Archivio digitale veneto

Sonetti pavani del cod. Ottelio

 

 
 1
 Fregi, per certamen, se non mi pento,
 e’ ve vo dir un dì la mia peconia:
 e’ son sì forto inamorò in la Tonia,
 che par che m’abi el cuor a mo che strento.
5Se ge disese pur el me pimento,
 e’ non harè bonamen più melenconia,
 ma, quando ge ’l digo, la se indemonia,
 che ’l par che g’abia fato un traimento.
 Quando e’ la vezo tal fià da doman,
10e’ ge dago el bon an co i bei muò,
 e ella me dise: «Diè ti dia el mal an!»
 E se ge digo: «Hetu vezù i miè buò?»,
 ela me dise: «Mogia, e’ gie n’arò, ahan!
 Zà soi ben an mi qual che tu vo!
15E’ digo, s’tu me vo,
 imprométime e vegnerò via po,
 ma e’ no vòi far vergogna al parentò.»
 
 
 2
 Frelo, el me vien tal volta sì avitò,
 che ’l me par pur un boleo piantò in le cosse;
 el fa doe sguanze e doe sbaìse rosse,
 che ’l par un luzo che ’n Brenta sia piò.
5Se me ’l strenzo e me ’l fazo scarpelò,
 el se me driza e fa le vene rosse,
 e se ’l aluogo può che ’l se riposse,
 el me sta rebelio che ’l pare un chiò.
 El ge bate le tempie e sta mè duro
10e tal volta de voia sta imborio,
 che ’l passarà da para ben un muro.
 Per mi non g’è mo fante da mario
 né altre che voia, né che per dinari
 né che ne daga per l’amor de Dio.
15Ben m’ha insignò i boari,
 mo ’l è peccò. Mo ti, che sè letran,
 dàme altro muò senza menarlo a man.
 
 
 3
 La Tonia e mi e la puta del Barcega
 si corévenu a Pava al pignolò
 e un fante citain, ch’era ivelò,
 me dé una bruta picega in la nega.
5E’ me ge sdrusi incontra sì gramega
 che ’l fi star tutto mè smeraveiò,
 e sì ge dissi: «Che criu che sia ampò?»
 El disse: «Duosà, mo sì ben salvega!»
 E po disse: «Mo, non se scorozon.
10E’ non fu mi, mo vu sì ’n gran rego:
 el fu quel altro che v’è più a galon.»
 «Mo meravìa, - disio -, e’ non ge vego!
 E che sì che ve darò un muson
 che forsi traceron el comparego!»
15E dìssige: «Ioton!»
 Ben che ’l sia citaino zarlaore,
 che ge vegna el bià l’anzicuore!
 
 
 4
 S’i no se ne ha ben dò, niente ge vagia,
 quei che havia in cerca quei ferraminti,
 che harà zurò per mille sagraminti
 che gi ésse facto da ira batagia.
5E’ vegno a vàro e sento ch’agnon sbragia
 e vézone ive zo du che s’ha spinti,
 che ’l non porà agiargi pi de vinti,
 ropetando con fa i bo in la travagia.
 Po i se sbatea per entro a quelle lame:
10de lenze fora el parea a vàr nomè
 un bosco, nom’ a odir sbregar legname.
 Deh, per velù, s’i sofrirave mè,
 con fa i motoni che se urta el bestiame,
 con quelle stanghe, quelle smagonè!
15Fossi pi de do fiè,
 quando gi aea in cavo quel baorale,
 ge ’n fu che se agoré a pe l bocale.
 
 
 5
 Lassa pur, frelo, lassa andar che vaga,
 che stago ben sì songie inamorò.
 Frel, quella puta m’ha sì apimentò
 che non so là o’ me sia né là o’ staga.
5E’ crezo ben che anco ella se n’adaga,
 perché e’ la guardo e la me cegna po,
 e sì me sgregna, e mi vegno avitò
 e fame tuta imbosemar la braga.
 El me ven grando, frelo, a mo un pilon,
10e ’l me sta tesso e no ’l posso alogare,
 el me zonze de chì fin al galon.
 Oh, se ge la poesse mesiare,
 e’ la farà parer de sti molon
 che ha le fette averte rosezare.
15Ge la faré imbrelare
 e sì ge butarà tanto bruò in boca
 che ’l parerà che ’l g’aesso schitò un’oca.
 
 
 6
 Amor cun un carcasso de piluoti
 un dì de marte, el dì de Carnevale,
 si sdrussì a mi, che havia el domenegale
 me gabaneto cun manege arluoti,
5e tràsseme un bolzon cun certi muoti
 e disse: «O fante, non l’aver a male,
 che son la Tonia del barba Pasquale,
 che vol che tu la meni instanti ai Puoti.»
 El fante alò che ’l l’ave mè ozua,
10mille dolciori d’amor al cuor ge ven,
 e disse: «Togna, massara del me core,
 tu sie per mille volte ben vegnua!»
 
 
 7
 El fu un dì che non so se un mariazo
 se ge fasia o che, che i ge balava
 a la cità e i cagariè da Pava
 s’inmascarava tuti sul Palazo.
5Un g’era, che i ge disea Menegazo,
 vestì a mo villa, e stava ive e zarlava.
 Tu arissi dito ogn’homo el calefava,
 sì févei d’ello a mo d’un bel solazo.
 El g’era po che havea peze sbusè
10denanci a li occhi a mo de zentilia,
 con biè gaban e con zornie frapè.
 Questi s’agia al son d’un sdindanare
 con no so che suò zocatei forè
 e vegnia a tor la fante per ballare.
15El g’era trombe e zamare
 e quei sguoluoti da iesia d’ariento,
 che i ge dà il fiò con un sospir da vento.
 
 
 8
 E’ fu in su ’n possarachio asofegò,
 quando e’ fu al mercò con la mia paia.
 E’ me incontrî in no so che canaia,
 che m’a mezo schizò el cuor e ’l figò.
5E’ possea assè dir: «E’ son imbragò
 in le gabane de sta scolaraia!
 Non me penzì, carbon!» Un mataraia
 disse: «Va’ via, che mo fustu anegò!»
 E’ te sè ben que dir ch’i m’aseliava,
10che i me dé tante pente e sponsonè
 che zurî de n’andar più st’anno a Pava.
 Tu porissi mo dir: «Zò sì, i trepava.»
 Deh, cagasangue, se non magno mè,
 i m’haea più smasenò che n’è la fava!
15Mo di’, s’i m’acatava
 con la femena, que gi arave facto?
 Ch’i me pelava a muò d’un bel occato!
 
 
 9
 El me assagì Bertazo e fasìa inanzo
 per darmege d’un pugno sul mostazo
 e sguainando fuora un cortelazo.
 E’ treti un salto, frelo, e si slanzò
5sto cagasangue sì m’arave impanzò.
 E’ reparava con un pertegazo.
 E mi ge dissi: «Ahan, e n’arò mo impazo,
 se fazon briga, ché n’avon d’avanzo!»
 E tu non sè che po fu denonciò
10a Pava al zuxe da l’Aguia, o che è,
 da un che stava presso lialò.
 E’ ge dissi: «Mesere, e’ non ge dié,
 ma su na furia e’ g’arà ben dò,
 se ’l me ge fusse pi imbragà tra i piè».
15Un che era ivi de driè
 disse: «Andè e conzèlla con ve piase:
 Da’ vintiquatro soldi e fa’ la pase».
 
 
 10
 Andando una matina al iesiò,
 come fu zonto dentro da la reza,
 lì acosto a quel pilon, lò che i bateza,
 stava una fante col cul apozò.
5Una negrata grande, e’ digo ampuò,
 sì ben guarnìa con fante che ge veza,
 con un gaban morello e una coreza
 e con un scufion insofranò.
 E’ me ge sdrussi incontra in zonochion:
10la disea paternostri e an mi in disea,
 entrambi du se bateven el magon.
 E’ ge cignava, ella se la risea.
 Con critu, frel, che me tignea bon?
 Cossì fazando nesun non se ne adea.
15Pota del vermecea,
 se non sia smezanò! Un puo’ pi che stea,
 era sì inamorò che non ge vêa.
 
 
 11
 E’ vussi rebaltar de drio un paiaro
 una doman la fante che ha el me amore.
 Ela me sgiaventé un calzo de core
 e azónseme chialò nel pissolaro.
5E’ cazî live intr’un fossò, frel caro,
 che non sentî mè pi sì gran dolore,
 e dié zo in quel fangazo e fé un romore
 che ’l parse stravacò lì zoso un caro.
 Alò che la me vete ive acolgò,
10la scomencé un poco a muò a sgrignare.
 Ohimè, frel, che la te harà acorò!
 E’ no me possea mover né squassare
 e me sentiva tutto sborozò
 né no havea voia pi de torezare.
15La me vosse po aiare
 e mi dissi: «E’ no vuò, e’ son scorozò».
 Ela me disse: «Mo via, havom cagò!».