he pur le belle gambe!
 Mo quel bel viso, che par mezza luna,
 con quelle tette po che par du ravi,
 cavaràvegi un morto d’una busa?
 El me sborrì una notte a la to busa
20quel can de barba Cogio, c’ha na bocca
 ch’a’ gh’intrerave mi co un col de ravi,
 e sì me vegné drio per tutto Sacco,
 ch’a’ te so dir, se ’l no lusea la luna,
 che ’l me derroinava de le gambe.
25A’ no puti menar tanto le gambe
 no, arsera l’altra lì da la to busa,
 che ’l m’arzonzé, che ’l no lusea la luna,
 in mezo d’una man, ch’a’ g’ho na bocca
 che, se ’l s’imbatte che la faga sacco,
30a’ caverò in lo culo mè più ravi.
 Tietta dolce pi che n’è i miè ravi,
 s’te me vuò ben, deh, portame do gambe
 de quella certa herba che xe in Sacco,
 ch’appassa in do o tre botte agno gran busa,
35l’ha el besevegio co ha na bissa in bocca
 e butta fuora agno volta de luna.
 Canzon fatt’a la luna, tuo’ sti ravi,
 arvi la bocca e mena ben le gambe
 e vai lava a la busa che xe in Sacco.
 
 
 28
 Menon
 Tietta fatte qua
 da mi, s’te vuò ch’a’ monte sul figaro,
 che, se ’l gh’è fighi, a’ t’in darò an ti un paro.
 Bràncame per sto pe
5e alzame ben su,
 ch’a’ in vezo su sta rama a punto du.
 Oh, cancaro, gi è buoni, sì a la fe’!
 Mo guarda questo, vé!
 Potta, ’l è grosso! Arvi, cara ti,
10la bocca e la ga ch’a’ ghe ’l metta mi.
 
 
 29
 Benetto sea quel lin,
 do’ ’l nascé, chi el cogì e chi l’acquà,
 chi el gramolé, chi l’ha spolò e chigià.
 E sea benetto po
5el fuso, el naspo, el corlo, anche quelliè
 che ’l filà, che ’l naspà, che ’l desvolzé.
 Benetto sea quel dì che ’l fo arbinò
 e in revo intortigiò,
 e pi benetta sea quella man cara,
10che me dé de quel revo un’angonara.
 
 
 30
 Tietta dolce e d’oro,
 pi bella e pi lusente che n’è el sole,
 scolta, ch’a’ t’ho da dir quattro parole.
 Vié chì a sto cannolò
5e fa’ pian pian,
 che ’l no te senta e che no bagie i can.
 Tuo’ sto spiegio, ch’in fiera a’ t’ho comprò,
 tutto quanto indorò,
 che con te te ghe spiegi entro, serore,
10inte ’l to viso te verè el me cuore.
 
 
 31
 El primo dì d’avrile
 cantava la Tietta inanzo ’l sole
 zappando l’horto, e disea ste parole:
 “Caro dolce Menon,
5s’te me vuò ben, vié catta,
 fin che l’è tendra la me salatta.
 Zò ch’a’ g’ho in lo me horto è bello e bon.
 Curri tonca, cogiom
 tutti du de brigà t’un men de que
10salatta, herbe, agio e zò che te vorè.
 
 
 32
 Tietta traittora,
 l’è na gran consa, al sangue de me mare,
 che te me vuogi sempre far stentare.
 Potta, que vuol mo dire
5tanta crudelitè,
 che te no g’habbi un puoco de piatè?
 Se mi a’ te guardo, te no ’l può soffrire;
 s’a’ crio, te no vuò aldire.
 Mo s’a’ te ’l fago un dì toccar con man
10ch’a’ te vuò ben, no me ’l crereto gnan?
 
 
 33
 A’ vorave ch’Amore
 fosse squartò con fo squartò el Pavan,
 e che i suò quarti el gi magnasse i can;
 e sì vorave po
5che quî can ben passù
 fosse an iggi appichè con i piè in su,
 e ch’i ghe stesse tanto livelò
 che i caìsse ive zo,
 e po che ’l se levasse un vissinello,
10che suppiasse agno consa al bordello.
 
 
 34
 Tietta, in bona fe’
 che quî tuò ravi, che t’he dò a me frello,
 si fa vergogna a quî de Campeello.
 Gi è i pi biegi, serore,
5c’habbia vezù a i miè dì,
 e sì xe dolce con ti è dolce an ti,
 gi è da Papa, da Re, da Imperaore!
 Mi a’ in magno per to amore
 quatro scuelle al pasto, e sì n’è zanza.
10Pensa mo ti se ’l me tira la panza.
 
 
 35
 Dolce pumi musitti,
 che me sporzé con quella so manetta
 l’altra sera a filò la me Tietta.
 Benetto sea el pomaro
5e quel che l’ha impiantò,
 e la cassa o’ a’ sì stè per china mo,
 e ti, megiuolo, pi ch’agn’altro caro,
 lavò al so bel secchiaro,
 con que la me dé po da bever ella,
10tegnìve in bon, c’hi una parona bella.
 
 
 36
 Canzon
 Se mi a’ t’ho fattutò, Tietta bella,
 che me sea cavò ’l cuor fuor del magon.
 Se mi a’ t’ho fatturò, che vol polmon
 me sea cavò fuora la coraella.
5Se mi a’ t’ho fatturò, che co una mella
 aguzzà s’una pria
 me sea la panza arvia,
 e supia la feria
 sì grande, che ’l gh’intraghe una scuella.
10Se mi a’ t’ho fatturò, che la gonella
 da i baroier me sea tolta e ’l zippon.
 Se mi a’ t’ho fatturò, che co un roncon
 me sea fatto del cao na boreella.
 Se a’ t’ho fatturò, che la porcella
15me supia menà via
 né mè torne in la stia,
 e a quî che l’harà habbia
 né mi né i miè possa mè dar querella.
 Se mi a’ t’ho fatturò, che i strangoggion
20me vegna inte la gola, e la pavìa.
 Se mi a’ t’ho fatturò, che mè in ca’ mia
 no ghe supie né vin né pan boccon.
 Se mi t’ho fatturò, che sempre agnon
 me tegne la favella,
25e con la pelarella
 Amor, che me smartella,
 me laghe sempre incaenò in preson.
 Se mi a’ t’ho fatturò, che mè perdon
 no catte con le man in cortesia.
30Se mi a’ t’ho fatturò, che in zelosia
 sempre mè per ti viva, e in passion.
 Se mi a’ t’ho fatturò, che quant’a’ son
 agn’osso, agno nosella,
 una e l’altra massella,
35e gi uocchi e la cervella
 me supie fracassè co un vimenon.
 Mo s’a’ no t’ho po fatturò, sì ria
 no m’esser, cara ti, gnan sì rubella,
 né no m’arbandonar, perqué ti è quella
40che con la to bocchina sì polia,
 con quel to sen, con quella man sì nia,
 con quî tuò biegi uocchion,
 e piè, gambe e galon,
 schina, spalle e brazzon,
45me ten derta sta vita sì insoria.
 A’ no t’ho fatturò, gnan fantasia
 me vegné mè de farte tal noella.
 Làgagi tonca dire, che i t’osella
 quigi che t’ha cazzò su sta bosia.
50Amor el sa ben el, che sempre spia
 per busi e per canton,
 se ’l to caro Menon
 xe stò né in fo cason
 de farte fatturare mè da stria.
55Perqué a’ no staghe pi in malenconia
 né ti insospicion,
 ho fatta sta canzon;
 perzò, lusente stella,
 no crer ch’a’ t’habbia fatto sta malia.
 
 
 37
 Resposta de la Tietta a Menon
 S’a’ ’l dissi mè, che ’l mal, che me sfrasella,
 me faghe anare sempre mè a taston.
 S’a’ ’l dissi mè, che, co a’ conze i scoffon,
 sempre mè me se rompa la gusella.
5S’a’ ’l dissi mè, ch’a’ sea co è na pomella
 quando l’è stà arcogia
 e in masera innegria,
 tanto struccà, che impia
 supia de la me sangue una mastella.
10S’a’ ’l dissi mè, ch’al muò ch’è na paella
 me sea sbusò la panza co un sponton.
 S’a’ ’l dissi mè, ch’un dì del me cason
 vegne al manco el legname che ’l pontella.
 S’a’ ’l dissi mè, che quella me veella,
15ch’è sì grassa e inoria
 e va sì impettoria,
 int’un’ave maria
 crepe con fé guanazzo an la Bonella.
 S’a’ ’l dissi mè, che per manco d’un tron
20me supia ditto un car de villannia.
 S’a’ ’l dissi mè, che d’un’artegiaria
 a’ supia tratta fuora da un balcon.
 S’a’ ’l dissi mè, ch’a’ spanda dal coccon
 el vin de la barzella,
25che m’ha portò la Bella,
 che latta la puttella
 figiuola de Bodò, che sta a Fimon.
 S’a’ ’l dissi mè, ch’a’ catte in zenocchion
 tanto manco piatè quanto pi a’ cria.
30S’a’ ’l dissi mè, che da la Segnoria
 a’ supia imbandezà senza rason.
 S’a’ ’l dissi mè, ch’a’ muora in cuzzollon
 de notte in callesella
 con fa na ponzinella,
35né negun dighe: “Ond’èlla?”,
 fin ch’a’ no sea magnà da i galavron.
 Mo s’a’ no ’l dissi po, tant’angonia
 no me dare a pe el mal, che me sbuella,
 ché ’l pò esser stò nomè na poltronzella
40queliè, che s’ha impensò dir sta vania,
 che ghe vegne la sitta a tal zenia
 de poltrone e poltron,
 bagiaresse e bagion,
 che n’ha discretion
45a portare sì fatta imbassaria!
 A’ no l’ho ditto e, s’ti è in sta fantasia
 ch’a’ l’habbia ditto, con la to cortella
 tàgiame in piezzi grande co è na stella.
 Agno muò sta me vita xe chiaria,
50daspò che da la bocca me xe insia
 la sangue e un tortigion
 de caviggi e un pezzon
 de lana d’un castron,
 che xe stò scortegò a la beccaria.
 
55Menon, s’a’ muoro da sta malatia,
 soname el campanon,
 dimme un cristalaison
 e a pe de la capella
 fariesi po ch’a’ supia sopollia.
 
 
 38
 Mattinà de Menon a la Tietta
 Dolce faighe è quelle de l’amore
 a un che vuogia ben;
 dolce le pene, che ’l porta in lo cuore
 dì e notte veramen,
5dolce sospieri, pisi lezieri,
 lagreme care, dolce stentare
 a pioza e a vento, dolce tromento
 gh’è soffrir caldo, ferdo, fame e se’.
 Mo chi ghe pensa po c’habbia cervello,
10l’è una vita da can
 tanti marturi e guai, tanto martello
 e smagna. Amore, an?
 Tanti malanni, stente e affanni,
 duogie e brusore,che s’ha in lo cuore
15e in la corà. A mi m’in sa,
 disse quelù, c’haea la bissa in sen.
 ’L è dies’agni ch’Amor el cuor m’asegia,
 se i no xe pur an pi,
 e che ’l me fa correr millanta megia
20infra la notte e ’l dì,
 con se ’l m’haesse comprò e tegnesse
 per schiavo e bracco, né se vé stracco
 mè d’asegiarme e tromentarme.
 Pacientia mo, a’ n’insirò pur an.
25Se la speranza no fesse sbiassare
 sti cattivi boccon,
 chi serae quel, che volesse crepare?
 Mi no. Qualche menchion.
 No serae matto un de bel patto
30se ’l somenasse e no sperasse
 mè d’arcogire? Da que servire
 senza speranza d’haver ben negun?
 
 A’ son partio da ca’ solo soletto
 per vegnir chivalò.
35Ve so dire, quando a’ me gh’ametto,
 ch’a’ scapino inviò,
 perqué l’amore, ch’a’ g’ho in lo cuore,
 me dà argomento e me ten pento
 con dir: “Menon, curri, menchion,
40e vaghel mostra el ben che te ghe vuò”.
 Quest’è pur l’usso. Ch’a’ no m’inganasse
 tal fià, que suogie mi?
 Ch’a’ no ghe vêsse o ch’a’ m’insuniasse.
 No, ’l è ben questo, sì.
45Bagia pian,cancaro a i can!
 Horsù, a’ me vuogio conzar do’ a’ suogio
 chialò in senton su sto canton,
 inchin ch’a’ pigio un puoco de fiò.
 Oh, que bel tempo, Vergene Maria!
50A’ respetto pur mo,
 ch’a’ no cattava né truozo né via
 tant’iera arnibiò.
 Adesso stele, che par candele,
 ghe n’è mo, potta, mo sì, na frotta
55de centenarae de megiara,
 de stramegiara, millia, million.
 Sto bel revolto, che i ghe dise el Cielo,
 in affetto par bon.
 Quel che l’ha fatto no manché d’un pelo
60a farlo con rason.
 ’L è con xe un forno d’intorno intorno,
 e sì caminasera e mattina,
 mo el gh’è da fare a strolicare
 e romperse el cervello a que muò el va.
65’L è buoni dì ch’a’ m’imbattî int’un luogo
 ch’uno disea che zà
 l’iera la terra, l’acqua, l’aire e ’l fuogo
 tutti int’un smissià,
 e che Dio disse che i se spartisse
70e fiate luse. Le n’è mo fuse,
 che ditt’e fatto el sol fo fatto
 e la luna e le stelle e zò que gh’è.
 Benetto sea sta villa e vuogial Dio
 e chi sta in sta contrà,
75imprimamen la Bragancina e Mio
 e quanti n’è in sta ca’,
 e sea benetto la pagia e ’l letto,
 on drome suqueliè, che fu
 e sempre mèserà e sì xe
80la me speranza e quanto ben ch’a’ g’ho.
 Sea benetto i garuoffoli e i violari
 e quel basalicò,
 le cassette, i caìni, ole e pittari,
 ch’a’ vezo livelò
85su quel balcon, e quî maron,
 quî cuogni e quelle noxe e noselle,
 e sea benitti quî biè pumitti,
 che somegia quî du che la g’ha in sen.
 Tietta bella, dolce, cara e d’oro,
90de sea e de velù,
 viso reondo, che val un tresoro,
 bieg’uocchi, ch’in val du,
 bocca polia, lengua saoria,
 bianchi dente, regie sbrasente,
95s’a’ no dromì, stè artienti e aldì
 el puovero Menon apassionò.
 Deh, lieva fuor d’i drappi, s’t’he piasere
 de sta me mattinà,
 e fatte un puoco ch’a’ te possa vêre
100chialò a la balconà.
 Deh, cara ti, seanto mi
 vegnù chialò, no vuòto mo
 darme audientia e haver pacientia
 inchina ch’a’ te conto el fatto me?
105El n’è tanti festughi int’i paggiari
 de tutto el Vesentin,
 né piucchi pollini int’i punari,
 né reste in tutt’el lin,
 circhi né doe, puorci né scroe,
110oche né ocatti, gatte né gatti,
 chioche e ponzini, né mossolini,
 quant’è le pene, ch’a’ porto per ti.
 El primo dì ch’a’ te scontrié, Tietta,
 con te me fussi a pe,
115el no ghe mancà squasio una magietta
 ch’orbo a’ no deventié.
 Tanto spiandoreinsia, serore,
 dal paraisodel to bel viso,
 ch’un puoco pi ch’a’ stasea lì
120te me conzavi da frizer pooh.
 Qual è queliè, che se possa dar vanto
 d’haer quel che t’he ti?
 Do belle sbionde drezze, che g’ha tanto
 spiandor, co ha el sole el dì;
125du uocchi, oimè,potta, mo g’è
 pur veramenquî che me ten
 vivo, co a’ i vezo. E s’a’ sbertezo,
 ch’a’ possa anare un anno nu per nu.
 S’a’ foesse inchiavò con mille chiave
130in fondo de preson,
 pi presto da la fame a’ ghe morave
 che muar pinion
 che te no sì pi bella ti
 de qual se vuogia. Potta, mo tuogia
135la Fagagnotta e la Favrotta,
 che le n’è degne de basarte i piè.
 A’ t’imprometto, s’a’ possa morire,
 che co a’ te son a pe
 inmeliate a’ me sento a vegnire
140un certo no so que,
 a muò un tremorein lo me cuore,
 un no poere, un no saere
 pi favellare, un sangiottare,
 per tal muò ch’a’ romagno ive apetò.
145Con pi a’ te guardo, pi te me fe vuogia
 d’inamorarme in ti,
 che te dî esser pi fresca ca na fuogia
 d’un pampano de vi,
 pi molesinaca sea farina,
150e pi liosaca l’acqua ruosa,
 pi dolce camiele. Oh, bià
 la Gerometta, che te drome a pe!
 Vuogime ben, Tietta, s’a’ in son degno.
 Vuogime ben a mi,
155te sè pur ch’a’ t’ho dò la fe’ per pegno
 ch’a’ t’in vuogio anch’a ti.
 Te me porissi, se te volissi,
 cavar de stente spazzanamente
 e no lagarme sempre desfarme
160con fa la cera al sole, setto mo?
 T’arecuòrdito an quando a’ vegnea
 guanazzo da Bollon,
 ch’a’ te scontrié che t’ieri con to mea
 e sì n’hivi scoffon?
165Mo ben, quel dì a’ m’arpigî
 per via e muò ch’al d’ d’ancuò
 purpio el me parevêr quelle care
 gambe polie, che inamorar me fé.
 El gh’è, serore, no so quante putte
170che xe inamorè in mi,
 e per to amore a’ ghe n’indromo a tutte,
 ch’a’ n’ho altro ben ca ti.
 Fa’ un puoco el conto,de gratia a ponto,
 quante le xe: a Fimon tre,
175una a Spianzana, do a Valmarana,
 una a Pilla, tre in Sacco e do a Arcugnan.
 Potta, a’ porto per ti tanto brusore,
 ch’a’ no posso haver ben,
 a’ g’ho sempre in la panza un sbatticuore,
180ch’in fastibio me ten,
 a’ vivo e stento sempre in tromento
 e in passion. Puoro Menon,
 mo chi xe quello,c’hesse el martello
 che te ghè ti, e no morisse an?
185Se l’acqua de la fontega foesse
 inchiostro quanta l’è,
 e le cannelle del palù poesse
 esser penne intemprè,
 la carta poi prè ch’a’ g’ho,
190bichi e molton, puorci e castron
 e buò e boari fosse i noari,
 no scriverave el ben ch’a’ te vuò mi.
 A’ t’in vuò tanto che te no porissi
 pensar quanto a’ te ’n vuò.
195S’a’ te ’l poesse mostrar, te ’l verissi,
 mo el no ghe xe mo muò,
 perqué l’amore si sta in lo cuore
 e livalò no se ghe pò
 toccar né vêre.Te ’l può ben crere
200per i segnale s’a’ te vuogio ben.
 Te g’he piaser ch’a’ te ’l faghe, n’è vero,
 l’amore? Tonca horsù
 a’ son contento de far sto mestiero
 un mese, un anno, an du;
205ma no me fare tanto stentare
 sempre dì e notte. Le xe carotte,
 cara Tietta, mo sì a la fetta,
 s’te cri tegnirme in berta sempre mè.
 Me vuòtu mo imprestar la to pillotta
210da far un puo’ d’agià?
 Te n’he pur una. Imprestamela, potta!
 Que ieto scorozzà?
 Te no respundi, e sì t’ascundi.
 Mo vegnerè,ch’a’ te darè
215gnan mi el pilon!An, t’he rason:
 t’ieri nà a tuorla, a’ no me n’heva dò.
 La to pillotta g’ha na sfendaura
 inte ’l bel mezzo, vé,
 ch’è prigolosa, e sì ho na gran paura
220ch’a’ romagnan petè,
 che, co a’ ghe metta, cara Tietta,
 entro l’agià calda e stemprà,
 che la se aschiappe fuora. Mo cappe,
 a’ spandessam po da per tutto el bruò!
225Tamentre la g’ha un groppo, ch’a’ no crezo
 che la se sfenda pi.
 Besognarà pestar d’agn’hora in mezo.
 Laga pur far a mi.
 L’ha po el cul grosso,duro co è ’n osso,
230squaso tre dea, pi ch’a’ no crea.
 La durerà tutt’un instà.
 Pur s’a’ la rompo, a’ te la pagherò.
 Adesso è ’l tempo, se te vuò ch’a’ vegne
 una sera a filò.
235Parecchieriesi pur de le castegne,
 che te ghe n’he, ch’a’ ’l so,
 sul to solaro pi d’un gran staro?
 E de quî ravi, che te lavavi
 zo a la fontana l’altra stemana,
240ch’a’ vuogio po ch’a’ fazzan ravolò.
 Se ’l no m’intraven altro, a’ vuò vegnere
 fuorsi de bel doman.
 Oh, cancaro, s’a’ vegno, que piasere
 a’ vuò ch’a’ se dagna!
245A’ t’ho da dire, possa morire!,
 do o tre noelle, ch’è delle belle
 che t’habbi aldùm zà un anno, an du.
 An po gh’in ven d’i fiabbaor chialò!
 Oh, co a’ te conte quella del tamiso
250o quella del baldon,
 s’a’ no te fago scompissar da riso
 di’ ch’a’ no sea Menon.
 Mo, vitu, po an mi vorò
 ch’an ti te dighequella da i fighi
255e sora tutto quella del mutto,
 ch’è de le belle ch’habbia mè sentù.
 Vuòto mo ch’a’ te done sto bel fuso
 d’anzopresso? Vèl qua.
 Arvi, ch’a’ ’l metterò per entro al buso
260de la to firià,
 ch’a’ vuò anar via. Tuo’ vatt’asia
 spazzanamen, no star col fen
 pi chivalòdesbaratò,
 che, s’te morissi, a’ morirave an mi.
265A’ vezo el carro per la Tramontana
 anar pian pian,
 le Falze è basse e la stella Diana
 sponta su a man a man,
 la luna ha ’l tondo tutto reondo,
270i grigi sìno canta pi
 e per ste ca’ mo qua mo là
 s’alde i gagi cantar cucurucù.
 El lieva l’alba e le stelle despare
 e barba Doman ven.
275Thietta dolce, a’ te vuogio lagare,
 vuògime un puo’ de ben.
 “Daridondella, speranza bella.
 Daridondà, ehi, vemme qua”.
 Un liompardo n’è sì gagiardo.
280Guarda sto salto: e uno e du e tri!
 Que te n’ha parso? Songie mo valente?
 Mo cancaro, s’a’ son!
 Pensa mo ti, s’a’ te foesse arente,
 s’a’ farae pi de bon.
285Horsù, a’ m’in vago, e sì a’ te lago.
 Recorderete e tegnerete
 in la smelmuoria ch’a hanor e gluoria
 toa solamen a’ fi sta mattinà.
 
 
 39
 Lamento de Menon alla Tietta
 Arvi, Tietta, e l’altro buso
 de le to recchie e scolta el me lamento,
 perqué a’ porto per ti tanto tromento
 che ’l par ch’a’ g’habbia inte ’l me cuor un fuso.
5Deh, dimme, cara ti, mo s’a’ me bruso,
 s’a’ me sento inpigiò zò ch’a’ g’ho drento
 in lo magon, perqué, dolce contento,
 sempre che te me vì(1) stuòrcitu el muso?
 Potta, da que vuòt’esser tanto eltiera,
10s’a’ n’ho altro ben al mondo nomè ti?
 Perqué me feto sì cattiva ciera?
 Mo pruova un puoco, e sì verè(2) che mi
 a’ te farò un servisio pi vontiera
 ch’a’ no ’l farae a’ no so dir a chi.
15’L è pur cinqu’agni e pi
 che te me fe buttare e agn’homo el sa
 tutto el dì i passi indarno qua e là.
 Quante fiè m’è taccà(3)
 la camisa a la schina, sì sogi stracco
20quando ch’a’ vegno a vêrte inchina in Sacco,
 ch’a’ no crezo ch’un bracco,
 con ’l ha cazzò la bolpe tutto un dì,
 supie tanto affenio quanto a’ son mi.
 O traitora, e ti
25senza piatè, senza compassion,
 co a’ passo, te t’ascundi drio al balcon!
 A’ son pur el to Menon,
 ch’a’ t’ha pricò(4) per tutto quanto el mondo,
 e ti vorissi vêrme inte ’l sproffondo!
30Crito ch’a’ sea sì tondo
 ch’a’ no m’accorza che te me vuò male,
 e sì vorissi vêrme in s’un speale?
 O Tietta, que vale
 esser sì bella al muò ch’agnon te ten,
35e a mi volerme mal, ch’a’ te vuò ben?
 Agn’herba si ven fen(5),
 arecuòrdate, e sì è sentincia fatta
 ch’agno scarpa deventa una zavatta.
 Oh dio, la Buzzolatta,
40ch’iera sì bella putta, guarda là
 quel che la par, mo che l’è marià!
 Mo in te la to contrà
 te sè ben chi a’ vuò dir, ch’iera sì bella,
 parela adesso el cul d’una porcella?
45Pigia assimpio da ella
 e n’esser tonca tanto altiera ti,
 e pensa che ’l ven sera daspò el dì.
 Mo no vito ch’a mi
 el me tira pi el cuore al fatto to,
50che no fa un pan la gola a un affamò?
 Mo poss’esser squartò:
 se al dì a’ no te menzono cento botte,
 pensa co a’ fago in letto po la notte,
 che ’l no fo tanto rotte
55mè nose con pillon, co se fa già(6),
 quant’è miè(7) uossi a volzerme qua e là.
 Horsù vié un puoco qua.
 A’ sè pur che la Cogia xe to amiga;
 s’a’ te vuò ben mo fa’ ch’ella te ’l diga.
60’L è pur puoca faiga
 el demandarla e, se la no ’l vuol dire,
 el cogio e ’l preve te porà chiarire,
 che i me stasea a sentire
 quando a’ fu un de sti dì, ’l è tosto un mese,
65là su, che ’l fasea battere el quartese.
 S’i le tegné mo tese
 le regie per scoltarme inchina nona
 demanda a Cenzo e a so mogier Corona.
 Crìzilo a la fe’ bona
70che per starte lialò tant’a laldare
 squaso che i polze m’have a roinare.
 I lo dê pur magnare
 quel puovro preve, tanti in ca’ ghe n’è
 sichi, mal de san Lazaro, e affamè(8).
75I m’anasea, a la fe’,
 per su le gambe con fa formigon
 quand’i rampega su per un pianton.
 Potta, gi ha d’i menchion
 quî che no vuol ch’un preve tegne in ca’
80una massara che ’l tegna spolzà!
 Oh cancaro, mo gi ha
 puoca descrition sti turlurù:
 n’ègi così huomeni igi, co a’ seon nu?
 Con pò far senza ru
85un carro, e senza manego menara,
 così un preve pò far senza massara.
 Mo guarda se l’è chiara:
 se i vuol magnare un puo’ de rosto a cena,
 da so posta el besogna ch’i se ’l mena.
90Pensa mo ti que pena.
 E se i ne vuole un pochetto a disnare,
 né pi né manco i se ’l sconven menare.
 Se gi ha de le massare,
 elle ghe ’l mena e ghe ’l spergozza e po
95ghe ’l cava fuora, con ’l è sasonò.
 ’L è vero ch’i se pò
 far d’i servisi da so posta, ma
 el no gh’è troppo hanore, co ’l se sa.
 Gi è buoni tal fià
100da gramolar, mo l’è po megior elle(9)
 da burattare e lavar le scuelle,
 conzarghe le gonnelle,
 quando i l’ha rotte, e tegnirghe polia
 e regonà tutta la massaria,
105per tal muò, per tal via
 che i n’habbie altro fastibio che d’anare
 a cantar la so messa e po a magnare,
 e no smassarezare
 e intenzerse le man. Oh, i par po bon,
110quando che i dà la benedission!
 Mi a’ ghe dago rason,
 perqué in affetto la xe pur cossì,
 che quel che piase a ti, me piase an mi.
 Horsù, n’in digon pi.
115Tornemo pur a ca’, Tietta mia,
 ch’a’ t’ho da dir perchin l’ave maria.
 Slarga la fantasia
 quanto te può, e sta’ salda sta botta,
 che quel ch’a’ te vuò dir no xe carotta.
120Dime un pochetto: potta,
 a que muò t’heto lagò slizzegare
 a dir ch’un dì te me vuò sbigolare(10)?
 E s’a’ g’ho da passare
 per Sacco, che te sî ti e la Momina,
125che, co ho la panza, a’ me farì la schina?
 E to mea Bregancina
 ha zurà an ella a la crose de Dio
 de saltar fuora, e to barba sier Mio,
 e man esserme drio
130tutti a scavezzacol zo per la via
 che ’l no m’airà la Verghene Maria.
 Questo no xe bosia.
 Te ’l he pur ditto e, se ’l besognerà
 provarlo, a’ ’l proverò per quÎ che ’l sa.
135Horsù, va’ po ti fa’,
 Menon, piasere! Mo te butterè
 in dreana po via zò que te gh’he(12).
 Mo n’heto ditto an che
 a’ son scarso, che quando a’ vendo vin
140a’ no dago a chi ’n tuole el sechion pin?
 Demanda un pochettin
 a tutte quante quelle d’Arcugnan
 che in tosse, s’a’ ghe dié la spina in man,
 e s’a’ ghe dissi an
145che le se ’l tresse da so posta, e sì
 fié quel mediesmo a la Momima e a ti.
 A’ t’intendo ben mi:
 te circhi d’agno lò ti de sborare
 l’ira contra de mi, s’te ’l porè fare.
150S’t’he(13) pur vuogia de dare
 sbigolè a chi te vuogia massa ben,
 dariésimele a mi, che le me ven,
 e mena molto ben,
 che mi a’ passerò gi uocchi e soffrirò
155inchin che ’l to petetto sea sborò.
 Co ’l porèto far mo,
 con te mal dire dirè in zenocchion:
 “Meserecuordia al puovero Menon!
 Piatè, compassion!”,
160e ch’a’ te ’l mostre el me cuor tutto quanto
 con fé a la Sora el Trippa dal Scaranto?
 Te cognussi pur Santo.
 Mo demàndaghe un puoco quel c’ho ditto
 del fatto to, e tutto quel c’ho(14) scritto.
165’te no vuol star al ditto
 so d’ello, mo demanda un pochettin
 Giachemo Longo e Cecco Perecin,
 che i fo qua su per vin
 l’altro diazzo(15), che i te pò chiarire
170de tutto quel che de ti i m’aldé a dire.
 El gh’iera anche a sentire
 Cecco da Monte Cucco livalò
 e messier pre Francesco Macachiò.
 Se ’l no te basta po
175questoro, che t’in vuogi un altro paro,
 demanda a Brusco e Benetto Tescaro.
 I passa un gran megiaro
 quigi che sa c’ho ditto ben de ti
 infra el nostro Comun e via de chì.
180Horsù mo, in vuòtu pi?
 Mo va’ demanda in tutte le cittè
 quel c’ho ditto de ti, e sì ’l saverè.
 Te vuò crere lomè
 a certe bagiaresse inviliose,
185ch’a’ no le g’ho vogiù per me morose,
 malmonde, piocchiose,
 che, perqué a’ no ghe ’l vuogio far a elle
 l’amor, le s’ha impensò dir ste noelle.
 Fuorsi che le n’è belle,
190che te vali pi ti in t’un deo d’un pe
 che no le fa tutt’elle, ste smerdè!
 Almasco ti te g’he
 quella to bella ciera, quel guardare
 da far agno puttato inamorare.
195Te me fe pur creppare.
 Ah, uocchi biegi! Ah, bocchetta liosa!
 Biò quelù che te torà per sposa.
 Dolce cara morosa,
 è impossibel che t’habbi delibrà
200de star con mi sempre mè inscorezzà,
 che per agno fià,
 quando a’ te inscontro o sola o in compagnia,
 te me fe de i tuò uocchi carestia?
 Ahimè, speranza mia,
205mo que t’hegi mè fatto, che te sì
 sì dura, sì spiatà contra de mi?
 S’ti è sola quella ti,
 che l’anema me passe col guardare,
 com pascé el corpo el bevere e ’l magnare,
210perqué tonca no alzare
 g’uocchi(16) tal botta, e co na guardaura
 arsussitarme fuor de seppoltura?
 Mi ch’a’ no guardo a bura(17),
 né a vento né a pioza per vegnire
215là don ti è, pur ch’a’ ’l possa intravegnire!
 Horsù, a’ ’l vuogio pur dire,
 ch’a’ te passié denanzo un dì tre botte
 e ti guardavi in là, e sì n’è carotte.
 Ohimè, che le balotte
220d’artegiaria no è tanto schivè
 quanto a’ son mi da ti, co a’ te son a pe!
 Oh, gran crudelitè
 che te fe ti in la giesia d’Arcugnan,
 che ’l no la farae un Turco, un Moro, un can:
225a bel desvovre(18), an,
 de drio a quella colonna star asconta
 perqué mi a’ no te veza, o bella ponta!
 Horsù, agno mal vuol zonta.
 Pacintia, el porae esser fuorsi un dì
230che te t’arpentirè, crìmelo a mi,
 e sì dirè infra ti:
 “Deh, perqué n’hogi habbìo compassion,
 se ’l me voleva tanto ben Menon?
 Desgratià ch’a’ son,
235ben gramma certo, perqué ho cognossù
 se lomè adesso el ben che ’l m’ha vogiù!”
 No songie stà quelù
 che t’ha slargò tanto la famia(19) che
 per mi ti è cognossua da purassè?
240Ché con qualcun te vé
 defatto i dise: “Questa è quella putta
 che ha lagò de bellezze l’altre in sutta.
 Questa è quella, che butta
 tanto spiandor da gi uocchi che la fa
245lusere da per tutto don la va.
 Questa è quella che ha
 tutto l’avanto, la gluoria, l’hanore
 de pulianza, d’honestè, d’amore
 e che a tutt’homo el cuore
250co un cegno solamen senza tanaggia
 tutto ghe ’l cava fuor de la coraggia”.
 E sì n’è miga baggia.
 Mo no m’ha ditto un cettain, che fu
 per vêrte a posta l’altro dì là su,
255che ’l no g’ha mè vezù
 (ampò hal sul culo cinquant’agni e pi)
 una sì bella putta, con ti è ti?
 Quando a’ te ’l digo mi
 che te sì bella, te no me ’l vuò crere,
260e co a’ te guardo, te no me vuò vêre,
 sì so che t’he(20) piasere
 quando qualcun te butta gi uocchi adosso
 pi che n’ha un can a rosegar un osso.
 ’L è vero ch’a’ l’ho grosso
265pi ca gi altri el celibrio, m’a’ no son
 ch’a’ no m’acorza gnan cossì menchion.
 S’te fiessi palangon
 un puoco de l’amor ch’a’ te vuò mi,
 te no serissi altiera con te sì.
270Horsù, la va cossì:
 con pi a’ te fazzo vêre el mal ch’a’ sento,
 pi te me fe provar maor tromento.
 A’ no muoro, e sì stento,
 e questo è ’l piezo ch’a’ no posso mo
275gnanche desmentegarme el fatto to.
 M’haristu affatturò,
 ch’a’ me sento in la panza a muò na spina
 che dì e notte me dà gran dissipina?
 Stretta mè no fo tina,
280sì fattamen stretto no fo tinazzo,
 quanto a’ me sento el cuor stretto e ’l pantazzo.
 A’ son purpio co è un spazzo,
 quando che ’l ven cavò fuora del forno,
 che drento el broa e se consuma atorno.
285Un caval da retorno,
 se ben squaso d’agn’hora el s’affaiga,
 el sta pur an tal botta fuor de briga;
 mo mi puoco né miga
 a’ no catto repponso in negun luogo,
290né l’istè al fresco né l’inverno al fuogo.
 Oh cancaro, mo a’ sfuogo
 pur stragnamen, e sì sento ch’a’ g’ho
 in la gola hora mai puoco fiò.
 Horsù, que anemo è ’l to?
295Mo no ghe vitu che, s’te no m’aì,
 a’ muoro, a’ creppo, a’ spasemo per ti?
 Sèto que sarà un dì?
 Mo el se dirà po: “El puovero Menon
 per la Tietta ha tirò su i scoffon”;
300e sì serè cason
 che, quando i m’accompagne a sepelire,
 de i fatti tuò agn’hom harà que dire.
 No me lagar morire,
 àiame de gratia, che te può,
305perqué a’ me desconisso con fa el bruò.
 Tanto è ’l ben ch’a’ te vuò(23)
 ch’a’ passo i tuò morusi d’un megiaro:
 Mian, Piero Vicario e ’l Crivellaro.
 Ah, visetto me caro,
310mo a’ te vuò ben pi che n’in vuol defatto
 a la Momina Giachemo Bruscatto!
 Tanto amor de bel patto
 Ghirardo e Zan Maria de Pericin
 no porta a la Maria de Meneghin;
315el n’in vuole el Chioin
 de Campeello tanto a la Berdina
 de Giroldo, c’ha lome Catarina.
 El me amor passa inchina
 quello che porta Bastian Taccon
320a l’Agnola, an po èlo de quel bon.
 Se tanto in vuol Baron
 alla Bortolamia d’i Zavatta
 quanto a’ t’in vuogio a ti, fievra me sbatta.
 No crere ch’a’ te smatta,
325ché Battista Bruscatto n’in vuol tanto
 a la Tia no; gnanche a la Giulia, Santo.
 El no xe gnan sì spanto
 Battista Gamba de la Val de Bura
 drio la Bruscatta sì bella figura.
330Crézilo, e sta’ segura
 che ’l n’in vuol tanto a la Granzanetta
 Agnolo da la Tore, no a la fetta!
 L’amore, o figioletta
 cara, che porta Zan Maria Sacchetto
335a la Santa, a pe del me no val un petto.
 D’i Zannini Zanetto
 no s’areccorda tanto de la Stella,
 co a’ fago mi de ti, Tietta bella;
 né Tomaso Isarella
340g’ha sì martello de la Franceschina,
 co g’ho mo mi de ti, dolce bocchina;
 gnan de la Catarina
 fegiuola de Lorenzo de Mio Zotto
 Tuogno Zavatta, gnan Zanneto Grotto;
345né de Matio Pilotto
 la Malgaretta, con la se regona(21),
 tanto piase al figiuol de la Titona,
 co a mi la to persona.
 Mo a’ son pi in ti per certo inamorò
350che in la Gratia el figiuol de Desirò;
 e sì no g’ha, ch’a’ ’l so,
 Bernardin Brendolan sì gran dolore
 per la Betta, co ho mi per ti, serore.
 Mo a’ te porto pi amore
355che no fa Andrea Toesco a la Sacchetta
 de Battistella, che ha lom Margaretta.
 Se ’l vuol sì ben, Tietta,
 Michiele(22) Mazzalovo a la Faggana,
 co a’ te vuò a ti, che ’l cancaro me magna.
360Cerca pur Tralia e Spagna
 e la Terra Toesca e on te vuò ti,
 che te n’iè per cattar un, co a’ son mi.
 Te porissi ben sì
 cattar chi te mostrasse amor assè,
365mo no che ’l suppia zà maor del me,
 ch’a’ te zuro, a la fe’,
 cossì con passa agno remore el ton,
 cossì el me amor trapassa quel d’agnon.
 
 
 40
 Al Magnifico Segnor Domenego Vaniero
 Pover hom, che n’ha pan, no vin, no sale,
 affamò, desconìo, senza un marchetto,
 che sea amalò e che no g’habbia letto
 e ch’i no ’l vuogia gnanche all’hospeale;
5osel sul vischio, impetolò con g’ale,
 e che veza vegnir d’alto el falchetto,
 no g’ha tanto dolor, quanto in affetto
 a’ g’ho habbìo mi, Paron, del vuostro male.
 Orbo, che n’habbia po mè vezù al mondo,
10arluminò da messier Iesum Dio
 no vé sì ontiera el sol lusente e tondo.
 Puttato boaruolo ben vestìo
 n’ha sì piaser, co ’l fa un salto reondo,
 quant’ho legriesia mi ch’a’ see guarìo.
15Horsù, zà ch’a’ sì insìo
 fuora de sì gran prìgolo, Paron,
 tuo(24) sto consegio, che ve dà Menon:
 magnè nomè de bon
 e laghè nar tutti i fastibi, se
20a’ g’hi vuogia de viver purassè;
 e se ben (co a’ vossé)
 a’ no poì(25) caminar, disì col cuore:
 “Fìate volunta tua de mi, Segnore”;
 ché ’l è doppio dolore
25l’haver un mal e n’in poer guarire,
 e tuorse po un fastibio(26) da morire.
 A’ me possé mo dire:
 “Menon, quest’è na stragna infermitè
 no poer nare, e haver tutti du i piè”.
30’L è ben la veritè,
 caro Paron. Mo que, no ghe n’è pi
 che g’ha ’n piezo che vu? Sì ben, sì.
 Mo sto drean mal, ch’a’ g’hi(27)
 habbìo, ha fatto compassion
35communalmente da per tutto a gnon.
 Mi, co a’ intisi, Paron,
 ch’ieri stò dò da i mieghi per spazzò,
 in zenocchion a’ me buttié chì zo,
 e per vu a’ fié st’invò:
40de far ch’a’ onfrissi, vestia de velù,
 una statola longa co a’ sì vu,
 con sti du viersi su:
 “Sier Menego Vaniero, amalò in letto,
 guarìo che ’l fo, portà questa a Loretto”.
45Paron, a’ v’imprometto
 che daspò in qua a’ g’ho habbìo sempre mè
 speranza in Dio e in la Mar(28) ch’a’ guarè.
 E, per haver sta fe’,
 mo tre notte el m’apparse, ch’a’ dromia,
50in insugno la Verghene Maria,
 tutta d’oro vestia,
 e sì me disse: “Alliègrate, Menon,
 che l’è saudia la to ration.
 Menego, to paron,
55ch’iera dasquaso insìo fuor delle porte
 della so vita, è scapolò da morte;
 e perqué a’ te conforte,
 a bell’aposta a’ son vegnua chialò
 da Cielo in terra a fartelo avisò”.
60Oh, insugno biò!
 Mo no sentiggi a dire, quando el fo dì,
 che ’l Tromboncin scrivea che ’l è cossì?
 No possando mo mi
 dirve ’l piaser ch’a’ g’havi, Dio, ch’è quello
65che vé ’l me cuore, sì ve ’l diga ello.
 Per certo s’un me frello,
 morto zà cinquant’agni, arsuscitasse,
 a’ no crezo che tanto el m’allegrasse.
 Biestia chi no v’amasse
70con tutto el cuore, sapiando chi a’ sì;
 e bistion, s’a’ no v’amasse, an mi.
 A’ no so s’a’ ’l crerì
 che mi a’ ve vuogio tanto ben a vu
 quanto a’ vuogio a miè frieggi tutti du.
75Mo chi serae quellù,
 an, che no n’in volesse, habbiando tante
 e pi vertù, che no ha ’l Ciel santi e sante(29)?
 Dal Polente al Levante
 no se dise altro, al sangue de san Piero,
80se no che vu sì hanor de Ca’ Vaniero.
 E in affetto ’l è ’l vero,
 e chi volesse negar sta parola,
 mentirae falsamente per la gola.
 
 
 
 Spataffi de Menon
 
 
 41
 Chialuondena è ’l corbame de Begotto,
 che no se pote aiar con do barile
 de vin a parar zo dal sgargantile
 un baldon, che ’l broava e n’iera cotto.
 
 
 42
 A pe de ste muragie è Desirò,
 che morì el poveretto in cuzzolon,
 mettandosse una cura de saon
 per esser stà diesdì che ’l n’hea cagò.