Archivio digitale veneto

Jacopo Morello, Lettra in lengua pavana

 

 

Lettra in lengua pavana scritta per lo argutissimo messier Iacomo Morello alla parona del so cuore.


[1] Parona, cossì vuole el me pianetolo, que a’ staghe tutto el dì su sti saoniti ilamorativi. Mo perqué l’amore m’ha pigiò, el me ten al so pettetolo e me rosega e guasta i miè slimbri a uno a uno, con fa el buzzò affamò un ponzinatto grasso, que’l tegne in le sgrenfe.

[2] La me morosa de mi fa quel conto de sto me sgagnolire, que fa el buzzò del criare e sbattere de la chioca, perqué la chioca, penzua da l’amore del so figivuolo, sbatte le ale e cria e no fa gnente; e cossì, fè conto, que mi a’ sea la chioca, la me morosa sea el me ponzin e ’l moroso della me morosa sea el buzzò. E se ben per sbatterme a’ sè que a’ someno in lo sabion e que perzò el buzzò no lagherà el ponzin, a’ no posso fare de manco que a’ no me desconissa tutto con fa la carne grassa in la pignatta que bogie a pe del fuogo; perqué l’amore me tira, el desierio me penze, le lagreme me invia, la duogia el vuole, i sosperi me ’l dise, el tempo m’incalza, la vuogia de buttar fuora sto me tromento sì me sforza, e lo insuognarme tutto el dì e tutta la notte de faellare con la me morosa me insegna a fare de sti saonitti.

[3] Mo slenzìme un puoco na botta sto me saonetto, e se ’l è cossì co ’l dise, fè la sequintia vu se quella traitora ha torto a no volerme per so sparaventolo da pararse i moscon, quando è quelle scalmazzine cossì grande.

[4] 

 L’amor un dì acolgò sott’un’ombria

 a bella posta l’arco in man si tosse,

 e me cazzé na ferza entro de le osse

 d’oro, fin alle penne, e po andé via;

[5] 

 e in entro el cuore, a chi arve la feria,

 con un bolzon tutto de piombo vosse

 far n’altra piaga, azzò que mè ella fosse

 del me voler. Questa è la duogia mia.

[6] 

 Mi desperò per valle e montesiegi

 cerco remielio e mai no l’he cattò

 né in parole, né in herbe, né in le pri.

[7] 

 El ciel, la terra, el mar, bestiami e osiegi

 pianze el me mal e, se Amor ste do fri

 no salda o scambi, andarè int’un sagrò.