Archivio digitale veneto

Pianto de la Tamia

 

 
 
 Oh trista te, Tamia,
 oh trista la vita mia,
 la bona compagnia
 con ben tu l’ha perdua!
5La gente te salua
 sì gramezosamente.
 O Biasio mio valente,
 quanto eri mè aprisiò!
 Quando a’ sagié ’l fossò,
10che ’l me muzò un peton,
 que distu, compagnon?
 «Pro te faga, Tamia.»
 O Biasio, vita mia,
 o Biasio mio polito,
15mo quanti harè mè dito:
 «Haìstu cagò el core!»
 O Biasio mio d’amore,
 balando a Carpaneo
 tu me strenzesi el deo
20con un sì bel resotto.
 Tu me dessi un pizegotto,
 a’ digo, inte la nega.
 A’ me mustré salbega
 per salvare el mio honore.
25O Biasio mio d’amore,
 dal montesuol scafo,
 mo tu menesi un schiafo
 a quelù che zanzava.
 O Biasio, i t’acusava
30a quî zuse e noari.
 Oh quanti dinari
 che tu lassò per mi, frelo!
 O Biasio el me castelo,
 con quella to gabana
35tu parivi una inguana
 sì èritu svermeio.
 O Biasio bon conseio
 per ste vile apresiò,
 tu harisi ben bastò
40a la Tavola Rionda.
 O Biasio testa d’oro,
 con quei tuò bei cavegi
 sì bianchi e sì svermiegi,
 ch’i parea fili d’oro!
45O Biasio el me trexoro,
 o dolce speranza mia.
 O Biasio raise mia,
 tu eri pur zazarin
 che tu parivi un paladin
50dentro a quel iesiò.
 O Biasio mio honorò,
 de la to scura morte
 quanto ne duol mè forte
 per tutte mè ste vile.
55O Biasio mio zentile,
 con le tuò calze solè
 bianche, rosse e stringè,
 con straliere a i braci!
 O Biasio, quanti solaci
60stringò a sette straliere!
 Tu me desivi: «Moiere,
 te par che sea gramego?»
 O Biasio bel trepego,
 siando a quelle putte
65le se sgrignava tutte
 per lo to bel rengare.
 O Biasio, che ’l me pare
 una sì stragna cosa:
 tu zazi in quella fossa
70e si magni de la terra!
 O Biasio, che sta guerra
 è stò male novelle:
 tu ’n he lassò la pelle
 per andar al campo.
75El no s’in cata stampo
 de la tuò cervegliera.
 O Biasio, sì vontiera
 che tu g’andiessi là oltra.
 El fo impegnò la coltra
80per comprarte i brazale.
 O Biasio mio reale,
 el paron si vol el fitto,
 ben che ’l preve m’a ditto
 che non me daga pensiero.
85O Biasio mio, ch’a’ spiero
 de piar altro partio:
 a’ voio tuor mario,
 che non posso pi durare.
 O Biasio, con don fare?
90La sale e la daia,
 se ’l preve non m’aia,
 a’ no ’l porè pagare.
 Ma ’l posso rengratiare,
 cossì sialo benedeto,
95che ’l se m’ha proferto
 molto a la cortese.
 O Biasio, de le spese
 ch’a’ donte mè fare?
 A’ no porè durare
100a tanti magnamenti.
 O Biasio, i miè parenti
 circa de mariarme,
 e’ vo deliberarme
 e fare el so conseio,
105che ’l me serà ben meio,
 zigio mio polio.
 O caro me mario,
 mo chi te m’ha robò?
 O Biasio mio imelò,
110pi dolce ca la zacara,
 tu parivi una poiacara
 sì adavito remio.
 O Biasio el me mario
 pin de mele e de dolzume.
115O Biasio bel morume
 pin de zintilia.
 O povera Tamia,
 come sìtu ma’ deserta!
 O Biasio, ch’a’ son certa
120de volerme mariare,
 ch’a’ non posso durare,
 zuoia mia spiritiosa.
 O bocca mia oliosa,
 che saea da viole,
125mo disivi parole
 ch’arà scompisà una vaca.
 O Biasio, ch’a’ son straca
 de tanto tribularme.
 E’ voio maridarme
130questa sera schieta,
 a’ no vo pi star a dieta
 possando far de manco.
 Fra Bernardo sé stanco
 a farme i miè piasere,
135a’ voio provedere
 infina ch’a’ g’ho el tempo,
 perché a compimento
 a’ me possa satiare.
 A’ son fatta comandare
140denanci a la Rason
 per un bel compagnon
 che vol esser me mario,
 sì che, frel mio,
 sta’ con Dio e la Mare.