Archivio digitale veneto

Frotola d'un vilan da Bonden

 

 
 
 Te n’oldi, Rengardo?
 Chiama Bertiè
 e tutti tuò friè.
 Vegnì za tutti.
5Me ne g’oldì, putti?
 Te n’oldi, Gangaiolo?
 Chiama Toniolo.
 Che stavu mo a cagare?
 El dixe miè pare
10che vegnì tutti za.
 Or ben, brigà,
 e’ ve vuò pregare
 che me staghè ascoltare
 quel che ve dirò,
15e po ognun per so co’
 diga el so parere.
 Havì ben possù vàre
 con quante brighe,
 stienti e faìghe
20per i tempi passà
 e’ me son semprema’
 afaigà a lavorare
 solo per guadagnare
 un qualche caveale.
25Havemo quella vale,
 ch’è là su driè al canale:
 se i arzeni starà,
 el ne fu ma’
 sì bel paese
30quanto sarà mo quello.
 Havem po sul Gavello
 quel bon pascàvolo,
 che crezo che ’l diavolo
 g’ha somenà l’erbàigo,
35e se non m’aràigo
 l’anno passà
 el ghe fu pur segà
 un bello e bon fen:
 se me recordo ben,
40pi de dosento cara.
 Havem po in Val Boara
 quel bosco e quella vale,
 e là su driè al canale,
 al Drigagno,
45al Traversagno,
 tante chiosure
 terre araure
 con quei bon pergulà.
 Come ognun sa,
50i val de gran dinari.
 ’L è ver che i costa cari,
 ma i è almanco bei e buon.
 Havem può in Gambaron
 quella possession
55con quelle piantà,
 che ogni anno fa
 el vin dolce e mauro:
 sol el primo si è puro,
 el segondo è marello,
60el terzo anche ello
 è dolze che ’l acuora.
 Haven dapò anchora
 tante cavalle,
 che le vale
65de gran dinari.
 Haven può cari
 e lilze e brozzi,
 e quei bei rozzi
 e vache bergamine,
70piegore, porci e galine,
 cavre, becchi e busi d’ave,
 e fieri da segare,
 e qualche dinari
 segondo nostri pari,
75zappe, baìli, vangetti
 e segetti,
 forche da fen.
 Ognun m’intenda ben,
 ch’ogni cosa val dinari,
80sì c’ho stimè che ’l vale
 a la riale
 tra roba e mobilia
 un qualche diexe milia
 livre de marchesan.
85El è molte doman
 che fra mi vo pensando
 e imaginando
 che per la guerra
 fu desfata sta terra
90e se stemo al Bonden
 e’ sgangerem
 e sì andarem
 al marzo hospeale.
 L’è arzenà le vale
95e ’l ne se pia pi pesse,
 le nove brige cresse
 faìghe e lavorieri.
 El me disse l’altrieri
 el nostro massaro,
100Zorzo Calegaro,
 una novella.
 La no fo bona né bella,
 el me fé tutto ruffare:
 che se chen comandare
105ognun del nostro Comun
 con pan e vin per un
 al Barco a lavorare,
 che se possa livrare
 sto maledetto Barco.
110’L è pur un gran incarco
 e gran vergogna:
 sempre el bisogna
 starghe lì anegà.
 Dapò questo è ordenà
115andar tutti alla Rotta,
 che l’è là su de sotta
 da Scortegin,
 e portar pan e vin
 per un mese.
120Ogni dì cresse spese,
 ogni anno do o tre volte
 se chen butar le colte
 e catar i dinari
 da pagar i saltari
125e ’l capitanio del Contà
 pò andar in donegà.
 El gh’è la daìa,
 la carezaria,
 che ne cava el cuore,
130l’oxelaore
 che ne cava el fià.
 Ben m’ea desmentegà
 el maràigo
 e ’l bocàigo.
135No gh’è po lo ’nzegnero?
 Putana mo del vero,
 ne ghe faria
 l’intrà della baìa!
 El sa ben Cavacin
140s’ho fatto bon sumaro:
 la me va de dinaro
 in più de diese lire.
 El gh’è po quelle colte,
 che pi delle volte
145desfà i poverhom.
 El gh’è po quei ghioton
 de quei nostri saltari:
 i defsà i nostri pari
 con queste so chiuse,
150i le dà a tutte vose
 senza haver i danni,
 i ne fa mille inganni,
 i ne va ma’ in campagna,
 ch’ognun s’in lagna
155de sti poltronazzi.
 El ghe vorria di lazi
 e una vi’ gropellosa
 e tirarli su in alto
 e farghe far quel salto
160che se rancina el pe.
 E’ vo dir quel che fé
 zà più de diexe dì
 quel da Casal a mi:
 el m’anchiusà per danno
165del capitano
 con bestie boine
 e cavaline
 intre suò formenti.
 Che possa morir a stenti
170se le ghe fu ma’!
 Sì che son condanà
 a darghe po el so mendo,
 ma segondo che intendo
 l’amontarà de soldi.
175A l’ochio de Diè, oldi:
 e’ ghe ne impagarò,
 e sì ghe insegnarò
 haverme chiusà a torto.
 Se fosse certo morto
180per man de Comun,
 ghe caverò el ventron
 non varga diexe dì.
 E così pensando mi,
 anden de mal in pezo,
185come me acorzo e vezo.
 Se stemo al Bonden,
 e’ se desfaren;
 ma per utile e ben,
 vargà la està e colto
190el nostro recolto,
 e’ vuò che tignan muò,
 se desse vendre i buò,
 de farse cittain.
 Fatto san Martin,
195anche inanci se ne pare,
 che ognun debam andare
 a star alla città.
 Ognun impararà
 un qualche mestiero:
200el ghe ’n serà un barbiero
 e un muraore,
 un caraore,
 un veludaro,
 un sartore
205e un calegaro,
 un marangon,
 e cossì ognun
 se guagnarà le spese.
 E’ so como el Marchese
210ne vederà in ciera,
 che più che volentiera
 n’alozarà
 in quella so città
 per suò bon citain.
215Che ditu ti, Gangin?
 Che t’in par, Beghignardo?
 Che ditu ti, Rengardo?
 Che t’in par, Toniolo?
 Che ditu, Gangaiolo?
220Che t’in par, Bertiè?
 Che ditu ti, Tomiè?
 Che v’in par de sta cosa?
 Ognun faza resposta
 segondo che ghe pare.
225A l’ochio de Diè, pare,
 e’ non me achiapparì!
 E’ vu’ responder mi.
 Quanto per la mia parte,
 se me fiessi mille carte
230de zò che havì,
 e’ non me menarì
 a star a quella Frara,
 perché ne se gh’ impara
 se no ghiotonerie,
235ribaldarie
 e traimenti,
 sassinamenti
 e de robar dinari.
 El gh’è quî usurari
240de citain,
 che per un bolognin
 e men de tre tritelle
 i cavaria le buelle
 a i nostri pari.
245El gh’è può quei noari
 ch’è così gran lari,
 e quei procuraori
 e comandaori
 e sbiri e soldà
250che mai non fa
 a pensar muò e via
 de scortegare
 i povri contain.
 Domandà un po a Menin,
255che l’altro dì el g’andà,
 come l’ave tratà
 quel misier Zifrè.
 E’ zuro su la fe’
 che ’l m’ha domandà
260per tempi passà
 per fitto d’una vale
 tanto quanto vale
 una pezza de terra,
 e sì me fa una guerra
265in ver contra rason;
 mi, che son poverhom,
 se son sforzà a pagare,
 serà forza impegnare
 zò che ho al mondo,
270e così al profondo
 se ne va i poverhom.
 El gh’è po quei ghioton
 de quei artesaniè,
 che sempre i va driè
275a mile vie scorte.
 Andaven po alla Corte:
 el gh’è quei cortesan,
 che mai sira e doman
 non fa se no studiare
280e pensar trapolare
 le povere donzelle;
 e’ digo, le più belle
 son le prime achiappà.
 Vu volì menar là
285la Lucia,
 la Tadia,
 la Maria,
 la Malgaria
 e le altre belle putte,
290che son così da vêre
 e da parere
 co zoven del paese
 e anche in Ferarese
 segondo nostri pare?
295A l’ochio de Diè, pare,
 se giè le mené a stare,
 non varga diexe dì
 che ve ’n pentirì
 d’avergliele menà.
300Oh, t’ha ben sbavezà,
 zuise de Palasio!
 Tu cri pur star ad asio
 andar tutto el dì driè
 al culo alle putane
305porche ruffiane,
 che sempre ma’ te fura,
 e ti non te fè cura
 d’utele e d’honore.
 El serà questo amore
310che te noserà,
 e sì te farà
 romper el collo.
 E’ te zuro per san Polo
 el non varga diexe dì
315e anche men de tri
 che farò testamento,
 e sé per san Chimento
 te lasserò
 quel che non te torò
320in ver contra rason.
 Deh, pezzo de poltron,
 non te vergugni
 a farme tal risposta?
 Miè par possì ben dire
325a vostra posta
 quel che vorì,
 che ve digo così
 e sempre ve ’l dirò:
 ma’ no ’l consentirò
330che digà abandonare
 ca vostra per andare
 a quella Frarra.
 Al corpo de san Chiara,
 e’ credo che sii mato
335e che havì de fatto
 perso l’intelletto!
 Deh, guarda, al despetto
 de san Roman,
 che questo christian
340ne vuol disfare
 e farne andare
 dispersi per el mondo
 e cazarne in profondo
 onde che sen signuri!
345Oh, te viegna i doluri
 che te possa amazare!
 Ti te dà vergognare,
 brutto baldazzo,
 a muò d’un giottonazzo
350come ti è.
 Ma sia in nomine Diè
 e de misier san Piero,
 n’è questo Sguarniero
 che vedo che vien za?
355Mo fate un poco in za
 bel brighente,
 homo da niente,
 imbriagonazo,
 bastardazo,
360magna monton!
 Che ti vignia el carbon,
 pezzo d’aseno!
 Che ti vegna el spasemo,
 porcazzo da fango!
365Che ti viegna l’ango
 e tanto l’anticore
 che ’l ne varga do hore
 che te possi schioppare
 con fé mai ovo in fuogo!
370È questo un bel zuogo?
 È hora che te viegni?
 E’ ne so che me tiegni,
 a l’ochio de Diè,
 che ne te pia de driè
375per quella zazzerà,
 zacara zacarà,
 e con un bon baston
 dar tanto sul gropon
 che ’l non te valerà
380a fuzer via,
 che ’l ven la Malgaria,
 che la te bolarà
 d’altro che de cira,
 e darte da insignare
385se tu diè stare
 a quest’hora a vegnire.
 Vientu da la Torte
 o da Pizigoton?
 tu un po stà al Canton
390a ballare e a saltare?
 Faristu pizigare
 le donne in mezo el ballo?
 Qual è mo el più bel gallo
 de tutti vu?
395Hivu ancuò vezù
 vostre morose?
 E’ zuro per sta crose
 de miser Iesù Cristo
 che te farò el più tristo
400homo che fusse ma’.
 E’ vuoio dir, brigà,
 de le mie legrezze.
 Quante grameze
 el m’ha sempremai dà
405sto desgratià!
 E’ cre che ’l fu
 del sesantanove
 che volsi far le prove,
 farlo rezeore
410e governaore
 della ca’.
 Bensà che ’l have dà
 a Gasparo Carlin
 per farse citadin
415un buon pezuol de terre.
 Te ne sappì vedere
 che ’l vegnìa da città
 tutto tribulà
 e d’una mala voia.
420El parea proprio
 che ’l havesse le doia
 del morire,
 e sì comenzò a dire:
 “Pare, semo ingannà.
425a nostra civeltà
 non val più negotta,
 me par, ch’a la rotta
 zà fa più de un mese
 el disse el Marchese
430non vol che contain
 se fesse citain
 se in prima n’era stà
 diexe anni alla città”.
 E’ ve possì pensare
435se me diebe alegrare
 quando el disse così.
 E po anche l’altro dì
 el fé certi presenti
 a quel di Arienti,
440che ’l disse ’l è so amigo,
 (e savì qual e’ digo),
 che ’l ghe fu preso
 i dinari e i presenti.
 E questo è di contenti
445che ’l m’ha sempremà dà
 sto desgratià fiolo.
 Oh, vien za ti, Toniolo,
 che Dio me ’n dia alegreza,
 che pena e tristeza
450non m’è per mancare.
 Vien dime che te pare
 e guardame su dritto
 e fa’ mo che comprenda
 e chiaramente intenda
455quel che tu vuò pur fare.
 Me ve digo, pare,
 che sempremà
 serò pronto e parechià
 a far quel che vorì
460Se anche vu farì
 quel che vorò,
 e’ verì che attenderò
 sempremà a far ben.
 Oh, Dio me faza ben
465e santa Maria!
 Fate in za e di’ via.
 Che vuòtu da mi?
 Se me compiaserì
 de questo c’ho nel petto,
470e’ ve zuro e prometto
 che sempre e’ ve obirò
 in quel che saverò
 alla desbandonà.
 E’ vo che vu sappià
475che ’l è dei misi siè
 che me inamorié
 in una garzonella
 savia, honesta e bella
 e tutta gratiosa,
480e l’è virtuosa
 e grande de persona,
 zentil, lizadra e bona
 e d’un bon parentà,
 sì che son delibrà
485de volerla tuore.
 Anche ella muore
 de volerme mi.
 Zà più de sette dì
 se favelassemo
490e prometessemo
 e dessemo la fe’,
 presente Manfrè,
 de tuorse l’un l’altro.
 E’ non gh’è da far altro
495se non dirlo a so mare
 e farla domandare.
 Mo tegnì mo che l’abia.
 Oh, ti viegna la rabbia
 inte ’l buso del culo,
500testa de tamburo!
 Non vitu, sagurà,
 che la dà calefare
 e befezare
 e tuorte all’ancinello?
505Sì, perché ti è bello
 e sì ben informà!
 L’è proprio inamorà
 in le tuò zentilezze,
 in le tuò bionde drezze,
510che ti è così azarì!
 E tuòteme de chì
 e pi non m’abarare.
 A l’ochio de Diè, pare,
 la me vol un gran ben!
515Mo se non me la diè,
 e’ non farè
 cosa che vorà.
 Oh, fate un poco in za
  dime chi è costié.
520Pò far Domenediè
 che non la cognossà?
 Mo no mi zà.
 L’è quella che sta là
 de driè dal Castello,
525da ca’ de sier Zanello,
 là driè Burana
 zo da Mezana.
 Sîvu mo qual e’ digo?
 Pota de san Rigo,
530e’ digo in to bonora
 che non t’intendo anchora.
 Dime el che e ’l come,
 arenga con l’ha nome
 e fa’ che mi la vezza,
535s’tu vu’ pur che te ’l creza.
 L’ha nome la Zoanna,
 l’ è a ca’ d’una so cia.
 El gh’è ben poca via,
 presto gh andaren.
540Oh càvemene almen
 e anden via presto,
 che vuò po andar a vrespo
 con ’l è per mie’ sonà.
 O miè par, vîla là,
545la vien proprio alla festa.
 Vî, che ve ’n par? L’è questa
 ch’è a pe de la Rosina,
 c’ha quella bambasina
 con quel bel drapesello.
550Oh, occhio mio bello!
 Pare, voltàve chì.
 Vidissi a i vostri dì
 ma’ pi sì bella putta?
 Vî un puo se la gh’è tutta.
555Mirà un puo quel bel viso.
 Crivu che in paradiso
 ghe ’n sia una soa pare?
 O caro me pare,
 e’ me sento languire,
560destruzere e morire
 e in tutto crepare
 e dentro schiopare
 per amor de questiè.
 E’ sento el fatto miè
565e so ben com e’ sto.
 Vedì pur, se non l’ho,
 che vu me perderì.
 O sagurà,
 matto spazà,
570ti te becchi el cervello!
 Per gir in zuparello
 te cri che una zoenetta
 savia e honesta
 e bella, come è questa,
575s’inamori tiego?
 Che mo priego
 Dio e la Mare
 che me possa aidare
 e po darme forteza
580zà mo te vuò che creza
 che la te vuoia ben.
 Ma presto e’ vederen
 se l’è come te dì,
 e spettame chì
585e non te partire,
 che vuò andar a sentire
 se custiè t’inganna.
 Diè te salve, Zoanna.
 Zoanna responde.
590Diè ve dia sanità.
 Orsù, fiola, ma’
 non havere vergogna,
 el non besogna.
 Sta’ pur segura
595e non haver paura,
 dime la verità.
 Ètu inamorà
 in Toniolo,
 miè fiolo,
600che ti habbi prometù
 de torlo lu
 e lu de torte ti,
 e de tuorlo per marì?
 Orsù, fiola,
605non havere temanza,
 che l’è ben usanza
 che i zoven se inamora.
 Suso in la bonora
 dime el tuò pensiero.
610Dozà, barba Siguero,
 me fai smaraveiare,
 vu che sì so pare,
 che fusse sagurà
 che me fusse inamorà
615in quel matazuolo
 de quel vostro figliolo.
 Dozà, barba miè,
 pò far Domenediè
 che non lo cognosà
620che ’l è matto spazzà,
 che ’l non è da moiere?
 Guardalo un poco in viso!
 E’ me fai vegnir riso.
 E’ derissi pensare
625e imaginare
 che ho el pensier altrò.
 Mia mar sì me insegnò,
 bo e vaca va e vien
 ca ’l marì tegnir convien.
630Corpo de mia besava,
 che l’avisava
 vegnando fra mi
 che l’andaria così
 che la se cruzaria!
635E’ pagaria
 un par de buò
 non haver parlà ancuò
 e n’haver ditto niente,
 che vedo propriamente
640che sì matti tutti du.
 Vien za ti, Tuniolo.
 Ne disia mi
 che ti eri un pegoron,
 che ’l era mo qualcun
645che te volea chiappare
 e inspaurare
 e tuorte a l’ancinello
 e farte andare
 in qualche cagaduro,
650testa de tamburo,
 ch’ognun te dà trastulo
 né mai te tuò de ca’?
 Andemo pur a ca’
 che ’l fatto to è spazà:
655el dixe la Zoanna
 che l’è trista e grama
 d’averte mai vezù
 e manco cognosciù.