Archivio digitale veneto

Viaggio de Bellon e Grigion

 

 
 
 A’ ge seon pur arivè
 a le Veniesie che fé Dio Pare!
 Mo el bel serà andar per sti fossè
 a catar la ca’ bella del paron.
5Vòlzite, vêla chive in sto canton.
 Bondì, messier paron.
 Stèu ben, stèu ben, an?
 Bestia, ti sé qua? E ti, laro,
 che vastu fazando?
10Ve lo diron de boto, paron caro.
 In sta doman così dromando,
 perqué in ca’ no g’iera pan,
 dal leto s’anassan
 inviò disroigiando
15al sberegar del galo,
 e così senza falo
 a Pava vegnissan
 e a un desco pin de pan
 da un chiamò Busetto
20s’apondessan de netto.
 Al sangue de tortiegi,
 a’ s’empissam i buegi
 che ne costé un marcelo!
 El zogo no fo belo.
25E po verso ’l Portelo...
 Te g’he lassò el pi bon,
 dol vin, ’ta chi te fé,
 e de le inzafranè
 tripe da compagnon.
30Orsù per la to fe’
 no me smelmoriare.
 E sì, con vo narrare
 innanzo chivelò,
 nel burchio a’ intresam.
35Quel capitagno armò,
 vezando in la sgalmiera
 che eva de bon ciera,
 ne fé un invio de fatto
 a fare sproficiatto,
40e lì bevon assè.
 E po, qu’è che no è,
 a dir senton: «Oh, oh,
 in barca, in barca ancuò,
 su, ch’anagamo via!»
45Ma perqué in la strettia
 star no è usi algun de nostri pare,
 s’assan de fuora tutti du a colgare.
 Cancar te magne, uh uh!
 Te no g’he ditto de quel stropiò
50que se ficà in le gambe quel telaro
 e sgrafà co le zate quî cordon
 fazanto vierso co fa un zugolaro!
 A’ ’l volea ben dir an mi,
 mo te me cavi giò de carezà.
55E sì, con ve don dire,
 sta biestia, paron caro,
 pi de tre torne se sentì a criare
 viersi de porco, signore,
 de can, de gate, de veello
60e di bobaron,
 tusi nomè nassù o polirello
 gi avea a somigiare.
 E po, qu’è che no è,
 i cria: «Dismontè!
65Seon a Stra, chi vo magnare.»
 E nu crezando ben
 de bando empirse el sen
 livelò se sentessan
 al desco e adosso al pan.
70Ma no stè tropo a dire
 cierti che have a vegnire
 con li so grombiale:
 «Che ’l no ve fage male:
 un marcelo per hom.
75Bon pro ve fazza.»
 Doh, el cancaro in la fazza
 a sto criar magnare!
 Te vo pur ti rengare.
 Quando sti manigoldi
80tocava in su sti soldi,
 paron, l’andava stretta,
 perché in la borsetta
 no g’iera sbeci algun.
 Ma in quelo vene un
85e li chiamè inviò
 e nu se assan pensò
 e co la vesan bela
 se trassan la gonela
 e in cavo el scufion,
90e nomè un ochio bon
 Belon mostrava havere
 e mi squaso poere
 tirarme drio un pe,
 talmen co i fu tornè
95pi i non ne cognossé.
 Ma la fo ben pi bela,
 ch’a’ sbitessan al Dolo
 e anche in la scarsela
 la missi al barcarolo
100che non fossan gnan nu,
 e lì montassen su.
 Mo su, t’he ditto assè.
 E po, qu’è che no è,
 sentom pi de siè ose
105criare alle Riscose:
 «Toion, toion cavallo!
 Un soldo, su, per hom.»
 E nu a ronchegiare
 per no cognir pagare,
110e co i ne smisiè
 se fassam da amalè,
 a tal ch’a la fe’ mia
 l’andé de sora via.
 Hetu contò del frare
115poltron, te dirò, tanto
 che i so lutrani fare
 volea da pi d’un santo
 e co so falsi inganni
 sora li taliani?
120Disème ben, se vi varente Dio,
 li fu risposo a questo can zudio?
 Quel stropiò de botto,
 ch’i chiama Damian,
 ge disse: «Sier Arlotto,
125va’ via, va’ cerca el pan,
 che te no he ben studiò,
 perché seando fondò
 el cristian fidele,
 el solo in questo mondo
130soto la fe’ di Iesun Dio beneto,
 questo è ’l meior de certo
 e per so viver ben
 serà sempre mè eterno.»
 E in mendequé a Oriago
135a’ zonzesan de fatto
 e li dassan un pago
 de buoni pugni al matto
 frare per il so pricare,
 e senza altro pensare
140chi per i piè chi per la laca
 el trassem fuor di barca.
 Me Dio, te g’he lassò
 de le tante palè
 e sbiri de ivelò,
145ch’i par propio buzè
 ch’i sia per el confin
 atorno a i polzin.
 Te m’he tanto imbavà
 che no è smaravegia,
150perché, dise ’l sletran,
 trapende nel mon
 no pisi in cendere vero,
 che in avogaro dise:
 «Così chi pissa in cendere
155smorza el fuogo in ca’ so,
 talmen chi a un lò l’animo pende
 no pò star fermo pi quando ’l è urtò».
 Ma te m’in farè tante
 che, con disse colù,
160il sottoverchio
 te romperà el coverchio.
 Orabentena, digo,
 e ti an anchora.
 E po un antigo
165sento criar: «Al caro!
 In tera, frelo caro,
 su, ch’a’ tiramo fuora
 sta barca!», e mè no vezo
 cari né buò a tirare,
170talmen che alhora crezo
 deverme desperare.
 Me volzo po per vêre
 in questo dispiasere
 questa bela citè
175e po co ben me adié
 che gi erbor no se vêa,
 fu per tornar indrio;
 ma pur con piasse a Dio
 se fichessan tremando
180in sti vostri burchiegi,
 talmen che là digando
 patanostri e agnodei
 insan de sto pimento,
 azonti a salvamento
185cantando una canzon:
 In te ’l zardin d’amore
 donde sta el mio caro ben.