Archivio digitale veneto

Faelamento de Rovegiò Bon Magon

 

 
 Faelamento de Rovegiò Bon Magon dalle valle de fuora
 e de Tuogno Regonò dalla villa de Vegian, sora la nieve dell’anno 1608
 
 Al me caro, lustrio, cielentissimo, e da ben segnore
 e paron, el Segnor Galileo de i Galiliegi
 vero arecoltore delle smatemateghe,
 e slenzaore in lo Bo de Pava a gi Scuelari
 della so prefission, spiego
 d’hanore della nostra itè.
 
 ’L [è] assè agni, Paron Lustrio me caro e Cielentissimo Segnore, que a’ sonte innamorò in le vuostre virtuliose vertù, ch’a’ no sè faelare, que a’ no v’habbi in bocca; e, con disse quelù, mieritamen, perqué, - lagon mo annare que vu in tutte le scintie e facoltè d’hanore a’ boatè sì ben, que a’ no inviliè nigun, sì con po in quella, ch’a’ bragagnè contugnamen, delle smatemateghe, que è la vostra prefession snatorale -, el no gh’è homo, sea chi se vuogia, che ve vaghe al paro, perqué, a’ suogio mo dire così, e so que a’ no me rego, che vu, Segnore, col vostro stare la maor parte de i vostri dì con tutto l’anemo, e con tutto ’l spiretto, cazzò in quelle ca’ d’i Pianuotti de sora a furegare per le suò massarie, a v’hi fatto compagno de barba Giove, frello zurò de Marte, se ben mo le bravarì no ve piase, cusin carnale de Mercorella e compare de tutti gi altri; de muò que a’ stago a spittare che dal gran ben que tutti qui Pianuotti ve vo, ch’un dì a pe d’iggi i ve intartegne là su e in luogo d’un Galileo i ve stramua in t’una bella fegura d’un nuovo Galion, per farve così quel hanore, que a’ mieritè, degneole delle vuostre lustrie faighe e prefetto saere, que ve farà po an vu restare in la smalmuoria de tutti i buoni slettran le bissecole d’agni. E perqué mo sto me amore e asservation, que a’ ve porto, n’habbi da restarme sempre mè adosso in confession, con fé quel della mea Bortola de Nale col so moroso Spigaruolo d’i Gagi da Tramonte, que la no ghe vósse mè far saere el ben che la ghe volea, selomè quel dì che, buttanto el derean sospiero che fu d’altro ca d’amore, con se suol dire traganto del peto al muro, la tirè su i scofon, a’ gh’he vogiù adesso con sta bella casion de sto me faelamento sora la nieve passà, cossì fatto con ’l è, vegnirve a far rebelintia e onfrirme, co a’ fago, per vostro gastaldo e sierviore, così pregantove che, smiranto no alla qualitè de quel ch’ a’ve mando, que xe un gnente al palangon dell’amor ch’a’ ve porto, ma solamen al puro affietto de quelù che ve ’l manda, que a’ son mo mi, che a’ ’l vogiè cettare e vêre ontiera e tegnirvelo a pe de vu per na smalmuoria de quel ben, che mè sempre a’ ve son per portare. Con che, agurantove dal Cielo quella felicitè, que a’ vorae an mi, a’ ve vegno co un bel repetton d’inchin basantove le man, a pregarve que a’ me vogiè ben, e a ubigarme e sempre pre tutti gi vuostri comandi.
 Della vostra Segnoria Lustria e Cielentissima sierviore e gastaldo
 Rovegiò Bon Magon dalle Valle de Fuora
 
 
 Discorso di Rovigiò Bon Magon dalle Valli di Fuori e di Tuogno Regonò dalla villa di Veggian sopra la neve dell’anno 1608.
 
 Al mio caro, illustre, eccellentissimo e dabbene signore e padrone il signor Galileo dei Galilei, vero cultore delle matematiche, e lettore nel Bo di Padova agli stu­denti della sua professione, specchio d’onore della nostra età.
 
 Sono molti anni, mio caro illustre padrone ed eccellentissimo signore, che sono innamorato nelle vostre virtuose virtù, che non so parlare che non vi abbia in bocca e, come disse quello, meritamente, perché - lasciamo andare che voi in tutte le scienze e facoltà d’onore vi sbrigate così bene, che non invidiate nessuno, specie in quella che maneggiate continuamente, delle matematiche, che è la vostra professione naturale -, non c’è uomo, sia chi si voglia, che vi stia alla pari, perché, soglio dire, e so che non mi sbaglio, che voi, signore, col vostro stare la maggior parte dei vostri giorni con tutto l’animo e con tutto lo spirito cacciato in quelle case dei Pianeti là sopra a curiosare per le loro masserie, vi siete fatto compagno di barba Giove, fratello giurato di Marte, sebbene non vi piacciono le bravate, cugino carnale di Mercurio e compare di tutti gli altri; di modo che sto aspettando che dal grande bene che tutti quei Pianeti vi vogliono, che un giorno o l’altro vi trattengano lassù vicino a loro e al posto di un Galileo vi mutino in una bella figura di un nuovo Galeone, per farvi così quell’onore che meritate, degno delle vostre illustri fatiche e perfetto sapere che vi farà poi restare nella memoria di tutti i buoni letterati in secula seculorum. E perché questo mio amore e osservanza, che vi porto, non abbiano da restarmi sempre addosso in confessione (come fece quello della mea Bortola di Nale col suo moroso Spigarolo dei Galli da Tramonte, che non volle mai fargli sapere il bene che gli voleva se non quel dì che, esalando l’ultimo sospiro che fu d’altro che d’amore, come si suol dire dando il peto al muro, tirò le cuoia), ho voluto adesso con questa occasione del mio discorso sopra la neve passata, fatto cos~ come è, venirvi a fare riverenza e offrirmi, come faccio, per vostro gastaldo e servitore, pregandovi che, guardando non alla qualità di quello che vi mando, che è un niente in paragone dell’amore che vi porto, ma solamente al puro affetto di colui che ve lo manda, che sono io, che vogliate accettare e vedere volentieri e tenervelo vicino in memoria di quel bene, che vi porterò sempre. Con che, augurandovi dal Cielo quella felicità, che vorrei anch’io, vengo con un bell’inchino baciandovi le mani a pregarvi che mi vogliate bene, e a obbligarmi sempre a tutti i vostri comandi.
 Di vostra signoria illustrissima ed eccellentissima servitore e gastaldo Rovegiò Bon Magon dalle valli di fuori
 
 
 
 
 Rovigiò e Tuogno
 
 Rov.
 Compare Tuogno, a dio.
 Que ve par mo de sta
 bella somenason,
 che xe vegnua dal cielo
5a incapellar sti altan
 e a refrescar le neghe a la campagna
 quence, ch’a i nuostri dì
 no se n’ha mè vezù simia o maore?
 Tuo.
 Siè ’l ben vegnù, compare.
10Cancaro, se l’è bella!
 No n’èlla bianca, che la cava gi vuocchi?
 Che la butte pur ben
 a recuogier la frua del semenò,
 perché el resto po
15vaghe con la sa annare,
 ch’a’ no ghe vuò pensare:
 se la menerà gran,
 at l’harò cara, sta somenason,
 que così a’ chiamè vu,
20ché, con disse quelù,
 al scorlar de la pagia a’ se indaron.
 Rov.
 Orbentena, ’l è ’l vero,
 que con la pala e’l staro
 a’ se poren chiarir del so laoriero.
25E se l’annesse mo
 così, caro compare,
 la frua del spigaruolo,
 con se vé de sason
 annar quence chialonte aliegramen
30sta bella biancolezza, che disséu?
 No ve contentesséu?
 Tuo.
 Mo magària fossante
 in lo scorlar del gran
 d’un così bel arcolto alturiè
35con se vé questo, ché
 ’n altro so pare no n’ha bio ’l Pavan!
 que po, co a’ digo, e ben,
 a’ possan fare an nu,
 compar, con fea quelù,
40che per no laorare
 el se annea scusanto
 que ’l lagava i bosatti a reponsare.
 Rov.
 La rason si ’l vorae
 e ’l besuogno, que a’ n’hemo,
45per saldar le partì con gi usulari,
 que per gran si n’ha dò
 le scaùgie pezzor de i suò granari,
 e per poere un dì
 da i Montanari rancurarse a ca’
50i pigni nuostri che
 xe mo na infinitè,
 que co a’ saì, compare,
 i mal agni passè n’ha fatto fare.
 E se no rega mo
55le servason, che chiare bote fala,
 a’ spiero ch’a bel patto
 habbian d’haere an nu guano su l’ara,
 co i temporale no ne muove guerra,
 tanto gran scaolò
60quanta nieve chialò
 se vé sì ben destesa,
 ielta china a centura, in su la terra.
 
 Tuo.
  Se a i besuogni que haon
 de supa, de menestra e de polenta,
65i biè recuolti ne corresse drio,
 sì con par ch’i ne scampe,
 a’ me darae da crere
 ch’al muò quence ch’a’ dî
 ste vuostre servason foesse vere;
70ma ’l è ’l bordelo mo,
 qué i mali timpi de gi agni passè,
 sì stragni con g’è stè,
 n’ha za chiario sì ben
 fagàntone sentire
75e toccar con le man
 che l’è buffonarì
 el nostro voler crere a i temporale,
 che, così co a’ disì,
 n’habbi da portar iggi
80là su dal cielo in terra o ben o male;
 perché Quel che comanda
 a quei, ch’i muove e i fa
 svolzer mo qua mo là
 e tombolare a la so volontè,
85co a’ degon crere, zé
 Quello che con rason
 vuole ch’a’ cognessan
 que’l ven da le suò man
 tutte quante le vere servason;
90onve, co a’ digo mo,
 quando ch’i puole ne vorà alturiare
 A’ n’he paura po
 - mostra quel che se vuogia i temporale –
 que a’ no fagan la supa in lo boccale.
 Rov.
95’L è ’l vero quel ch’a’ dî,
 ch’agno cosa se rezze dal poere
 de Chi no fala mè
 e sa verasiamen
 quel che nu altri a’ no posson saere.
100Mo que? Vorìo negare
 que ’l servare tal fià no staghe ben
 quel che a nu se conven?
 Tuo.
  Mo mesiernò, compare. E tanto pi
 quando, co a’ disì, vu,
105crezanto, con se dê,
 che tutto quel ch’a’ seonte per servare
 vegne da quelle man,
 che mè no fala e no pò mè falare.
 Rov.
 E così a’ digo an mi,
110perché, sì con se vé
 quando che ’l sol va rosso al so ponaro,
 que ’l dì che ghe ven drio
 s’aspietta de bel patto
 que ’l vento si ne spalpare ’l pagiaro;
115e con la luna xe
 de apede imbavarà,
 a’ l’hon de fremo che
 la pioza si va in là,
 e co è da lunzi la imbevaraura
120la ne fa vêr d’agnora
 que, seganto bon tempo, ’l no ghe dura.
 Dal cimegar le stelle
 fuor del so snatorale
 e dal vêr sbampolar le Scottanelle
125de pi ca ’l so devere
 a’ prevezon l’arsura,
 che ’l dì vegnente si
 se fa sentire fuora de mesura.
 L’arcombè ne fa vêre
130’l vuolio, el fromento e ’l vin,
 quel arcolto venturo
 (se ’l no fala el pranostego de sora)
 c’haon da far con le vendeme e ’l miere.
 Le buore e i vinti, che
135ne ven dal lò del Carro
 vesin de barba Polo da Tramonte,
 ne fa prevêre ’l fredo,
 la nieve, le cisampe e i giazzaruoli,
 ch’a muò de campanieggi
140l’invernà se ne ataca a i barbazuoli.
 Mo la bampa de fuogo,
 con l’è sason de fredo
 e que la ne se mostra smortaizza
 simia d’una ravizza,
145ch’altro s’aspietta ca nuovolo e giazzo,
 e l’istè vinti, temporale e pioza?
 E così quando po
 la se vé che la fa
 al muò d’una mazzocara de sora
150e que, co è so snatura, la no gh’ha
 na bella ponta aguzza,
 no ne venla a predire
 in t’i fridi corale
 de fremo patto pioza e sirocale?
155E con la fa dal caldo
 assè bampuorie lusente e derotte,
 no ne semevela mo
 quî dì che ghe ven drio
 pini de malission,
160de vinti, limbi e susii,
 stragne tempieste? E piezo,
 quando la ruza da per ella al muò
 che s’alde a bella man
 ruzare in t’una zuca entro un tavan?
165Mo que, d’inverno no ne fàla vêre,
 quando la va col so bon snatorale
 dretturamen a l’elta, con rason
 que s’è cattivo tempo, ’l se fa bon?
 E simiamen l’istè
170la ne mostra denanzo,
 con sta rason così,
 que se ’l no fala el no pò mè mentire,
 el tempo c’ha vegnire?
 Mo ’l bronzaro, que s’alde a sgronzolare
175in gi timpi dal zielo,
 d’un color smortaizzo
 a muò d’un pero mizzo,
 no venlo inchindamò
 così a segnifigare
180sason de nieve in terra,
 sì con se vé a bel patto
 sta pruova vera mo
 adesso quence in chi l’ha sprimentà?
 E in lo caldo maore
185el ne dà po da vêre
 temporale cattivi,
 sitte, tempieste e ton,
 e pioze e vissinieggi a pi poere?
 I gagi col so canto
190chiama per lo bon tempo
 le piozuole dal cielo,
 e in lo cattivo po
 ne predise ’l seren
 co i suò cucurucù mediesmamen.
195L’aseno col raggiare
 e l’ocche in chiapo e le gru deschiapè,
 quelle con l’occhezzare
 e queste col sguazzarse i pennoncieggi
 ne dà da vêre che
200el se prepara, e d’un bel preparare,
 quelle piozuole care,
 que n’alturia tal fià quence l’iste.
 E le zoette an elle,
 i chioatti, gi aluchi e i barbastriggi,
205chi col cantare e chi
 col sbater l’alle mostra ’l simio an iggi.
 El sgrenzolar de gi ussi
 e ’l stopin della lume imbocolò
 col cantar delle ràcole
210chiama la pioza; e ’l fiò
 che s’alde dal canale
 de barba Diestro, que
 se chiama drettamen, con s’alde, Toffano,
 on se ten la conserva,
215chi non va a brazze a far le suò noelle,
 de tutte le megole de buelle,
 ne fa prevêre ’l tempo
 que xe per l’avegnire
 quanto pi a naso el ne se fa sentire.
220I buò col so leccarse
 le neghe, acolghè in terra
 sul lò da man, tal fià su quel da fuora,
 no n’èggi mo del vero
 que ne cavriuola ca
225tutti quanti i pianuotti supriore,
 nuostri strolegaore?
 Mo quando a’ somenon
 gi legume in la polvere
 n’èllo ditto d’agn’un
230ch’anche i granari se faghe de rovere?
 E perzonte a’ disea
 così, co a’gh’ho sentù
 a dir per gi miè dì
 e que assè botte a’ gh’ho servò anca mi,
235que, con l’è gran sason
 de nieve in terra, sibiò quelù
 c’harà ben somenò,
 perqué al sbatter la spiga
 (supie, se ’l sa, poeretto e desgratiò)
240le servason si vo
 que sunanto assè gran
 el se cave d’affagni e d’altra briga.
 Tuo.
 Con l’annarà così
 co a’ disì vu, compare,
245la ne butterà ben. Co a’ digo an mi
 che sibiò vu, c’hi fatto
 pi ca sea chi se vuogia in sto Comun
 de tutta botta un lustrio somenare.
 Momben, hìo po servò
250che se mè pi se cargherà i covierti
 de questa, ch’a’ chiamè somenason,
 e que a rason de pale e de rostieggi
 la non se traghe zo,
 que ’l cairà le tieze
255fracassanto le contene e i pontieggi?
 Rov.
 Mo mesiersì, que a’ l’ho
 china su le me tessere notà
 per un de i biè recuordi a i miè tosatti,
 que, se i lo serverà,
260le no ghe cairà
 co ha fatto quelle de
 tanti per sti Comun,
 que se n’aldirà dire
 per assè fiè chialò
265de ste noelle, que no xe da rire.
 Tuo.
 Mo sì, que in le cittè,
 e sprisamen in Pava, co a’ saon,
 la no gh’ha rovinè
 d’agno fatta te tieze e de cason,
270e tante mo, co a’ digo,
 ch’a contarle sarae na gran piatè?
 Rov.
  Compar sì, che ’l è ’l vero.
 E perzonte sta nieve
 sarà quéncena chì
275recordà per na consa memoriale,
 ch’una sì fatta mè
 se n’aldù a dir da i viecchi smaregale.
 El scomenzar da Nale a farse vêre
 e tegnir duro china al fin de marzo
280squaso agno dì, compare,
 la gh’ha rason de farse menzonare!
 El passa un mese que i bosatti e ’l carro
 a’ tegno inutilmen per la campagna
 e quel ch’è piezo mo
285si xe que le me vacche e le cavale,
 que a’ n’he possù mandare
 per sta nieve benetta a pascolare,
 m’ha magnò tutto ’l fen,
 le megiare, el vezzule e i favale,
290onve l’ha da annar male
 per lo bestiame che
 a malapena vivo ’l se manten.
 ’L è rivò ’l strame e la menestra an ella,
 con ch’alturiava in ca’ quence ’l bochego,
295e quel puo’ de acquarola,
 che la tempesta de l’anno passò
 la Brenta m’agié a fare,
 xe al fin del so filare;
 onve, co a’ digo mo,
300sta noella, compare,
 no m’ha da buttar ben,
 se ’l gran c’ho somenò
 no xe presto a vegnirme alturiare.
 Tuo.
 Compar, sto vostro male
305si xe comun chialò,
 e piezo in t’i brazzente
 que ’l n’è tra nu massari;
 e crezìmelo a mi
 que in t’una così fatta calestria,
310co è questa aniversale,
 puochi la pò fuzire
 de i contain que non la faghe male.
 E sapiè pur che gnanche a i cettain
 la no butta a so muò,
315que no possanto nu
 annare a le cittè
 a carriolarghe per sta nieve a ca’,
 né in su le piazze, pagia, legne e vin,
 gi è bonamen an iggi
320con tutte le so biestie assediè;
 e quando a’ ghe porente carrezare
 con de ste mercantì,
 crìmelo pure a mi,
 que a’ saveron, se i ne vorà comprare,
325farsele duppiamente e pi pagare.
 Rov.
 Gi ha comenzò a sentire,
 vogianto descargar le suò colmegne
 carghe de nieve, se
 nu altri da le ville a’ saon fare,
330qué inchina gi otto tron
 per vòlto d’agno ca’
 a descargarghe zó
 da i cupi in terra, a’ s’haon fatti dare.
 E po quence sforzè
335da una cria penale
 fatta far da i Rettore,
 ch’agn’un faesse fare
 nete le suò contrè
 per gi besuogni de posser annare,
340e piezo, co aldo a dire,
 per gi sospietti de la Sanitè,
 a’ gh’hon svogì i borsatti
 quencena a sti Pavan
 con voler per contrà
345con gi suò lazi inchin trenta ducati,
 que veramen n’è stè
 na omana per nu altri
 no possanto laorare a la campagna;
 perqué con sta rason de laoriero
350assè poeriti si
 xe alturiè così
 passanto ’l tempo via con sto mestiero,
 con che i s’ha guagnò ’l strame
 e fozìa la casion,
355que giera an grande, de morir da fame.
 Tuo.
 Ho an mi con la barella
 guagnò in sta nieve tanto
 che me farà le spese a le me vacche
 e s’ho da dire ’l vero
360ho guagnò sto cassetto
 e un mozo tra de fava e fromentello,
 que a i miè besuogni me xe un bon pontello.
 E posso dir, co a’ digo,
 que i miè guagni, compare,
365xe stè de quiggi che
 no se pò dir que a’ i supie stè a robare,
 perché quence tal fià
 netanto una contrà
 a’ gh’ho cattò la nieve ielta a le spale
370d’una sì fatta man, così induria
 che co i pichi a faiga
 in piezzi, e tutti gruossi da fachin,
 s’ha bio che fare assè
 a tuorla in carro e pi
375a carriolarla al fime
 per le montagne de quelle contrè.
 E laldo Dio, compare,
 que n’ha mandò sto alturio, ch’altramen
 da quel ch’a’ son, que mi
380(in lo besuogno c’ho)
 de giuno fatta a’ no saea que fare!
 Rov.
  Mo an mi col carro e con do carriuole
 a’ me deparo e crezo
 d’haer tochè de i tron pi de dosento,
385così co hi fatto an vu,
 con sta comolitè d’esser vesin
 de Pava a ste muragie,
 onve aldo dire che
 s’ha spendù in descovrire
390le ca’ d’agn’un chialò
 da la incapelaura
 de la gran nieve e po
 in far descatigiare an le contrè
 dodese e pi megiara de ducati,
395que a nu ne xe stè in fatti
 e per l’alturio de i nostri nimale
 tanti megiara de fregi carnale.
 Tuo.
 Orsù, compar, co a’ digo veramen,
 la no va mè sì male
400per un ch’a l’altro la no vaghe ben.
 E quanto a mi mo a’ crezo
 que sta malission
 que xe vegnua dal Cielo
 supie del fremo chì
405stà carriolà per gi pechè d’agn’un;
 onve Dio vuogia mo
 (s’a’ no se remendon)
 che la staghe chialò,
 qué drio sta nieve…, con disse quelù:
410“Dio ve agiaghe, Segnore,
 que drio de vu no gh’in vegne un pezore”.
 Rov.
  D’agno mal che vegnisse,
 compare, ’l è ’l bordelo,
 que an nu no stassan ben,
415perqué, co a’ disì an vu,
 co ’l mal si xe comun
 la no butterae ben gnianche per nu.
 Perzonte pregon Dio quanto se pò
 che ne guarde chialò
420d’agno torbolation de temporale,
 que ne poesse urtare
 nu altri e la campagna,
 che n’alturia sì ben
 e con puoca faiga
425ne dà ’l vestire, el bevere e ’l magnare,
 perqué vivanto in legration de cuore
 e niti a fatto d’i nuostri pechè
 a’ saron tutti in gratia del Segnore.
 Tuo.
 Così degonte fare
430e pregar Dio per quiggi
 che peca e xe cason de far pecare,
 azoqué, con se dê,
 i cattivi se vegne a remendare
 e gi usulari an iggi
435arvanto i suò granari
 ne daghe in crenza e n’habbi sempre a cari.
 Rov.
 El pregare ’l Paron
 ch’in t’un fìate fé la terra e ’l mare
 col so poere che n’harà mè fin
440per nostro ben de nu,
 così co a’ disì vu,
 si xe ’l megiore mo
 e maor ben que mè possa fare;
 qué, se vegnisse pi
445simia malission
 e così stragna in terra,
 la no daneze chì
 altro ca in t’i figari,
 gli osmarini e i lorari,
450le viuole e de sta fatta de noelle,
 que a pe ’l fromento [e] ’l vin
 a’ l’he sempre tegnue per bagatelle.
 Tuo.
 Mo vaghe pure in paese
 le viuole e gi osmarin
455co i figari e i lorari
 sì con gi è annè, que no se in catta un
 quencena in sti Comun
 né in cerca a ste cittè
 que supie vivo in pe!
460E vage an l’oselame
 drio ste noelle al muò que ’l ghe xe annà,
 que, se sta botta ’l no s’ha schiarezò
 con le re’ da sta nieve e dal gran zielo,
 e d’un bel schiarezzare
465a’ vuogio crere che
 el no possa mè pi perigolare:
 chi no xe stè pigiè
 a tamazuolo o a vischio su le rame,
 poeriti desgratiè,
470ha sconvegnù a la fin morir da fame.
 E crezo inchindamò
 che sto deluvio nevegaro sea
 solamen chì vegnù quence chialò
 per dar na smarazzà
475a ste piante celente
 e simiamen na rota a tanti osieggi,
 que a dir la veritè
 quence de vivi el ghe n’è puochi d’iggi.
 Mo vaghe pur, que a’ no gh’in dago gniente.
480La polenta, la supa e la menestra
 xe quanto a’ cerco haere
 e in tanta quantitè que sea ’l devere;
 e con questa no manca a la snatura
 d’i nuostri stomegale,
485a’ gh’hon da rengratiare
 (sì con disse quelù)
 Chi ne goerna e xe
 nostro miego ai besuogni e speciale.
 Rov.
 Così a’ digo anca mi,
490e con sto bon pensiero
 da pruente compare
 e de bontè e d’hanor homo compio
 a’ ve vuogio lagare.
 Stè san, su, aliegro, governève, a dio.
 Tuo.
495Fè così an vu mo e se
 per gi vuostri besuogni
 a’ me cognosì bon,
 comandème, compare,
 aliegramen, né ve laghè mancare.