Archivio digitale veneto

Alfabeto dei villani

 

 
 
 La santa crose, l’ave, el patanostro
 non se l’haom possù tegnir a mente,
 né letra fatta a stampa o con ingiostro.
 Arare e rupegare con gran stente,
5quest’è la nostra prima lecion
 che n’ha insegnò i nuostri mazorente.
 Bruscar le vi’ e metter di pianton,
 a’ sè che ’l vin che faon non ne fa male:
 nu bevon l’aqua e gi altri beve el bon.
10Cetole po reale e personale,
 i sbiri si ne ten tanto agrezè,
 coegnom lassar i lieti e ’l cavazale.
 Desculci, senza calce e strinciè,
 seom sbrendolusi e tutti si n’inzerga
15e sempre a’ seom i primi assachezè.
 E canta i preve sora i cuorpi e sberga,
 po ne castra i borsetti a man a man.
 Ge vegna l’ango mo sotto la chierga!
 Formento, mégio, spelta e d’ogni gran
20per gi altri semenon, nu martoriegi
 co un puo’ de sorgo se fazon del pan.
 Gagii, galline, oche e polastriegi
 gi altri si magna e nu con un po’ de nose
 magnon di ravi com che fa i porciegi.
25Huomeni e donne, tusi con le tose,
 el dì tutti se stenta quanto i pole
 e po la notte su le mille crose.
 I soldè d’ogno banda si ne tole
 e po ne lassa doppie le mogiere.
30Seom sempre i primi a far le muzarole.
 Kason de pagia, teze è le letiere,
 le stalle de le biestie è pur megiore,
 ogn’hom spublicamente el pò vedere.
 Luvi de notte si è nuostri segnore,
35rospi e ranuogi si ne fa el biscanto,
 d’aseni e gagii aldom sonar le hore.
 Martori sem con duogia e con gran pianto,
 le nuostre carte dise inspezorare,
 non sè como a’ possom mè soffrir tanto.
40Nassem tutti a sto mondo per stentare,
 l’è sì desgratià sta nuostra nagia
 che d’ogno banda se sentom pelare.
 Odio se portom tutti in la coragia,
 che se mostrom amisi al parlamento,
45può se magnessomo el cuor in fritagia.
 Polenta e porri è el nuostro passimento,
 d’agio e scalogne el corpo se noriga,
 fra la zente n’andom spuzando a vento.
 Quustion fra nu e andom cercando briga,
50spendom la festa i bieci in qualche ballo,
 el pan ne manca e i nuostri tosi ciga.
 Rustici seom chiamè, non è gnian fallo,
 sem tutti falsi, che ve ’l vuò dir pure,
 no havom po pi rason com ha un cavallo.
55Strope e stropiegi usom da far centure,
 le ne scusa per strenge e an per zuogia
 e da ligar le gambe a le zonture.
 Tusi e le tose, anchora che i non vuogia,
 attende a i puorci fin che gi è passù;
60zoveni e vechi, tutti sem con duogia.
 Vache co i buò, le biestie sta con nu.
 El mondo n’ha con biestie acompagnò
 e pruopio a muò de biestie seom tegnù.
 Cristo fo da villan crucificò
65e stagom sempre in pioza, in vento e in neve
 perché havom fatto così gran peccò.
 Phigiuoli che ge nasse dentro al sieve,
 ge faom le spese e sì i tegnom in ca’
 e no saom si gi è nuostri o pur di preve.
70Zape e baili, vange e la gugià,
 co i nuostri cortelaci tachè al fianco,
 quest’è la letra che n’è stà insegnà.
 Et te sè dir che andom dal puoco al manco:
 a’ cherzo ben che ’l dì del gran deslubio
75a’ saron di maliti dal lò zanco.
 Con hagom del ben el svola via in un subio,
 stentomo in tanta duogia e strussion
 ch’agom la vita amara co è ’l marubio.
 Romponse pur la vita co a’ vogiom,
80sarem sempre de quigi ch’è al fondo:
 martori semo e martori sarom.